வெற்றிவேல் முருகனுக்கு அரோகரா

கந்த சஷ்டி சிறப்பு பதிவாக    தொடர்  பதிவு செய்து கொண்டு

இருக்கிறேன்.  

இன்று   கந்த சஷ்டி - ஆறாம் நாள் 

இன்று ஆறாம் படை வீடு  பழமுதிர்ச்சோலை இடம் பெறுகிறது.  

மதுரை வந்த பின் நிறைய தடவை பழமுதிர்ச்சோலை முருகனை தரிசனம் செய்யும் பாக்கியம் கிடைத்தது,  ஆங்கில புத்தாண்டு, மற்றும் கிருத்திகை தோறும் தரிசனம் செய்து வருவோம்.

இதற்கு முன் போட்ட பதிவுகள் படிக்கவில்லை என்றால் படிக்கலாம்.

ஸ்ரீ பாலதண்டாயுதபாணி நீலிக்கோணாம்பாளையம் -கந்த சஷ்டி முதல் நாள் பதிவு

திருப்பரங்குன்றம் திருப்புகழ் கந்த சஷ்டி  - இரண்டாம் நாள்  நாள் பதிவு

வேலை வணங்குவது எமக்கு  வேலை - மூன்றாம்  நாள்  பதிவு

சுவாமிமலை வாழும் குருநாதா சரணம் !-  நான்காம் நாள் பதிவு

திருத்தணி முருகா தென்னவர் தலைவா ! - கந்த சஷ்டி  - ஐந்தாம் நாள்  பதிவு திருத்தணிகை.

முருகனுக்கு கடைபிடிக்கும் விரதங்கள் மூன்று

1.  வாரா வாரம் செவ்வாய் கிழமை முருகனை நினைத்து  விரதம் இருப்பார்கள்

2. கிருத்திகை நட்சத்திரம் அன்று விரதம் இருப்பார்கள்

  3. ஒரு மாதம் வரும்  இரண்டு  சஷ்டியில்  விரதம் இருப்பார்கள் 

அதில் ஐப்பசித் திங்கள் வளர்பிறையில் வரும் சஷ்டியில் சூரபன்மனை சம்ஹாரம் செய்த நாள் 

அதனால் அது  மிகவும் சிறப்பு. 

 கலியுக வரதன் என்று போட்ட பதிவில் கந்த சஷ்டி ஆறாம் நாள்  நடைபெற்ற அபிஷேகம் , அலங்காரம், மற்றும் யாகசாலை பூஜைகள் இடம் பெற்று இருக்கும் அவற்றில் சில படங்கள் இங்கு பகிர்ந்து இருக்கிறேன் முழுமையாக அங்கு சென்று பார்க்கலாம்.

மகன் செய்த சூரன்கள் அரிசோனாவில் மகா கணபதி கோயிலுக்கு மகன் செய்து கொடுத்த சூரன்கள் வைத்து சூர சம்ஹாரம் நடந்த பதிவு.

பழமுதிர்ச்சோலையில் முருகனின் திருமணம்

சூர சம்ஹாரம் பார்த்தால் திருமணம் பார்க்க வேண்டும் என்பார்கள் பழமுதிர்ச்சோலையில் நடந்த திருமணம் இந்த பதிவில்.

அதிலிருந்து சில படங்கள் இங்கு இடம்பெற்று இருக்கிறது முழுமையாக படிக்க , பார்க்க  மேலை உள்ள சுட்டியில் பார்க்கலாம்.

https://www.youtube.com/watch?v=X0Y2qfLVGrQ

https://www.youtube.com/watch?v=9X3skopNl0g

பழமுதிர்சசோலை திருப்புகழ்

வெற்றிவேல் முருகன் அனைவருக்கும் எல்லா நலங்களும், வளங்களும் அருள வேண்டும். இந்த ஆறு நாட்களும் முருகனை சிந்திதோம்,  ஆறு நாட்கள் வந்து படித்து கருத்துக்கள் கொடுத்து ஆதரவு அளித்த அனைத்து அன்பு உள்ளங்களுக்கும் நன்றி.

என் தோழி உமையாளுக்கு அவள் தங்ககை லட்சுமிக்கும் நன்றி . உமையாள் மற்றும் அவள் தோழிகளுடன் கூட்டு வழிபாட்டில் கந்தர் அனுபூதி, சண்முக கவசம், கந்த சஷ்டி கவசம், திருப்புகழ், முருகன் தனி பாடல்கள்

என்று பாடினோம்.,பாட வைத்தான் முருகன்.

அவள் தங்கை  கந்த சஷ்டி விழா அபிஷேகம், அலங்கார பூஜை படம் அனுப்பினாள்.

ஜோதி டிவியில் தினம் ஒரு முருகன் கோயில் பார்த்தேன்.

காலை எப் எம்  ரேடியோவில் ஆத்திசூடியில் நல்ல  நல்ல பாடல்கள் , முருகன் சிந்தனைகள், சஷ்டி கவசம் கேட்டேன்.

எல்லோருக்கும் நன்றி.

என் மடிகணினிக்கும் நன்றி இடை இடையே  மறைந்து மறைந்து மாயம் செய்தாலும் பதிவு போட அனுமதி அளித்தமைக்கு நன்றி.

வெற்றி வேல்   வீரவேல்!  வெற்றி வேல் வீரவேல்!

பகைவனுக்கும் அருள்வான் கந்தன்

ஆணவம், கன்மம், மாயை எனும் தீமைகளை அழித்து  நீலமயில் மீது எழுந்தருளி ஞாலமெல்லாம் வலம் வந்த வேலவனை வெற்றித் திருமகனை  கந்தனை, கடம்பனை சரவணனை, செங்ககோட்டு வெற்பனை குகனை ஷண்முகனை  -பாலதண்டாயுதபாணியை  ஆயிரம் கோடி திருநாமங்களால்  அர்ச்சித்து  அவரின் திருவருளை  பெறுவோம்.

சேவலும், மயிலுமாக  மாறிய சூரபத்மனுக்கு ஞானத்தை அளித்து ஆட்கொண்டு , சேவலை தேரிலும், மயிலை வாகனமாக  ஏற்று .அருளிய  முருகனை வணங்கி மகிழ்வோம்.

.

மூவிரு முகங்கள் போற்றி முகம் பொழி கருணை போற்றி

ஏவரும் துதிக்க  நின்ற ஈராறு தோள் போற்றி காஞ்சி

மாவடி  வைகும் செவ்வேள் மலரடி போற்றி அன்னான்

சேவலும் மயிலும்  போற்றி திருக்கை  வேல் போற்றி! போற்றி!

கந்தவேள் முருகனுக்கு அரோகரா 

வெற்றிவேல் முருகனுக்கு அரோகரா

வாழ்க வையகம்! வாழ்க வையகம்! வாழ்க வளமுடன்!

------------------------------------------------------------------------------------------------------------