ஆலோவின் தினக்கொண்டாட்டம்.
நாங்கள்ஆலோவீன் கொண்டாட்டத்தை இந்த முறை மகனுடைய ஊரில் பார்க்கப் போகிறோம்.அக்டோபர் மாதம் கடைசிநாளன்று இது கொண்டாடப்படுகிறது. கிறித்தவ மதப்பெரியார்கள் ,தியாகிகள் மற்றும் இறைநம்பிக்கையாளர்களை வணங்கும் தினமாகச் சிலர் கருதுகிறார்கள். இந்நாளை ஆல் செயிண்ட்ஸ் டேயுடன் தொடர்பு படுத்திக் கூறுகிறார்கள். (உலகெங்கிலும் உள்ள கிறித்தவர்கள் நவம்பர் ஒன்றாம் தேதி ஆல் செயின்ஸ்டேயும் மறுநாள் ஆல் சோல்ஸ்டேயும் கொண்டாடுகிறார்கள்)
ஊரே ஆலோவீன் கொண்டாட்டத்திற்கு தயார் ஆகிக்கொண்டு இருக்கிறது. ஆலோவீன் காஸ்டீயூம் கடைகள், புதிதாக விளைந்த பறங்கிக்காய்கள், காய்ந்த சோளத்தட்டைகள், வைக்கோல்கள் விற்பனை என்று எங்கும் கடைகள். இலை தெரியாமல் அழகாய் சிவந்தி மலர்கள் தொட்டிகள் எல்லாம் ஆலோவீனை வரவேற்கக் காத்து இருக்கிறது. ஒவ்வொரு வீடுகளிலும் மலர்த் தொட்டிகள் பறங்கி காய்களை வித விதமாய் அழகாய் அடுக்கி வைத்து இருக்கிறார்கள்.
ஆலோவீன் என்றால் என்ன என்று பார்த்தேன் விக்கிப்பீடியாவில். உங்களுக்கு தெரிந்திருக்கும் . அதுபற்றி கொஞ்சம் கீழே கொடுத்து இருக்கிறேன்.
//ஆலோவீன் (Halloween ) என்பது அக்டோபர் 31 அன்று கொண்டாடப்படும் ஒரு விடுமுறைக் கொண்டாட்டம் ஆகும்.
இப்போது இது மதச்சார்பற்ற ஒரு கொண்டாட்டமாகவே திகழ்கிறது. இந்த நாளானது ஆரஞ்சு வண்ணத்துக்கும் மற்றும் கருமை நிறத்துக்கும் தொடர்புபட்ட நாளாகக் கருதப்படுகிறது.
மற்றவர்களை பயமுறுத்தி விளையாடுவது, பலவிதமான மாறுவேடங்கள் அணிவது, மாறுவேட விருந்துகளில் கலந்து கொள்வது, சொக்கப்பனை கொளுத்துவது, பயமுறுத்தும் கதைகளைப் படிப்பது, பயமுறுத்தும் படங்களைப் பார்ப்பது ஆகியவை இந்த கொண்டாட்ட நாளில் இடம்பெறும்.
சிறுவர் சிறுமியர் மாறுவேடமணிந்து வீடு வீடாகச் செல்வர். பரிசு தருகிறீர்களா அல்லது தந்திரம் செய்யட்டுமா என்று கேட்பர். வீட்டில் இருப்பவர்கள் மிட்டாய் அல்லது வேறு ஏதேனும் பணம் கொடுத்து அனுப்புவார்கள்.
முன்னோர்களின் ஆவிகளுக்கு அவர்கள் மரியாதை செய்வதோடு தீங்கிழைக்கும் பிற ஆவிகளை துரத்துவதையும் மேற்கொள்கின்றனர். தீய ஆவிகளில் இருந்து தங்களைப் பாதுகாக்கும் அடையாளமாக தாங்களும் அது போன்ற முகமூடிகளையும் ஆடைகளையும் அந்நாளில் அணிந்து கொள்கின்றனர்.
ஆலோவீன் நாளில் பேய்க் கதைகளை சொல்வதும் திகிலூட்டும் படங்களைப் பார்ப்பதும் பொதுவானவைகளாக இருந்தன. பல பேய்ப் படங்கள் ஆலோவீன் விடுமுறை நாட்களுக்கு முன்பாக வெளியாகின்றன.//
நன்றி : விக்கிப்பீடியா.
ஆலோவின் தின கொண்டாட்டம் 2013ல் எழுதிய பதிவு. நியூஜெர்சியில் நடந்த கொண்டாட்ட படங்களை பார்க்கலாம்.
கீழே வரும் படங்கள் அரிசோனாவில் எடுத்த படங்கள்.
மகன் செய்த ஆலோவீன் டிராகன் வாயிலிருந்து கலர் புகை வரும் காணொளி பிறகு
![Image may contain: 1 person, smiling, hat and closeup](https://scontent.fphx1-2.fna.fbcdn.net/v/t1.0-9/22279504_1504421309637279_1514375519444148857_n.jpg?oh=5d60fcca7db263b4dcce06be2096ddc1&oe=5A7BA7C3)
கடையில் பேரன்
![No automatic alt text available.](https://scontent.fphx1-2.fna.fbcdn.net/v/t1.0-9/22140841_1504421332970610_4824635178612993565_n.jpg?oh=42d7d7aa1163a298716ab5ac0f80eb99&oe=5A64B3A1)
பக்கத்து வீடுகளில்
![Image may contain: outdoor](https://scontent.fphx1-2.fna.fbcdn.net/v/t1.0-9/22050104_1503682773044466_2510966711477458652_n.jpg?oh=d4d0413aa7d9a5b821ef11a9c6b38b12&oe=5A65EFB6)
![Image may contain: one or more people, people standing, tree and outdoor](https://scontent.fphx1-2.fna.fbcdn.net/v/t1.0-9/22090051_1503682766377800_8161228944021135634_n.jpg?oh=4c7f64ea65228f379b014b6be14051f8&oe=5A72E799)
![Image may contain: one or more people, people standing and outdoor](https://scontent.fphx1-2.fna.fbcdn.net/v/t1.0-9/22154395_1503682786377798_2486982417352201651_n.jpg?oh=6db857dcef79d8088edfba5388890609&oe=5AA805DA)
திகில் ஊட்டும் காட்சி
கடையில்
கார் கண்காட்சியில் பெரியவர்கள் பிச்சைக்காரர் வேடமிட்டு
கார் கண்காட்சி நடந்த இடத்தில் ஆலோவீன் அலங் காரங்களுடன் மக்கள்
முன்னோர்களை வணங்கும் நாளாகவும் இருக்கிறது.
மேற்கு நாடுகளில் கொண்டாடப்படும் (பேய்) இருள் விலக்கும் பண்டிகை.
மன உறுதி ,பயமின்மை போன்றவற்றை வளர்க்கவும் ஆலோவீன் திருவிழா பயன்படுமே..!
குழந்தைகள் பெரியவர்கள் அனைவரும் வேடமிட்டுக் கொண்டு மகிழ்ச்சியுடன் செல்வது முன்னோர்களின் ஆசிதான்.
வாழ்க வளமுடன்.