ஜன்னல் வழியே!

எங்கள் வீட்டு  ஜன்னல் வழியே  பறவைகளைப் பார்த்து ரசிப்பதைப்    பகிர்ந்து வருகிறேன். இந்தப் பதிவில் குருவிகள். மீண்டும் குருவிகள் குஞ்சு பொரித்து இருக்கிறது. வீட்டைச் சுற்றி குருவிகள் சத்தம் கொடுத்துக் கொண்டு சுற்றித் திரிகிறது, உணவு எடுத்து குஞ்சுகளுக்கு கொடுக்க.

கொடிக் கம்பியில் உட்கார்ந்து வேடிக்கை பார்க்கும் குருவி


கண்ணாடியில் தெரியும் தன் உருவத்தைப் பார்த்து வேறு குருவி என்று கத்திப் பேசும் குருவி

கூட்டுக்குள் இருக்கும் குஞ்சுகளுக்கு உணவு கொடுத்து விட்டு அமர்ந்து இருக்கும் குருவிகள்.

டி.வி கேபிள் ஒயர் அதற்குப் பிடித்த ஊஞ்சல்.

இங்கு இருந்து நான் நிற்பதை கொஞ்சமும் பயம் இல்லாமல் வேடிக்கை பார்க்குது . இப்போது கொஞ்சம் பழகி விட்டது.

கூட்டுக்குள் அமர்ந்து வேடிக்கை பார்க்கும் குருவி.



மேலே உள்ள அத்தனை படங்களும் காணொளியாக இருக்கிறது குருவி கண்ணாடியில் தன் உருவத்தைப் பார்த்துச் சண்டை இடுவது இருக்கிறது.


குழந்தைகள் தொட்டிலில் இருந்து தலையை வெளியே நீட்டி எட்டிப் பார்ப்பது போல்  கூட்டுக்குள் இருந்து எட்டிப்பார்க்க ஆரம்பிக்கவில்லை, இப்போது மைனா வேறு எல்லாச் சுவர்ப் பொந்துகளிலும் எட்டிப்பார்க்குது, அது கூடு கட்டவோ அல்லது குஞ்சுகளைக் கொத்திச் செல்லவோ?-தெரியவில்லை  அதனால் குருவிகள் குஞ்சுகளுக்கு எச்சரிக்கை கொடுத்து விட்டது போலும் வெளியே எட்டிப்பார்க்கக் கூடாது என்று. உள்ளே இருந்து சத்தம் மட்டும் போடுது  குஞ்சுகளின் சத்தம் கேட்கும் கேளுங்கள் .

 இரண்டு காணொளியும் சின்னது தான், பார்த்துச் சொல்லுங்கள் எப்படி இருக்கிறது என்று. முன்பு குஞ்சுகள் எட்டிப் பார்த்து உணவு வாங்கிக் கொள்ளும் காணொளியைப் பகிர்ந்து இருக்கிறேன். அதே இடத்தில் தான் மீண்டும் கூடு கட்டி இருக்கிறது. பழைய சேகரிப்புகளை வெளியே தள்ளி விட்டு மீண்டும் புது தேங்காய் நார்களைக் கொண்டு வந்து வைத்து மீண்டும் கூடு அமைத்து இருக்கிறது. முன்பு  ஒரு குஞ்சு கீழே விழுந்து விட்டது.
எல்லா குஞ்சுகளும் பத்திரமாய் பறந்து போக வேண்டும் .

                                              வாழ்க வளமுடன்

---------------------------------------------------------------------------------