ஆறுமுகனே ! வருவாய்

முருகபெருமான் சூரனை  சம்ஹாரம் செய்த இடம் திருச்செந்தூர்.  நிறைய தடவை போய் வந்த கோவில். திருநெல்வேலி மக்கள் தங்கள் குழந்தைகளுக்கு முதல் முடி காணிக்கை திருச்செந்தூர் முருகனுக்கு தான் கொடுப்பார்கள். உறவினர்களின் குழந்தைகளுக்கு   மொட்டையடித்து காது குத்தும் விழாவுக்கு அடிக்கடி கலந்து கொள்ள திருசெந்தூர் போய் இருக்கிறோம். நிறைய பதிவுகள் திருச்செந்தூர் பதிவுகள் பதிவு செய்து இருக்கிறேன். அப்போது பகிர்ந்து கொள்ளாத படங்களை இந்த பதிவில்  பதிவு செய்து இருக்கிறேன்.

தண்டபாணித் தெய்வமே சரணமய்யா!

முத்தான முத்துக்குமரா முருகைய்யா வா வா

முந்திய பதிவுகள் .

உறவினர் குழந்தைக்கு பிறந்த நாள் அன்று ஆயுஷ்ஹோமம் , மற்றும் மொட்டையடித்து காது குத்துதல் நிகழச்சிக்கு போய் இருந்த போது உள்ள படங்கள்.

திருச்செந்தூர் முருகனை தரிசனம் செய்யும் வழியில் இந்த முருகன் மடம் இருந்தது , அந்த ஆறுமுகராக காட்சி அளித்தார். அவருக்கு சங்காபிஷேகம் செய்து கணபதி ஹோமம், நவக்கிரக ஹோமம் எல்லாம் செய்தார்கள். முருகனுக்கு அபிஷேகம் செய்து அலங்காரம் செய்தார்கள்.

500 ஆண்டுகள் பழமையான சிலைகள் என்று போட்டு இருந்தது. பிள்ளையார், 

பசுவும் கன்றும்

பழைய நினைவுகள் வந்தது

கந்தனுக்கு அரோகரா! வேலனுக்கு அரோகரா!

மாலை மயங்கும் நேரம்

பெண் மயிலின் முன் அழகாய் தோகைவிரித்து ஒரு நடனம்

நிலவு தெரிகிறதா? மாலை நேரம்  சின்ன காமிராவில் எடுத்த படங்கள்

கடலும் நிலவும் இருட்டில்

இருட்டில் மயில் தோகை(பி.சி ஸ்ரீராம் என்று நினைப்பு)

அலைகடலின் ஓரத்திலே! 

 

திருசெந்தூர் யாமிருக்க பயமேன் என்ற வலைத்தளத்தில் திருச்செந்தூர்  திருப்புகழை பற்றி படித்த விவரம். பெரியவர்களும் சொல்ல கேட்டு இருக்கிறேன்.  அன்பர்கள் வீட்டில் மகன் ,மகளுக்கு வரன் பார்த்து கொண்டு இருப்பவர்கள் இந்த திருப்புகழை படித்து பயன்பெறலாம் என்று இந்த பகிர்வு.

//திருமணத் தடையையும் நீக்கும் அரிய மந்திரத் திருப்புகழ்

நம் வீட்டில் திருமணம் ஏதாவது பிரச்சினை காரணமாக தடைபட்டுகொண்டே செல்கிறதே இதற்கு தீர்வு ஏதும் உண்டா என்று கேட்கும்நமக்கு கலியுக்கடவுளான முருகனின் திருப்புகழில் ஒரு பகுதியைநமக்கு எடுத்துத் தருகிறார் நம் கிருபானந்த வாரியார் சுவாமிகள்.வெறும் வார்த்தையாக இல்லாமல் உறுதியாகவும் நிச்சயமாகவும்கூறுகிறார். 1 மண்டலம் அதாவது 48 நாட்களுக்குள் திருமணம் நடக்கும் இதற்கு அருணகிரி நாதர் முருகனைப் பற்றிப் பாடி அருளியமந்திர திருப்புகழை திருமணம் ஆகாதவர்கள் தினமும் காலை அல்லதுமாலை வேளையில் ஒரு நாளைக்கு 6 முறை வீதம் , 48 நாட்கள்தொடர்ந்து பாராயணம் செய்தால் கண்டிப்பாக எந்த விதமான திருமணதோசங்கள் இருந்தாலும் அத்தனையையும் நீக்கி 48 நாள் முடிவதற்குள்நல்ல பதில் கிடைக்கும்.
திருமணம் ஆனவர்கள் இந்தத்திருப்புகழை படித்தால் குடும்பத்தில்விட்டு சென்ற உறவுகள் சேரும் என்பதும் நிதர்சனமான உண்மை.//

//விறல்மார னைந்து மலர்வாளி சிந்த
மிகவானி லிந்து …… வெயில்காய

மிதவாடை வந்து தழல்போல வொன்ற
வினைமாதர் தந்தம் …… வசைகூற

குறவாணர் குன்றி லுறைபேதை கொண்ட
கொடிதான துன்ப …… மயல்தீர

குளிர்மாலை யின்க ணணிமாலை தந்து
குறைதீர வந்து …… குறுகாயோ

மறிமானு கந்த இறையோன்ம கிழ்ந்து
வழிபாடு தந்த …… மதியாளா

மலைமாவு சிந்த அலைவேலை யஞ்ச
வடிவேலெ றிந்த …… அதிதீரா

அறிவால றிந்து னிருதாளி றைஞ்சு
மடியாரி டைஞ்சல் …… களைவோனே

அழகான செம்பொன் மயில்மேல மர்ந்து
அலைவாயு கந்த …… பெருமாளே.//

- அருணகிரிநாதர்

படித்ததை பகிர்ந்து இருக்கிறேன். மந்திரத் திருப்புகழ்  கீழே சுதா ரகுநாதன் அவர்கள் பாடியது. 

பாடல் வரிகளுடன் இருக்கிறது 

https://www.youtube.com/watch?v=C8eFROAQ_Sk

https://www.youtube.com/watch?v=4VcBNO57Ls4

ஆறுமுகம் ஆறுமுகம் பாடல் வரிகளுடன் இருக்கிறது.

திரு.  சம்பந்தம் குருக்கள் பாடி இருக்கிறார்.

தலைப்புக்கு ஏற்ற திருப்புகழ் தேர்வு செய்தேன். இந்த திருப்புகழ எனக்கு பிடிக்கும்.

சின்ன கண்ணன் ஆடுகிறான் ஊஞ்சல் -2013 ல்  போட்ட பதிவு

முருகனை சிந்திப்போம்- 2 - 2018 ல் போட்ட பதிவு

முருகனை சிந்திப்போம் தொடர்ந்து.

வாழ்க வையகம்! வாழ்க வையகம்! வாழ்க வளமுடன்!