இறைவனுக்கு நன்றி.

 

அனைவருக்கும் இனிய தீபாவளி நல் வாழ்த்துகள். நான் தீபாவளி வாழ்த்து சொல்ல தயார் செய்தபடம்.

 இறைவன் அருளால் இந்த ஆண்டு மழை இல்லாமல் எல்லோரும் மகிழ்ச்சியாக வெடிகள் வெடித்து புத்தாடை அணிந்து மகிழ்ச்சியாக எங்கள் வளாகத்தில் கொண்டாடி விட்டார்கள்.நானும்  என்னால் முடிந்தவற்றை செய்து கொண்டாடி விட்டேன்.

உறவுகள், வலை உலக நட்புகள்,   மற்றும், திருவெண்காடு , மாயவரம் நட்புகள் வாழ்த்து அனுப்பினார்கள்., பேசினார்கள் அனைவருக்கும் நன்றிகள்.

அனைவரின் உரையாடல் பலத்தை தெம்பை கொடுக்கிறது. இறைவனுக்கு நன்றி. பண்டிகை நல்லபடியாக கடந்து போனது.

நேற்று எனக்கும் மருமகளுக்கும் கொஞ்சம் உடம்பு சரியில்லை.

"எனக்கு இரவு உடம்பு சரியில்லை பழைய மாதிரி வேலைகள் செய்ய முடியவில்லை" . என்று பேரனிடம் சொன்ன போது பேரன் "அம்மாவுக்கும் உடம்பு சரியில்லை ஆச்சி அவர்களும் நிறை வேலைகள் செய்தார்கள் அதனால் என்றான்" அந்த புரிதல் மனதுக்கு இதமாக இருந்தது. அம்மாவுக்கு உதவியாக இரு என்று சொன்னேன் பேரனிடம் "ஓ! செய்வேனே!" என்றான்.

மகன் தமிழ் பள்ளிக்காக செய்த  தீபாவளி  வாழ்த்து பிரேம். இதில் தரை சக்கரம்  சுழல்வதை பார்க்கலாம்.

பேரன் சொந்தங்களுக்கும், நட்புகளுக்கும்  தயார் செய்த வாழ்த்து காணொளி. சின்ன காணொளிதான்.

அண்ணி வீட்டில் ஐப்பசி மாத காவேரி அம்மன் வழிபாடு. புதன் அன்று அனைவரையும் அழைத்தார்கள், போய் வந்தேன்.

எனக்கு  இன்று மகன் அனுப்பி வைத்த வாழ்த்து  

நான் தேன்குழல், அதிரசம் செய்தேன் கொஞ்சம். மற்றவைகள்  பக்கத்து வீட்டு அன்பர்கள் கொடுத்தது. நான் வாங்கியது. .பாதுஷா, மிச்சர்  வாங்கியதையும்  நான் செய்ததையும் வைத்து கொடுத்தேன் அக்கம் பக்கம்.  சொந்தங்கள் கொடுத்தது வேறு இருக்கிறது.

பண்டிகை என்றால் பண்டம் ஈகைதானே!  நான் எப்படி சாப்பிடுவது அத்தனையும் பகிர்ந்து கொடுத்து கொண்டு இருக்கிறேன்.

மருமகள் செய்து இருக்கும் நெய் உருண்டை, காராபூந்தி, தேங்காய் பர்பி. துக்கடா செய்து இருக்கிறாள். 

வாசலில்  பூந்தொட்டி, விளக்கு , மத்தாப்பு வைத்து விட்டேன்.

மருமகள் அனுப்பி வைத்த விளக்கு இரு பக்க உறவுகளுக்கும் இரண்டு  விளக்குகள் வாங்கி அனுப்பி இருக்கிறார்கள்.

இன்று காலையில் கொஞ்சம் கேசரி, பலவித பஜ்ஜிகள் குடைமிளகாய், வாழைக்காய், உருளை, வெங்காயம்  கொஞ்சம் செய்து இறைவனுக்கு வைத்து சாமி கும்பிட்டாச்சு.

புடவை மகன் வாங்கி அனுப்பியது, அவர்கள் அப்பா எடுத்து கொடுப்பதாக நான் வாங்கியது இரண்டையும் பேரன், மகன் எடுத்து கொடுக்க காணொளியில் மகன்,  மருமகள், பேரன் மகள் குடும்பத்தோடு பூஜை செய்து தீபாவளியை கொண்டாடி விட்டேன்.

வளாக பிள்ளையாருக்கு நடக்கும் பூஜையை பார்த்து, அப்படியே வீட்டுக்கு அருகில் இருக்கும் ஐயனார் கோவிலுக்கு மெதுவாக நடந்து போய் வந்து விட்டேன்.

எல்லா சாமியும் புத்தாடை அணித்து  அழகாய்  காட்சி அளிக்கறார்கள்.

 

பூந்தொட்டி

பூ பூவாய் கொட்டும் வாணம்

தீபாவளி என்றால்  வெடி வேண்டும் அல்லவா பேரன்  வெடித்த புதுமாதிரி உலக வெடி காணொளி.

அனைவருக்கும் தீபாவளி பண்டிகை வாழ்த்துகள்.

வாழ்க வையகம்! வாழ்க வையகம்! வாழக வளமுடன்!

-------------------------------------------------------------------------------------------------