தோட்டத்திற்கு வந்த பல வித பறவைகள்

மணிப்புறா 

பறவைக்கு  பின்னால் தெரியும் செடியில் முன்பு பசுமையான சின்ன சின்ன இலைகளும் சிவப்பு பூவும் இருக்கும் இப்போது முட்கள் மட்டுமே !

இந்த பதிவில் மகன் வீட்டுத்தோட்டத்துப் பறவைகள்.

அந்தப்பக்கம் இந்தபக்கம் பார்வை

அமைதி புறாவே அமைதி புறாவே அழைக்கின்றேன் உன்னை

ஆண்,பெண் சிட்டுக்குருவிகள்

சின்ன சின்ன குருவி இரண்டும் என்ன பேசுவது என்று தெரியாமல் என்னைப்பார்க்குது

காடை

என்னப் பார்க்கிறது?

உணவு இருக்கா என்ற பார்வை

கீழே இறங்கலமா என்று பார்க்கிறது

 இறங்கி விட்டது   உணவு சாப்பிட  

 

இந்த காணொளியின் பின்னனியில்  பேரன் கவின் பாட்டு கற்றுக் கொண்டு இருப்பது  கேட்கும்.(ஆன் லைன் மூலம் ஆசிரியர் சொல்லி கொடுத்து கொண்டு இருக்கிறார்.) சிறிய காணொளிதான்.

நான் காணொளி எடுக்க நினைக்கையில் நிறைய காடை நடந்து கொண்டு இருந்தது ,  எடுக்க ஆரம்பித்தவுடன் மூன்று நின்றது. நிறைவு பகுதியில் இரண்டு மட்டும். மற்றவைகள் பறந்து போய் விட்டது. மீண்டும் காத்து இருந்தேன் வரவில்லை.

5 காடை பறவைகள்,  பறக்கும் சிட்டுகுருவி 

கண்ணாடி கதவு வழியாக எடுத்த படம் . நிறைய காடைகள் புறா எல்லாம் நின்றது,படம் எடுத்த போது இரண்டு காடை பறவைகளும், பறக்கும் மணிப்புறாவும் கிடைத்தது.

தோசை பூரி எலாம் போட்டால் பிய்த்து போடுவேன், அதை கொத்திக் கொண்டு ஒரு காடை விறு விறு என்று நடையை கட்டும் இன்னொன்று அதை துரத்தும் தோட்டம் முழுவதும் இப்படி துரத்தி துரத்தி ஓடுவது பார்க்க அழகாய் இருக்கும். கண்ணாடி கதவு வழியாக பார்க்கலாம். கதவை திறந்தால் எல்லாம் பறந்து போகும்.

இவைகள் கூட்டமாய் ஒரு இடத்தில் வாழும். ஆண், பெண் வித்தியாசம் தன் தலைபகுதி முடிச்சுதான்.

மீண்டும் கூட்டமாக வந்தால் படம் எடுக்க வேண்டும் என்று நினைத்து கொண்டேன்.  வீட்டுக்குள் போக திரும்பிய போது மரங்கொத்தி பறந்து வந்து விளக்கு தூணில் அமர்ந்து சத்த கொடுத்தது. "என்னை படம் எடு" என்பது போல் நின்றது, எடுத்து விட்டேன். 

பெண் மரங்கொத்திப் பறவை.

தோட்டத்தின் மதிலுக்கு அந்தப்பக்கம் உள்ள விளக்கு கம்பம்.

எல்லா பறவைகளுக்கும் இந்த இடம் பிடிக்கும்.

அரிசோனாவில் இப்படித்தான் இருக்கும் மரங்ககொத்திப் பறவைகள். இந்த பறவைகளின் படங்கள் பதிவுகளில்  போட்டு இருக்கிறேன். ஆண் மரங்கொத்திக்கு குங்குமம் வைத்தது போல சிவப்பு திட்டு தலை பகுதியில் இருக்கும்.  முன்பு நான் பகிர்ந்த படம் நினைவு இருக்கும் என்று நினைக்கிறேன். இல்லையென்றால் மீண்டும் பாருங்கள்.

மரங்கொத்திப் பறவைகள் என்ற இந்த பழைய பதிவில் ஆண் மரங்கொத்தி தலையில் உள்ள பொட்டு தெரியும்.

ஜீலை மாதம் எடுத்த படம் . குளிர் ஆடைஅணிந்து இருப்பது போல் இருக்கு இல்லையா?

கூட்டமாய் சில நேரம் ஏகந்தமாய் சில நேரம்

2017 ம் ஆண்டு  எடுத்த காடைகள் படம்

2017ம் ஆண்டு எடுத்த புறக்கள்  படம். இந்த பின் பக்க வீட்டு கூரையும் பறவைகளுக்கு பிடித்த இடம்.

வாழ்க வையகம்! வாழ்க வையகம்! வாழ்க வளமுடன்.

----------------------------------------------------------------------------------------------------