திருவேடகம்
தலவரலாறு பெயர் திரு ஏடகம், இப்போது அழைக்கப்படுவது திருவேடகம்
திருஞானசம்பந்தரால் பாடப்பட்ட தலம். மதுரை மாவட்டத்தில் உள்ளது, மதுரையிலிருந்து 20 கிலோமீட்டர் தூரத்தில் இருக்கிறது திருவேடகம்.
சுவாமி பேர் திரு ஏடகநாதேஸ்வரர் , அம்பாள் பெயர் ஏலவார் குழலி, சுகந்தகுந்தளாம்பிகை. தலவிருட்சம் வில்வம்.
இந்த கோயிலுக்கு 2018 ம் ஆண்டு தீபாவளி பண்டிகை அன்று போய் வந்தோம்.
இந்த கோவிலுக்கு உள்ளே போகும் போது கோவில் வாசலில் நிறைய முதியவர்கள் யாசகம் கேட்கிறார்கள். பணம் கொடுத்தால் தனி தனியாக கொடுக்க வேண்டும் மொத்தமாய் கொடுத்து எடுத்துக் கொள்ள சொல்லாதீர்கள் என்று சொல்லி விடுகிறார்கள். அதுவும் கோவிலுக்கு போகும் படியில் நிறபவர் மிகவும் கறாராக சொன்னார். கோவிலுக்கு போகும் போது பணம் அவர் சொன்னது போல் தனி தனியாக கையில் கொடுக்க எடுத்து போக வேண்டும்(சில்லறை மாற்றி).
அழகான கொடிமரம் அணையாவிளக்கு எறிய ஏற்பாடு செய்யப்பட்டு இருக்கிறது.
கோவில் திருவிழாவில் கலைநிகழ்ச்சிகள் நடக்க அழகான மேடை உள்ளது
தலவிருட்சம் வில்வம்
அம்மன் சன்னதி
அம்மன் சன்னதி இந்த வாசலை பூட்டி வைத்து இருக்கிறார்கள் ஸ்வாமி சன்னதி வழியாக அன்னை சன்னதிக்கு போக வழி இருக்கிறது
கோபுரத்தில் அழகிய சிற்பங்கள் கதை சொல்கிறது
நீ படங்கள் எடுத்து வரும் வரை அமர்ந்து கொள்கிறேன் என்று சொல்லி அமர்ந்து இருந்தார்கள்
அம்மன் சன்னதி சுவாமி சன்னதி தூண்களில் அழகிய சிற்பங்கள் இருக்கிறது.
கொடி மரத்தில் முகம் காட்டாத மைனாக்கள்
உள்ளே கொடிமரம் மீதி பகுதி மேலே
இதோ பார்த்துக் கொள் என்று அடுத்த நிமிடம் முகம் காட்டியது
கோயில் விவரங்கள் படித்து இருப்பீர்கள். ஏடகநாதர் எல்லோர்க்கும் எல்லா நன்மைகளும் அருளட்டும்.
வாழ்க வையகம்! வாழ்க வையகம் ! வாழ்க வளமுடன் .
-------------------------------------------------------------
அழகிய படங்கள். சுவாரஸ்யமான விவரங்கள். சின்ன கோவிலாக வெளியிலிருந்து காட்சி தருவது உள்ளே போனால் பெரிய கோவிலாகத் தெரிகிறது. எண்ணெய் வழியாமல் அதிகமானால் குழாய் வைத்து எடுக்கும் முறை சிறப்பு. படங்களில் ஸார் முன்னே சென்று கொண்டிருப்பது மனதைக் கனமாக்குகிறது.
பதிலளிநீக்குவணக்கம் ஸ்ரீராம், வாழ்க வளமுடன்
பதிலளிநீக்குகோவில் பெரிய கோவில்தான் . கோபுரங்களில் நிறைய சிலைகள் அழகாய் இருந்தது எல்லா படமும் பகிரவில்லை.
இப்போது எல்லா கோவில்களிலும் இது போன்ற அமைப்பு வைத்து விட்டார்கள்.
"நான் முன்னாலே போறேன் நீ பின்னாலே வா" என்று சொல்வது போல இருக்கிறது.
மனம் கனத்துதான் போகிறது படங்களை பார்க்கும் போது நினைவுகளை பகிரும் போதும் .
நவம்பரில் எழுதி வைத்து இருந்தபதிவு.
உங்கள் கருத்துக்கு நன்றி ஸ்ரீராம்.
அன்பு கோமதிமா.
பதிலளிநீக்குமிக அருமையான கோவில். நல்ல தமிழ்ப் பெயருடன்
ஈஸ்வரனும் அம்பிகையும்.
திரு ஏடக நாதர், ஏலவார் குழலி அம்மன்.
அழகோ அழகு.
நீங்களும் பார்த்துப் பார்த்து படங்கள் எடுத்திருக்கிறீர்கள்.எல்லாப்
படங்களிலும் சார் முன்னால் போய்க் கொண்டிருக்கிறார்.
கோவில் மேலே இருக்கும் நந்தி உண்மையில்
வித்தியாசமாக இருக்கிறது.
சுற்றி இருக்கும் சிற்பங்களும் மிக அருமை.
யானைகளும், யாளியும் சொல்லும் கதை
என்னவோ என்று யோசனை வருகிறது.
தீபாவளியன்று புதுத் துண்டு போட்டுக் கொண்டு காளையும் ,பசுமாடும்
நல்ல போஸ் கொடுக்கின்றன.
பிரகாரங்களும் செடி கொடிகளும் சுத்தமாகப்
பராமரிக்கப் படுகின்றன. அதுதான் மகிழ்ச்சி.
வணக்கம் வல்லி அக்கா, வாழ்க வளமுடன்
நீக்குபதிவையும் , படங்களையும் ரசித்து படித்து அன்பான கருத்து சொன்னதற்கு நன்றி.
கோவில் மிக சுத்தமாக பராமரிக்கப்படுகிறது.
அழகிய படங்கள். நான் முதல்முறை எங்க பெண்ணோடு சப்தகன்னிகளுக்கு வழிபாடு செய்யப் போனேன். பின்னர் அவள் கல்யாணம் ஆனதும் பிரார்த்தனைகளைப் பூர்த்தி செய்யப் பெண், மாப்பிள்ளையோடு அடுத்த வருஷமே போனோம். அப்போது படங்கள் எடுத்தார்கள். ஆனால் என்னிடம் இல்லை. எதிரே வைகை அப்போது பெருக்கெடுத்து வேகமாய் ஓடிக் கொண்டிருந்தாள். அருமையான சுற்றுப்புறச் சூழ்நிலை. இப்போது எப்படி இருக்கோ, தெரியலை.
பதிலளிநீக்குவணக்கம் கீதா சாம்பசிவம், வாழ்க வளமுடன்
நீக்குகோவில் அருமையான இடத்தில் அமைந்து இருக்கிறது . இயற்கை காட்சிகள் அருமையாக இருக்கும். ஊரும் மிக அழகாய் இருக்கும்.
உங்கள் நினைவுகளை பகிர்ந்து கொண்டது மகிழ்ச்சி.
உங்கள் கருத்துக்கு நன்றி.
வைகை நதியே தீர்த்தமாக இருப்பது மிக அருமை.
பதிலளிநீக்குநீங்கள் இருவரும் கோவிலுக்கு சென்று
வந்து எங்களுக்கும் புண்ணியம் சேர்த்துவிட்டீர்கள்.
நல்லதொரு இறை தரிசனம்
செய்வித்து மகிழ வைத்திருக்கிறீர்கள்.
மிக மிக நன்றி மா.
ஆமாம் , வல்லி அக்கா. வைகை நதி அந்த இடத்தை வளமான இடமாய் வைத்து இருக்கிறது.
நீக்குமதுரை மக்கள் தீபாவளி சமயம் அங்கு போய் நீராடி மகிழ்வார்களாம்.
இறைவன் தரிசனம் செய்ய வாய்ப்பு கொடுத்தார் .
இறைவனுக்கு நன்றி சொல்லவேண்டும்.
அழகான விளக்கின் அடியில் எண்ணெய்
பதிலளிநீக்குசேர்ப்பது அந்த இடத்தை சுத்தமாக
வைத்திருக்கிறார்கள்.
ஆமாம் அக்கா இப்போது பெரிய கோவில்களில் எல்லாம் இப்படி வைத்து இருக்கிறார்கள் மக்கள் நினைத்த இடங்களில் எல்லாம் விளக்கை வைக்க முடியாது.
நீக்குஉங்கள் கருத்துக்களுக்கு நன்றி அக்கா.
வணக்கம் சகோதரி
பதிலளிநீக்குஅருமையான பதிவு. அழகான படங்கள். ஒவ்வொன்றையும் மிகப் பொறுமையாக அழகாக எடுத்துள்ளீர்கள். கோவில் அமைப்பு பெரியதாக உள்ளது எல்லா விபரங்களும் நன்றாக உள்ளது. அணையா விளக்கு படமும், அதன் விபரங்களும் அருமை.
உங்கள் கணவரின் படங்களை கண்டதும், கருத்துரையில் சகோதரர் ஸ்ரீ ராம் சொல்வது போல் மனம் கனத்துத்தான் போகிறது. என்ன செய்வது?
தூண்களில் சிற்பங்கள் அனைத்தும் நன்றாக இருக்கின்றன. பிறகு நிதானமான அனைத்தையும் பெரிதுபடுத்தி பார்க்கிறேன். இப்போது நெட் தொந்தரவு தர ஆரம்பித்து விடும். இன்று என்னவோ வருகிறது. இன்னமும் என் பதிவுக்கு வந்தவர்களுக்கு முழுதுமாக பதில்கள் தர இயலாமல் இருக்கிறேன்.(உங்களுக்கும்தான்) மன்னிக்கவும். கோவில் படங்களோடு அழகான விபரங்களையும் தொகுத்து தந்த உங்கள் பகிர்வுக்கு மிக்க நன்றி.
நன்றியுடன்
கமலா ஹரிஹரன்.
வணக்கம் கமலா ஹரிஹரன், வாழ்க வளமுடன்
நீக்குபதிவை படித்து ஒன்று விடாமல் அதைப்பற்றி கருத்து சொன்னதற்கு நன்றி கமலா.
நினைவுகளுடன் வாழ வேண்டும் நான் . அவர்கள் இல்லாமல் நான் இல்லை.
நெட் தொந்திரவுகளுக்கு இடையில் வந்து படித்து அன்பாய் விரிவாய் பின்னூட்டங்கள் தந்து உற்சாகப்படுத்துவதற்கு நன்றி.
அழகான சிற்ப படங்களும் சொல்லிச் சென்ற விதமுமு அனுமை சகோ.
பதிலளிநீக்குவணக்கம் தேவகோட்டை ஜி, வாழ்க வளமுடன்
நீக்குஉங்கள் கருத்துக்கு நன்றி ஜி.
அருமையான திருஏடகநாதர் கோவில் அறிமுகம். நிறைய படங்களோடு விபரங்கள். சாருடன் 2018ல் சென்ற நினைவு உங்களிடத்தில் தங்கியிருக்கும்.
பதிலளிநீக்குஎண்ணெய் விளக்கு அழகு
வணக்கம் நெல்லைத்தமிழன், வாழ்க வளமுடன்
நீக்குஅத்தை இறந்த வருடம் தீபாவளி பண்டிகை கிடையாது எங்களுக்கு. அதனால் அதிகாலையில் ஏடகநாதரை தரிசனம் செய்ய போய் விட்டோம்.
நினைவுகள் என்னோடு இருக்கிறது.
எண்ணெய் விளக்கு அழகாய் ஒவ்வொரு சன்னதியிலும் இருக்கிறது.
உங்கள் கருத்துக்கு நன்றி.
படங்கள் அனைத்தும் காண்கையில் கோவிலை சுற்றிப் பார்த்த உணர்வு... விளக்கங்களும் அருமை அம்மா...
பதிலளிநீக்குவணக்கம் திண்டுக்கல் தனபாலன், வாழ்க வளமுடன்
நீக்குகோவிலை சுற்றிப்பார்த்தது மகிழ்ச்சி.
உங்கள் கருத்துக்கு நன்றி.
படங்களும் பகிர்வும் அருமை
பதிலளிநீக்குவணக்கம் சகோ கரந்தை ஜெயக்குமார், வாழ்க வளமுடன்
நீக்குஉங்கள் கருத்துக்கு நன்றி.
தாமரை விளக்கு மிகவும் அழகாக இருக்கிறது. இது போல பார்த்ததில்லை.
பதிலளிநீக்குபடங்களும் தகவல்களும் சிறப்பாக வந்திருக்கின்றன. ஏடகநாதர் - ஏலவார்குழலி - சிறப்பான பெயர்கள். அண்ணலும் அம்மையும் அனைவருக்கும் அருள் புரியட்டும்.
வணக்கம் வெங்கட், வாழ்க வளமுடன்
நீக்குதாமரை விளக்கு இப்போது நிறைய கோவில்களில் இருக்கிறது .
அண்ணலும் அம்மையும் அனைவருக்கும் அருள் புரியட்டும்
உங்கள் கருத்துக்கு நன்றி வெங்கட்.
அமைதியான இடத்தில் மிக இனிய தரிசனம் மா ..
பதிலளிநீக்குதிரு ஏடகநாதேஸ்வரர் , அம்பாள் பெயர் ஏலவார் குழலி, சுகந்தகுந்தளாம்பிகை..அழகிய பெயர்கள் ...வாசிக்கும் போது மட்டுவார் குழலம்மை பெயர் நினைவில் வந்தது .
வணக்கம் அனுபிரேம், வாழ்க வளமுடன்
பதிலளிநீக்குஅம்மன் பெயர்கள் நன்றாக இருக்கும்
உங்கள் கருத்துக்கு நன்றி.
திரு ஏடக தரிசனம் மகிழ்ச்சி...
பதிலளிநீக்குஇத்தலங்களையெல்லாம் நேரில் காண்பதற்குக் காலம் எப்போது கனியுமோ!..
வணக்கம் துரை செல்வராஜூ. வாழ்க வளமுடன்
நீக்குநேரம் காலத்தை இறைவன் தரட்டும்.
உங்கள் கருத்துக்கு நன்றி.
மிக அழகிய வித்தியாசமான சிற்பங்கள். கோபுரங்களும் அழகு. சில படங்களில் சார் முன் செல்வதைப் பார்க்க முடிகிறது.
பதிலளிநீக்குகாளைக்கும் பசுவுக்கும் தீபாவளிப் புதுத் துணி அருமை. என் தங்கை அவளது வளர்ப்பு நாய்க்கு தீபாவளிக்கு புது ஸ்கார்ஃப் அணிவிப்பது நினைவுக்கு வருகிறது.
பகிர்வு மிக நன்று.
வணக்கம் ராமலக்ஷ்மி, வாழ்க வளமுடன்
நீக்குகோவில் நன்றாக இருக்கும்.
ஆமாம், சார் முன்னால் செல்கிறார்கள்.
//என் தங்கை அவளது வளர்ப்பு நாய்க்கு தீபாவளிக்கு புது ஸ்கார்ஃப் அணிவிப்பது நினைவுக்கு வருகிறது.//
வளர்ப்பு செல்லங்களுக்கு புது துணி எடுப்பார்கள்தானே!
உங்கள் கருத்துக்கு நன்றி.