ஹாலோவீன் கொண்டாட்டம்

வெளி நாட்டில் அக்டோபர் மாதம் கடைசி நாள் கொண்டாட படும் பண்டிகை  "ஹலோவீன்" புனிதர்" அல்லது "புனிதமானது" என்று பொருள்படும். "ஹாலோ என்பது  "அனைத்து புனிதர்களின் மாலை" என்று பொருள் முன்னோர்கள் வழிபாடாகவும் நடக்கிறது. 

  

போன வருடம் அரிசோனாவில் மகன் வீட்டில் இருந்த போது கொண்டாடிய ஹாலோவீன்  நானும், சம்பந்தி அவர்களும். இரண்டு பேருக்கும் கால் வலி இருந்தது அதனால்  மடக்கு நாற்காலி எடுத்து  வந்தார்கள் இந்த விழா நடக்கும் இடத்திற்கு.  மக்கள் எல்லாம் வித விதமாக  வேஷம் போட்டு வந்து இருந்தார்கள்.

பேரன் ஹலோவீன் உடை

பேரன் சென்ற ஆண்டு போட்ட  Bird doctor costume

                                                   சேவல் போல

 

2013 ஆம்  ஆண்டு போட்ட பதிவு :- இந்த பதிவில் எழுதிய விஷயங்களை கொஞ்சம் எடுத்து போட்டு இருக்கிறேன் படங்கள் அங்கு சென்று பார்கலாம் அந்த பதிவில் மேலும் சில  நினைவு பகிர்வுகள் சுட்டி இருக்கிறது நேரம் இருந்தால் படிக்கலாம்.

//நாங்கள்ஆலோவீன் கொண்டாட்டத்தை இந்த முறை மகனுடைய ஊரில் பார்க்கப் போகிறோம்.அக்டோபர் மாதம் கடைசிநாளன்று இது கொண்டாடப்படுகிறது. கிறித்தவ மதப்பெரியார்கள் ,தியாகிகள் மற்றும் இறைநம்பிக்கையாளர்களை வணங்கும் தினமாகச் சிலர் கருதுகிறார்கள். இந்நாளை ஆல் செயிண்ட்ஸ் டேயுடன் தொடர்பு படுத்திக்  கூறுகிறார்கள். (உலகெங்கிலும் உள்ள கிறித்தவர்கள் நவம்பர் ஒன்றாம் தேதி ஆல் செயின்ஸ்டேயும் மறுநாள் ஆல் சோல்ஸ்டேயும் கொண்டாடுகிறார்கள்)

(நியூஜெர்சி) ஊரே ஆலோவீன் கொண்டாட்டத்திற்கு தயார் ஆகிக்கொண்டு இருக்கிறது. ஆலோவீன் காஸ்டீயூம் கடைகள்,  புதிதாக விளைந்த பறங்கிகாய்கள், காய்ந்த சோளத்தட்டைகள், வைக்கோல்கள் விற்பனை என்று எங்கும் கடைகள். இலை தெரியாமல் அழகாய் சிவந்தி மலர்கள் தொட்டிகள்  எல்லாம் ஆலோவீனை வரவேற்கக் காத்து இருக்கிறது. ஒவ்வொரு வீடுகளிலும் மலர் தொட்டிகள் பறங்கி காய்களை வித விதமாய் அழகாய் அடுக்கி வைத்து இருக்கிறார்கள்.

ஆலோவீன் என்றால் என்ன என்று பார்த்தேன் விக்கிப்பீடியாவில். உங்களுக்கு தெரிந்திருக்கும் . அதுபற்றி  கொஞ்சம் கீழே கொடுத்து இருக்கிறேன்.//

//ஆலோவீன் (Halloween ) என்பது அக்டோபர் 31 அன்று கொண்டாடப்படும் ஒரு விடுமுறைக் கொண்டாட்டம் ஆகும். 

இப்போது  இது மதச்சார்பற்ற ஒரு கொண்டாட்டமாகவே திகழ்கிறது. இந்த நாளானது ஆரஞ்சு வண்ணத்துக்கும் மற்றும் கருமை நிறத்துக்கும் தொடர்புபட்ட நாளாகக் கருதப்படுகிறது.

மற்றவர்களை பயமுறுத்தி விளையாடுவது, பலவிதமான மாறுவேடங்கள் அணிவது, மாறுவேட விருந்துகளில் கலந்து கொள்வது, சொக்கப்பனை கொளுத்துவது, பயமுறுத்தும் கதைகளைப் படிப்பது, பயமுறுத்தும் படங்களைப் பார்ப்பது ஆகியவை இந்த கொண்டாட்ட நாளில் இடம்பெறும்.

சிறுவர் சிறுமியர் மாறுவேடமணிந்து வீடு வீடாகச் செல்வர். '"பரிசு தருகிறீர்களா அல்லது தந்திரம் செய்யட்டுமா" என்று கேட்பர். வீட்டில் இருப்பவர்கள் மிட்டாய் அல்லது வேறு ஏதேனும் பணம் கொடுத்து அனுப்புவார்கள்.

முன்னோர்களின் ஆவிகளுக்கு அவர்கள் மரியாதை செய்வதோடு தீங்கிழைக்கும் பிற ஆவிகளை துரத்துவதையும் மேற்கொள்கின்றனர். தீய ஆவிகளில் இருந்து தங்களைப் பாதுகாக்கும் அடையாளமாக தாங்களும் அது போன்ற முகமூடிகளையும் ஆடைகளையும் அந்நாளில் அணிந்து கொள்கின்றனர்.

ஆலோவீன் நாளில் பேய்க் கதைகளை சொல்வதும் திகிலூட்டும் படங்களைப் பார்ப்பதும் பொதுவானவைகளாக இருந்தன. பல பேய்ப் படங்கள் ஆலோவீன் விடுமுறை நாட்களுக்கு முன்பாக வெளியாகின்றன.//

இருளவிலக்கும் பண்டிகை:-

முன்னோர்களை  வணங்கும் நாளாகவும் இருக்கிறது.

நம் நாட்டில் நடக்கும்  கல்லறைத் திருவிழா போல்.

முன்னோர்களுக்குப் பிடித்த உணவுகளும் செய்து வைத்து வணங்குகிறார்கள்.

மேற்கு நாடுகளில் கொண்டாடப்படும் (பேய்) இருள் விலக்கும் பண்டிகை.

தீயவை அழிந்து எங்கும் நல்லது நடக்கட்டும்.

இருள் விலகி ஓளி பரவட்டும்.

முதலில் இருப்பது நான் பயமுறுத்துவது சம்பந்தி

  மகனின் நண்பர் மகன்

வீட்டு வாசலில் பேரன்

மகன் வீட்டு வாசலில்

கவினுக்கு பிடித்த டைனோசர் வீட்டு வாசலில் வைக்கிறான்

பல உணர்ச்சிகளை காட்டும் பரங்கி காய்கள்

இரவு ஒளிரும் பறங்ககிகாய்கள்

மகன் வீட்டு வாசலில் வரும் குழந்தைகளுக்கு சாக்லேட்

வீட்டு வாசலில்  அலங்காரம்.

பேரன் தன் வீட்டு மரத்தில் அல்ங்காரம் செய்கிறான்

பெரிய சிலந்தி

போன வருட அலங்காரம்  மேலே உள்ளது எல்லாம். போன வருடம் பதிவு போட முடியவில்லை,  தீபாவளி, அடுத்து மருமகளின் அக்கா மகன் திருமணம் தாய்லாந்து பயணம்  போய் விட்டதால் பதிவு போட வில்லை.

கீழே வருவது இந்த வருட ப் படங்கள்.

இந்த வருடம் மருமகள் அவள் அலுவலகத்தில் செய்த ஹலோவீன் அலங்காரம். பேரன் படிக்கும்  ஹாரிபட்டர் புத்தகம் லெகோ ஹாரிபட்டர் காதாபாத்திரங்களை வைத்து மிரட்டி இருக்கிறாள்.

ஹாரி பாட்டர்  மிரட்டல் செய்து இருந்தாள் எல்லோரும்  பாராட்டினார்களாம் .

மருமகள் அம்மா, மருமகள், பேரன், மகன் இந்த வருட ஹாலோவீன்  அலங்காரம். 

  Red Demon

எல்லோரும் வேடமிட்டு இப்படி ஒரு இடத்தில் கூடுவார்கள் ஒரு விடுமுறை நாளில் அங்கு வாணவேடிக்கை எல்லாம் இருக்கும் போன வருடம் தீபாவளிக்கு முதல் நாள் ஊருக்கு  கிளம்ப வேண்டும் என்று வாணவேடிக்கை பார்க்க இருக்கவில்லை. இந்த தடவையும்  இவர்கள் வாணவேடிக்கைப்பார்க்கவில்லை..

 அப்புறம் 31ம் தேதியும் கொண்டாடுவார்கள்

                               

 

எங்கள் குடியிருப்பு வளாக குழந்தைகள் சனிக்கிழமை வந்தார்கள்.  நல்லவேளை தங்கைமகன்  வெளி நாட்டிலிருந்து தீபாவாளிக்கு வந்தவன் கொடுத்த சாக்லேட் இருந்தது அந்த குழந்தைகளுக்கு கொடுத்தேன், அவர்களுக்கு மகிழ்ச்சி. 

 எல்லோருக்கும் ஹாலோவீன் வாழ்த்துக்கள்! வாழ்க வளமுடன்

வாழ்க வையகம் ! வாழ்க  வையகம்! வாழ்க வளமுடன்!

-----------------------------------------------------------------------------------------------------