போர் வீரர்களின் நினைவை போற்றும் பூங்கா(Anthem Veterans Memorial Park )-பகுதி - 2

ஒரு மாலை பொழுதில் அரிசோனாவில்  வரலாற்று சிறப்பு மிக்க நினைவு சின்னம் உள்ள  அழகிய பூங்கா சென்று இருந்தோம். அங்கு பார்த்தவைகள் தொடர் பதிவாக வருகிறது.

முதல் பதிவு படிக்கவில்லையென்றால் படிக்கலாம்.

 போர் வீரர்களின் நினைவை போற்றும் பூங்கா(Anthem Veterans Memorial) - 1

1971 முதல் மே மாதத்தின் கடைசி திங்கள் கிழமை தேசிய விடுமுறை தினமாக அறிவிக்கப்பட்டது.

 போரில் தங்கள் இன்னூயிரை நீத்தவர்களுக்கு அஞ்சலி செலுத்தும் நாள், மற்றும் போர் வீரர்களை கெளரவிக்க  விடப்படும் விடுமுறை நாளாக இருக்கிறது.

அந்த நாளில் போர்வீரர்களின் நினைவு இடத்திற்கு சென்று மலர்கள் வைத்து  வருகிறார்கள், அவர்களின் உறவினர்களை அவர்கள் குடும்பத்தினரை சந்தித்து உரையாடி வருகிறார்கள். 

பூங்காவில் பார்த்த அழகான வெள்ளை வாத்துகள்  

என்ன பேசிக் கொள்கிறது? அங்கு பாருங்க நம்மை படம் எடுக்கிறார்கள் என்று சொல்கிறதோ!

 

வாங்க போகலாம் வேறு இடத்திற்கு

கொஞ்ச நேரம் இருந்தால்தான் என்ன?

பொழுது சாய்கிறது அம்மா தேடுவார்கள்

"சின்ன முயலே! நீயாவது என் அருகில் இரு , கொஞ்சம் தூங்குகிறேன்"

நான் வாரேன் நான் வாரேன்!

இதற்கு முந்தின பதிவில் கமலா ஹரிஹரன் கேட்ட குட்டி முயல் வந்து விட்டது இந்த பதிவில். 

நிறைய முயல்கள் நின்றன, நாங்கள் பக்கத்தில் போய் படம் எடுக்க போன போது ஒரு முயல் மட்டும் கிடைத்தது . மற்றவை புதர் செடிக்குள் மறைந்து கொண்டன, வெளியே வரவே இல்லை.

அடிக்கிற வெயிலில் புல் காய்ந்து விட்டது என்று சொல்கிறதோ!

நிழலும், நிஜமும்

கூட்டுக்கு போகும் முன் ஒரு குளியல் போடுவோம். அரிசோனா காகம்

நீரில் குளித்து விட்டு  ஒரு காலை தூக்கி  இறகை கோதி விடுகிறது

நடனம் நன்றாக இருக்கா?

சரி போவோம் கூட்டுக்கு

எனக்கு இன்னும் கரையேற மனம் இல்லை

முன்னாலே போனால் நான் பின்னாலே வாரேன்

சேர்ந்து வாங்க

https://www.youtube.com/watch?v=GH5A24uLS-g

நான்கு வாத்துகளும் சேர்ந்து நீந்தும் காட்சி.

கரை ஏறி  இறக்கைகளை சிலிர்த்து நீரை வெளியேற்றும் வாத்துகள்

சரி போவோம் வீட்டுக்கு

 மரக்கிளையில் அமர்ந்து பார்க்கும்  குருவி வகையை சேர்ந்த் பறவை.

குழந்தைகள் விளையாட  அழகான இடம்.  கோடை காலத்தில் நீர் விளையாட்டு விளையடாலாம்.  

நடுவில் உள்ள வட்டத்தில் குழந்தைகள் குதித்தால், குடை மற்றும்  அனைத்து அமைப்பிலும் நீர் கொட்டும். நாங்கள் போன போது விளையாட்டு நேரம் முடிந்து குழந்தைகள் வெளியே வந்து விட்டார்கள். மாலை 6 மணியோடு முடிந்து விடும். 

ரயிலில் பயணம் செய்யலாம் இதுவும் மாலை 3 மணியிலிருந்து 6 மணி வரைதான்.

நினைவு இடத்தை பார்த்து போர் வீரர்களுக்கு அஞ்சலி செலுத்தி விட்டு  பூங்காவை  சுற்றி வந்து அனைத்தையும் ரசித்து வரலாம் விடுமுறை நாளில். 

பூங்கா பதிவு நிறைவு பெற்றது.

வாழ்க வையகம் ! வாழ்க வையகம்! வாழ்க வளமுடன்!

--------------------------------------------------------------------------------------------------