சேத்னா காயத்ரி உணர்வு மையம் (All World Gayatri Pariwar Anaheim)

வேத மாதா காயத்ரி

மே 31 தேதி   (Cruise Trip  Aboard Carnival  ) கடற்பயண  சுற்றுலாவிற்கு  ஏற்பாடு செய்து இருந்தார் மகன்.  மூன்று இரவுகள் கடற்பயணம், திங்கள் காலை  வந்தோம்.

மே 30 தேதி வியாழன்  மதியம் இரண்டு மணிக்கு மேல்  அரிசோனாவிலிருந்து கிளம்பி ஆறுமணி நேரம் பயணம் செய்து   லாஸ் ஏஞ்சல்ஸ் அடைந்தோம்,   அங்கு ஓட்டலில் தங்கி விட்டோம் இரவு . வெள்ளிக்கிழமை மதியம் 2 மணிக்கு மேல் தான் எங்கள் பயணம் தொடங்கும்,  அதனால் மே 31 ம் தேதி வெள்ளிக்கிழமை காலையில் இந்த காயத்ரி கோவிலுக்கு அழைத்து சென்றார் மகன். 

 

முன் பக்க தோற்றம்.

லாஸ் ஏஞ்சலஸ்   கலிபோர்னியாவில்  இந்தியாவின் அனைத்து உலக காயத்ரி பரிவார்  இயக்கத்தை சேர்ந்தவர்கள்  இங்கு  "காயத்ரி உணர்வு மையம்" நிறுவி இருக்கிறார்கள்.

அவர்களின் நோக்கம் மனிதர்களின் தெய்வீக குணத்தை  வளர்ப்பதும்,  நேர்மறையான எண்ணங்களை, மற்றும் ஆன்மீக மனநிலையை வளர்ப்பதும். இதை அடைய மூன்று  முனை அணுகுமுறையை சொல்லி தருகிறது அவை :-   "உபாசனா", (பிரார்த்தனைகளின் சக்தி), "சாதானா"(சுய விசாரணை மற்றும் ஒழுக்கத்தின் மூலம் சுய - சுத்திகரிப்பு) மற்றும் "ஆராதனா" (மனித குலத்திற்கு  தன்னலமற்ற சேவை)

மத நம்பிக்கை மட்டுமல்லாமல்  சமூகத்தில் உள்ள அனைவருக்கும்  சேவை செய்வது மையத்தின்   நோக்கம்.

இந்த பதிவில் அந்த மையத்தின் படங்கள்,  அங்கு அமைத்து இருந்த தோட்டத்து மலர்கள் இடம் பெறுகிறது.

 கோபுர தரிசனம்

முதலில் போனதும் இவர்கள் இருவரையும் தரிசனம் செய்து விட்டு உள்ளே போகிறோம்.

நாகாபரணத்தோடு சிவன் கோவில் தோட்டத்தில் பூத்த மலர்களை சூடி கொண்டு இருக்கிறார்

காய்திரி தேவியின் இரு பக்கமும் அந்த மையத்தை அமைத்தவர்கள்  படமும் படத்தின் முன்  , சிறிய மண்டபத்தில் திருவடிகளும் இருக்கிறது.

அம்மன் முன் சிவன், நந்தி , சின்ன தொட்டிலில் குட்டி தவழும் கண்ணன் இருக்கிறார்கள்.

ஒரு கண்ணாடி  தடுப்புக்குள் கோவிலின் மாதிரி தோற்றம் அழகிய கலசம் 

நாங்கள் போன போது ஒருவருக்கு  75 வயது பிறந்த நாள் ஹோமங்கள் வேத மந்திரங்கள் முழங்க நடந்து கொண்டு இருந்தது. நாம் பீமரத சாந்தி என்போம் அவர்கள் என்ன சொல்வார்கள் என்று தெரியவில்லை. முன் வாசல் வழியாக உள்ளே போன போது விழா நடந்து கொண்டு இருந்த காரணத்தால் 

அன்னைக்கு பக்கவாட்டில் அமைந்து உள்ள படி வழியே போய் அன்னையை தரிசனம் செய்தோம்.

உயரம் குறைவான சிறிய படியில் நான் பத்திரமாக பக்கவாட்டில் கொடுத்து இருக்கும் கம்பியை பிடித்து  இறங்கி வருவதை பார்வையிடும் பேரன்.

ஸ்ரீராம் என்ற பெயரில் நூலகம் இருந்தது வெளியில்

தங்கும் அறைகள்

சாப்பாட்டு அறை ,  விருந்து நடந்து கொண்டு இருந்தது.

பச்சை பசுமையாக அழகான புல்வெளி

அழகிய  ரோஜா செடிகள்

அழகிய செம்பருத்தி செடிகள் இருந்தன

வேறு அழகான மலர்ச்செடிகளும் இருந்தன.

 

சிறிய அழகான செயற்கை நீருற்றிலிருந்து நீர் அளவாய் வெளியாகி கொண்டு இருந்தது.

அடுத்த பதிவில்  கப்பல் பயணம்

வாழ்க வையகம்! வாழ்க வையகம்! வாழ்க வளமுடன்!

-------------------------------------------------------------------------------------------------