அரிசோனா தமிழ்ப்பள்ளி பேரனின் பட்டமளிப்பு விழா

சனிக்கிழமை காலையில்  அரிசோனா தமிழ்பள்ளியில் பட்டமளிப்பு விழா நடந்தது. பேரன் எட்டாவது படித்து வெற்றி பெற்று இருக்கிறான். விழா படங்கள் இந்த பதிவில் இடம்பெறுகிறது.

மகன் செய்தவை

சிறு குழந்தைகள் "நான் பாரதி" என்று முகம் காட்டி சிரித்தார்கள். மகனுக்கு எல்லா குழந்தைகளும் அதில் முகம் காட்டிய போது மகிழ்ச்சியாக இருந்தது, எங்களுக்கும் மகிழ்ச்சி. சிறு குழந்தைகளை பெற்றோர்கள் தூக்கி முகம் காட்ட வைத்தார்கள்.

போட்டோ எடுத்து கொள்ள செய்யப்பட்ட இடம்

எல்லோரும் நின்று எடுத்து கொண்டார்கள், நாங்களும் எடுத்து கொண்டோம். வீட்டிலிருந்து கிளம்பும் போது எடுத்து கொண்ட படமும் இருக்கிறது.

சிவப்பு கம்பள வரவேற்பு

சிவப்பு கம்பள வரவேற்பு  காணொளி சின்ன காணொளி தான்.

தான் தமிழ் கற்றதால், தன் ஆச்சிகளுடன், மற்றும்  உறவுகளுடன் உறவாட    தமிழ்  இணைப்பு பாலமாக இருப்பதாக சொல்கிறான்.  தனக்கு தமிழ் கற்றுக் கொடுத்த பெற்றோர்கள், ஆசிரியர்கள் மற்றும் அரிசோனா தமிழ்ப்பள்ளிக்கு நன்றி சொல்கிறான். சிறிய காணொளிதான் கேட்டு பாருங்கள்.

என் பிள்ளைகள் இருவர் கல்லூரியில் பட்டம் பெற்ற போதும், என் கணவர் முனைவர் பட்டம் பெற்ற போதும் நான் பார்க்கவில்லை. என் பேரன் தமிழ் கற்று பட்டம் பெறுவதை பார்க்கும் போது மனம்  மகிழ்ச்சி அடைந்தது. அவன் தாத்தா இருந்து பார்த்து இருந்தால் மிகவும் மகிழ்ச்சி அடைந்து இருப்பார்கள்  என்ற எண்ணமும் வந்து போனது.

சொற்களை பிழை இல்லாமல் எழுதியதற்கும், வாக்கியம் அமைத்தல் போட்டியிலும்  25 மார்க் முழுதாக பெற்று வெற்றி பெற்றதற்கும்   இரண்டு பதக்கம் பெற்றான்.

பட்டம் பெற்ற இந்த மாணவ செல்வங்கள் அனைவருக்கும் வாழ்த்துக்கள், வாழ்க வளமுடன்.

பட்டம் பெற்ற பின் தொப்பியை தூக்கி வீசி மகிழ்ச்சி ஆரவாரம் செய்யும் மாணவர்கள்

பட்டம் பெற்றாலும் உங்களை நாங்கள் விட மாட்டோம் தொடர்ந்து தமிழ் படிப்பை விடாது  இருக்க வாரா வாரம்    தமிழ்பள்ளிக்கு வர வேண்டும் என்று பள்ளி நிர்வாக தலைவரும், ஆசிரியர்களும்  கேட்டு கொண்டார்கள்.

உங்களுக்கு வீட்டு பாடம் மட்டும் கிடையாது ஆனால் தமிழ் பாடம் படிக்கும் மற்ற மாணவர்களை கவனிக்க வேண்டும்  என்று சொன்னார்கள்.  மாணவ, மாணவிகளும் வருவதாக உறுதி அளித்தார்கள்.

தனக்கு தமிழ் கற்றுக் கொடுத்த பெற்றோர்கள், மற்றும்  ஆசிரியர்களுடன் பேரன். இன்னும் சில ஆசிரியர்களுடன் படம் எடுத்து கொண்டான். நான் இவர்களை மட்டும் எடுத்து இருந்தேன். 

11ம்  வகுப்பு தேர்வு  வெற்றி பெற்றவுடன் மிட்டாய்களுடன் போய் எல்லோரிடமும்  ஆசி பெற்று வருவோம் .  மிட்டாய்களை எடுத்து கொள்ளுங்கள், குழந்தைகளை ஆசீர்வாதம் செய்து வாழ்த்துங்கள்.

 மகனின் நண்பர் மனைவி மிட்டாய் பாட்டிலை  எங்களுக்கு கொண்டு வந்து கொடுத்தார். போன பதிவில் அவர்கள் வீட்டில் மதிய உணவு உண்டு வந்ததை பகிர்ந்து இருந்தது நினைவு இருக்கும் என்று நினைக்கிறேன்.அவர்கள் வீட்டில் உணவுக்கு பின்  இந்த மிட்டாய் கொடுத்தார். 'நன்றாக இருக்கிறது ஆரஞ்சுவில்லை மிட்டாய்' என்று சொல்லி  கடைகளில் சிறு வயதில் வாங்கி சாப்பிட்ட பழைய காலங்களை பேசி மகிழ்ந்தோம். குடியரசு தினம், சுதந்திரதினம் எல்லாம் கைநிறைய ஆரஞ்சு வில்லை மிட்டாய் தான் தருவார்கள் நாங்கள் பள்ளியில் படிக்கும் போது.

நிறைய குழந்தைகள் பரிசுகளும்,  சான்றிதழ்களும்  வாங்கினார்கள். ஆசிரியர்கள், தொண்டு செய்பவர்கள் என்று பாராட்டி பரிசுகள் வழங்கினார்கள்.

மேலும் செய்திகள் அடுத்த பதிவில் பார்க்கலாம். 

வாழ்க வையகம்! வாழ்க வையகம்! வாழ்க வளமுடன்!

--------------------------------------------------------------------------------------------------