மார்கழி கோலமும் மகரிஷி கவிதையும் பகுதி -2

 

மார்கழி கோலமும்  மகரிஷி கவிதையும் -1 

நேற்று போட்ட பதிவு படிக்கவில்லையென்றால் படிக்கலாம்.

1958 ம் ஆண்டு  வேதாத்திரி மகரிஷி அவர்களின் துணைவி  மார்கழி மாதம்  கோலம் போடும் போது அக்கோலத்தைச் சுற்றி எழுத கவிதை கேட்டாராம்.  மகரிஷியும் தினம் தினம்  மனதில் தோன்றும் எண்ணங்களை கவிகளாய்  சொல்லுவராம்., அன்னை லோகாம்பாள் அவர்கள் கோலத்தைச்சுற்றி எழுதிய  அந்த கவிதைகள்  இந்த பதிவில்  இடம்பெறுகிறது. பாடல்கள் "மாக்கோலமாய் விளைந்த மதி விருந்து" என்று புத்தகமாய் வெளி வந்தது.

இந்த பதிவில் மேலும் சில கோலங்களும்  வேதாத்திரி மகரிஷிஅவர்களின்  கவிதைகள் இடம்பெறுகிறது.

யோகம்

எண்ணம் தானாக எழுந்து அலையாமல்,

எண்ணத்தில் எண்ணமாய் இருப்பதே யோகம்

                       

                                              சத்- சித- ஆனந்தம்

                           கண்ணும் ஒளியும் காண்பவனும் 

                                     ஒன்றே போல்,

                                எண்ணம், இயற்கை, ஈசன்

                                      எனும் மூன்றும்  ஒன்றாகும்

                      

உயிர் நிலையறிய

கண்ணாடிப் பார்க்கக் காணலாம் உருவநிலை,

உண்ணாடிப் பார்க்க உணரலாம் உயிர் நிலையை

                     

                                   உணர்ந்த ஒழுக்கம்

                           பிறர் விருப்பம் கூர்ந்துணர்ந்து,

                                தன்  விருப்பம் பயன் படுத்தல் 

                                  அறம் என்றும் கடமை என்றும்

                            அன்பு என்றும் அறிந்து கொண்டோம்.

                       

                                     ஒடுங்கி-  உணர்ந்திடு

நினைவை யடக்க நினைத்தால் , நிலையா.

நினைவை யறிய நினைத்தால் , நிலைக்கும்.

               

                                            தீய எண்ணம்

                                 உண்மையில் எதிரி 

                                உனக்கு உண்டு எனில்,

                                     உள்ளத்தி லெழும்

                                 ஒழுங்கற்ற  எண்ணமே.

                   

                                               பெரியோர் இயல்பு

                                              உணவில் எளிமை

                                                உழைப்பில்  கடுமை

                                               ஒழுக்கத்தில் உயர்வு

                                                    உத்தமர் இயல்பு

                       

                                                   உனது பெருமை

                        அவனில் அணு, அணுவில் அவன்,

                          உன்னில் எல்லாம், நீ அறி உன்னை.

பெண்ணின் பெருமை

பெண் வயிற்றி லுருவாகிப்

பெண் பாலுண்டே வளர்ந்தாய்

பெண் துணையால் வாழ்கின்றாய்

பெண்ணின் பெருமை உணர்.

இருளும் - ஈசனும்

மாசற்ற ஒளிஊடே , மறைந்திருக்கும் இருள்போல

ஈசன் அறிவில் இருக்கும் நிலை.

போகி பண்டிகை அன்று வீட்டை சுத்தம் செய்யும் படம் வரைந்தவர் என் கணவர்  கணிணி ஓவியம்

மனத்துய்மை- வினைத்தூய்மை

மனத்தூய்மை வினைத்தூய்மை  மனிதன் வாழ்வில்

மகிழ்ச்சி, இனிமை, நிறைவு, அமைதி நல்கும்

மனம் உயர நேர்மை வழி அகத்தவம் ஆம்.

மற்றும் தன்வினை உயர அறமே  ஆகும்

மாயவரத்தில் இருந்த போது 

பொங்கல் பண்டிகை

உணவும்  எண்ணமும்

உண்ணும் உணவு உடல் மட்டும் பாயும்

எண்ணும் எண்ணங்கள் எங்குமே பாயும்

கணவர் கணினியில் வரைந்த பொங்கல் வாழ்த்து

உண்மை இன்பம்

பொங்குக பொங்குக பூரித்து உள்ளமெல்லாம்

எங்கும் நிறைந்த நம் ஏகந்த நிலையறிந்து

உலக நல வாழ்த்து

உலகமெலாம் பருவமழை ஒத்தபடி பெய்யட்டும்

உழவரெலாம்  தானியத்தை உவப்புடனே  பெருக்கட்டும்

பல தொழில்கள் புரிகின்ற பாட்டாளி உயரட்டும்

பகுத்துணர்வில் தொகுத்துணர்வு பண்பாட்டை உயர்த்தட்டும்

கலகங்கள் போட்டிபகை கடந்தாட்சி நடக்கட்டும்

கல்லாமை கடன் வறுமை களங்கங்கள்  மறையட்டும்

நலவாழ்வை அளிக்கும் மெய்ஞ்ஞானஒளி வீசட்டும்

நம் கடமை அறவாழ்வின் நாட்டத்தே சிறக்கட்டும்

இந்த இரண்டு புத்தங்களில் உள்ள கவிதைகள் தான் இந்த பதிவில் இடம்பெற்றது.

மாக்கோலாமாய் விளைந்த மதி விருந்து    இந்த பதிவில்  

மகரிஷி கவிதைகளை தினம்    கோலம்  போட்டு எழுதி இருப்பதை பதிவு செய்து இருப்பேன். .பார்க்க நேரம் இருந்தால் பார்க்கலாம்.

பேராசிரியர் பழனிசாமி அவர்கள் யூடியூப்பில் வெளியிட்ட மாக்கோலமாய் விளைந்த மதி விருந்தில் என் கோலம் இடம் பெற்று இருக்கிறது. மேலே உள்ள சுட்டியில் கொடுத்து இருக்கும் பதிவில் உள்ள கோலம் இடம்பெற்று இருப்பது மனதுக்கு மகிழ்ச்சியாக இருக்கிறது.

அனைவருக்கும் போகி பண்டிகை, தைத்திருநாள்,   மற்றும் திருவள்ளுவர் தினம் , உழவர்திருநாள்,  வாழ்த்துகள்

வாழ்க வையகம்! வாழ்க வையகம்! வாழ்க வளமுடன்!

------------------------------------------------------------------------------------------------