ஆலப்புழை படகு வீடு பயணம் - பகுதி 2

ஆலப்புழா படகு வீட்டில் மகன் குடும்பத்துடன் ஜூன் மாதம் பயணம் செய்த போது பார்த்த கோவில்கள் இந்த பதிவில் இடம்பெறுகிறது.

ஆலப்புழா படகு வீடு பயணம்  பதிவில்   பார்த்த கோவில்கள் அடுத்த பதிவில் என்று சொல்லி இருந்தேன், நினைவு இருக்கும். 

முதலில் பார்த்த ஸ்ரீ நாராயணகுரு தேவா கோவில் அப்புறம் கிருஷ்ணர் கோவிலும் போகும் வழியில் பார்த்த அழகிய காட்சிகளும்  இடம்பெறுகிறது.

கொடிமரத்துடன் அழகான கோவில்

ஸ்ரீநாராயண குரு  ஒரு தத்துவவாதி, ஆன்மீக தலைவர் 

நாராயண குருவை பற்றி தெரிந்து கொள்ள கூகுள் உதவியை நாடினேன். கிடைத்த விவரம் கீழே . கொஞ்சம் எடுத்து போட்டு இருக்கிறேன். நிறைய இருக்கிறது அவரைபற்றியும் அவர் கருத்துக்களை பின்பற்றுபவர்களை பற்றியும். விக்கிபீடியா போய் படிக்கலாம் விருப்பபட்டால்.

//20 ஆகஸ்ட் 1856 - 20 செப்டம்பர் 1928) [ ^1] இந்தியாவில் ஒரு தத்துவவாதி , ஆன்மீகத் தலைவர் மற்றும் சமூக சீர்திருத்தவாதி ஆவார் . ஆன்மீக அறிவொளி மற்றும் சமூக சமத்துவத்தை மேம்படுத்துவதற்காக கேரளாவின் சாதிய சமூகத்தில் அநீதிக்கு எதிராக சீர்திருத்த இயக்கத்தை அவர் வழிநடத்தினார் . ^[2] அவரது மேற்கோள் பிரபலமாகிவிட்டது: "ஒரு ஜாதி, ஒரு மதம், மற்றும் அனைத்து மனிதர்களுக்கும் ஒரு கடவுள்". அவர் அத்வைத கவிதையான தெய்வ தசகம் எழுதியவர் , இது கேரளாவில் சமூக பிரார்த்தனைக்காக அதிகம் பயன்படுத்தப்படும் கவிதைகளில் ஒன்றாகும் . ^[3]//

நன்றி.-  விக்கி பீடியா

சிறிய கோவில். பிரகராத்தில்  வலம் வரும் போது பார்த்த வாழை மரம் 

வாழை மரங்கள் அழகாய் குலை தள்ளி இருந்தது

வாடாமல்லி மலர்கள்

அந்த கோவில் அழகாய் சுத்தமாக பராமரிக்கப்பட்டு இருக்கிறது. குருக்கள்  மடபள்ளியில் நின்றார். நாங்கள் வருவார் என்று கொஞ்சம் நேரம் நின்றோம் அவர் வரவில்லை. அதனால் படகுக்கு வந்து விட்டோம்.

மாலை நேரம் கோவிலை பார்த்து விட்டு திரும்பும் நேரம் சூரியன் மறையும் அந்தி பொழுது கடல் அலை போல காட்சி அளித்தது ஏரி நீர்.

மஞ்சள் வானம் 

மறுநாள் காலையில்  கிருஷ்ணன் கோவில்  போனோம். கொஞ்ச தூரம் காலை நேர நடைப்பயிற்சி போல நடந்து போனோம் பாரதி ஆசை பட்டது போல தென்னைமரங்கள் சூழ்ந்து இருக்கும்  வீடுகளை பார்த்து ரசித்து கொண்டு போனோம். 

இயற்கையை ரசித்து கொண்டே நடந்தோம் கோவிலை நோக்கி.

பாக்கு மரங்களும் வீடுகளில் உண்டு

வேருடன் உள்ள செடிகளை தென்னைமரத்தில் கட்டி வைத்து இருக்கிறார்கள் அவை பூத்து அழகாய் காட்சி அளிக்கிறது, மழை பெய்து கொண்டே இருப்பதால்  தண்ணீர் தனியாக தேவை படாது என்று நினைக்கிறேன்.

போகும் வழி எல்லாம் சிறு சிறு ஓடைகள்

சிறு பாலம் கடந்தால் கோவில் வரும்

தூரத்தில் தெரிகிறதா கோவில்? வந்து விட்டோம் கிட்டத்தில்

கோவிலுக்குள் உள்ள  கோவில் திருக்குளம்

வெளியிலிருந்து கோவிலின் தோற்றம், முதலில் தெரிவது ஐயப்பன், அடுத்து பகவதி அம்மன் 

பிரகாரத்தில் உள்ள நாகர்கள் மஞ்சள் பொடி தூவி வணங்குகிறார்கள், வரும் அன்பர்கள் எல்லாம்.

தூரத்தில் தெரிவது பிள்ளையார் சன்னதி, 

பிள்ளையார் நல்ல அலங்காரத்தில்  இருக்கிறார், பின்புறம் உள்ள திருவாச்சி  மிக அழகாய் இருக்கிறது

ஐயப்பன் நல்ல அலங்காரமாக காட்சி அளித்தார் 

கிருஷ்ணன் கோவில் திறக்கவில்லை , குருக்கள் வந்து திறப்பார்

என்றார்.

திறந்த பின்  குழல் ஊதும் கண்ணன்  அழகு.

உற்சவ கிருஷ்ணர் திருவிழாவில் இடம்பெறுவார்

மேலே வைத்து இருக்கும் சப்பரம் கிருஷ்ண ஜெயந்திக்கு  கீழே இறக்கப்பட்டு அதில் கண்ணன்  வலம் வருவார் என்றார்

பகவதி அம்மன் சன்னதி படம் எடுக்க போகும் போது குருக்கள் எடுக்க கூடாது என்று சொல்லி விட்டார், முன்பு எடுக்கும் போது  அவர் பார்க்கவில்லை போலும். 

பேரனுக்கு பிறந்த நாள் என்று அர்ச்சனை செய்தோம்  கிருஷ்ணருக்கு.

இலையில் சந்தனம் பூ பிரசாதம் தந்தார்.

 சிறிது நேரம் அமர்ந்து இருந்தோம், தயிர் சாதம் பிரசாதம் கிடைத்தது.

பெற்றுக் கொண்டு மீண்டும் குருக்களுக்கும், இறைவனுக்கும் நன்றி சொல்லி படகு வீட்டுக்கு திரும்பினோம். படகில் காலை உணவை   உண்டு முடித்தபின் போன இடம் அடுத்த பதிவில்.

வாழ்க வையகம்! வாழ்க வையகம்! வாழ்க வளமுடன்!

-----------------------------------------------------------------------------------------------------------