படகு வீட்டில் பயணம்

நாங்கள் தங்கி இருந்த படகு வீடு

கேரளாவில் உள்ள ஆலப்புழாவில் இரண்டு நாள்  படகு வீட்டில்  சவாரி செய்தோம். மூன்றாம் நாள் காலை படகு வீட்டை பிரிய மனம் இல்லாமல்  வந்தோம். படகில் சுற்றி காட்டினார்கள், இரவு மீண்டும் அதே இடத்தில் வந்து தங்கி விடுவோம். அருமையாக இருந்தது படகு பயணம். மகன் ஜூன் மாதம் அழைத்து சென்றான்.

பேரனின் பிறந்தநாளையும், மருமகளின் அம்மா பிறந்த நாளையும் படகில் கொண்டாடி மகிழ்ந்தோம்.  அவை இங்கு என் சேமிப்பாக பதிவில் இடம் பெறுகிறது.

மீனா ஆச்சிக்கு பிறந்த நாள் கேக்

கவின் பிறந்த நாள் கேக்

படகு வீட்டுக்கு போகும் வழி நம்மை வரவேற்கும் அழகிய பெண் சிலை

வழி எல்லாம் பசுமை, மரத்தில் கட்டி இருக்கும் ஊஞ்சல்

தனி தனி வீடுகள் இருக்கிறது, அதில் தங்கி கொண்டு , படகு வீட்டில் பயணம் செய்து வரலாம்.

தேங்காய் மட்டைகளை அழகாய்  மரத்தை சுற்றி வைத்து இருக்கிறார்கள்.

இரும்பு தொட்டியில் தாமரைச் செடி

அழகான பெரிய மண் தொட்டி

 தொட்டிகளில் வித விதமான செடிகள்

வெட்டிப்போட்ட மரத்துண்டிலும் செடி வளர்த்து இருக்கிறார்கள்

தங்கும் மர வீடுகள்

அடர்ந்த மரம் செடி வழியே நடந்து போவதே  மகிழ்ச்சி

பழைய காலத்தை நினைவு படுத்த வீட்டு முன்  வண்டி

பழைய ஜாடி, பானைகளில்  செடி.

தலையில் குடையை குல்லா போல  மாட்டி கொண்டு தோட்டத்தில் இலை சருகுகளை  சுத்தம் செய்யும் அம்மா.

நாங்கள் தங்கி இருந்த படகு வீடு

படகு வீட்டில் ஏற மரப்படி போடுகிறார்கள் அதில் ஏறி படகு வீட்டுக்குள் போக வேண்டும். படகு ஆடும் நமக்கு கை கொடுத்து உள்ளே அழைப்பார்கள்.

நாங்கள் இரண்டு படுக்கை அறை (ஏசி வசதி) கொண்ட படகு வீட்டில் தங்கி இருந்தோம், வரவேற்பு அறை,    சமையல் அறை இருக்கும். மூன்று பேர் இருந்தனர் ஒருவர் சமையல் செய்ய இருவர் படகு  ஓட்டுவார்கள் மாற்றி மாற்றி. சமையலுக்கும் உதவுவார்கள். நாம் சைவம் என்பதை முன்பே சொல்லி விட்டதால் அதற்கு ஏற்ற மாதிரி உணவு தயார் செய்து தந்தார்கள்.

                                                    காலை உணவு

மதிய உணவு

முதல் நாள் கேரள மக்கள் விரும்பும் அரிசியில் உணவு தயார் செய்து இருந்தார்கள். மறுநாள் எங்களுக்கு நாம் சாப்பிடும் அரிசி சொல்லி விட்டோம் . அதை சமைத்து தந்தார்கள். மிதமான காரம் சொல்லி விட்டதால் அதற்கு ஏற்றார் போல சமைத்து தந்தார்கள்.

மறுநாள் இரண்டு அரிசியிலும் சாதம்  சமைத்து இருந்தார்கள்.

விருப்பபட்டதை சாப்பிடலாம்.

ஓரு நாள்நேந்திர பழ பஜ்ஜி, இன்னொரு நாள் வெங்காய பஜ்ஜி செய்து தந்தார்கள், 

வெங்காய பஜ்ஜி, பிஸ்கட், டீ.

புட்டும் , கடலை கறியும் செய்து தந்தார்கள்

நாங்கள் எல்லோரும் படகு ஓட்டுவது போல போட்டோ எடுத்து கொண்டோம். பேரனின் விருப்பம்

மாலை படகு தங்கும் இடத்திற்கு வந்து விடும். மரத்தில் கட்டி வைத்து விடுவார்கள். காற்றில் படகு ஆடி கொண்டு இருக்கும் . தண்ணீர் அலை போல படகை மோதி செல்லும்.

 பேரன் காலை உணவை சாப்பிடுகிறான், டிவி உண்டு, ஆனால் இயற்கையை ரசிக்க சென்று இருக்கிறோம், அதனால்   டி.வி பார்க்கவில்லை.

இரண்டு பக்கமும் இருக்கைகள் இருக்கிறது கண்ணாடி ஜன்னல் வழியாக படகு போவதை ரசிக்கலாம். ஆகாயதாமரை செடிகளில் பறவைகள் அமர்ந்து இருப்பதை , ஆகாயதாமரை  தண்ணீரில்  மிதந்து நகர்ந்து பயணம் செய்து போனதை அடுத்த பதிவில் பார்க்கலாம். இரண்டு பக்கமும் கரை இருக்கிறது, மக்கள் படகில் பள்ளி கல்லூரி, அலுவலகம் செல்கிறார்கள் படகில். அதை பார்க்கலாம், பஸ் ஸ்டாப் போல  படகு நிறுத்தும் இடம் இருக்கும் அங்கு காத்து இருந்து ஏறி போவதை பார்த்தோம்.

மழை தூறலில் படகு பயணம் செய்கிறவர்களை,  வித விதமாக போகும்  படகு வீடுகளை ரசிக்கலாம். பறவைகளை ரசிக்கலாம்.

படகை சில இடங்களில் நிறுத்தி நம்மை பார்த்து வர சொல்வார்கள், அப்படி கிறித்துவ தேவாலயம், கண்ணன் கோவில் , நாரயண குரு தேவா கோவில்  , கடைகள், எல்லாம் பார்த்தோம் அவை அடுத்து அடுத்து பதிவுகளில் வரும். தொடர்ந்து வருவீர்கள் தானே!

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------