கப்பல் பயணம் (CARNIVAL RADIANCE CRUISE ) பகுதி -1

மே 31 தேதி   (Cruise Trip  Aboard Carnival  ) கடற்பயண  சுற்றுலாவிற்கு  ஏற்பாடு செய்து இருந்தார் மகன்.  

"சேத்னா காயத்ரி உணர்வு மையம்" முந்திய பதிவு படிக்கவில்லை என்றால் படிக்கலாம்

மே 30 தேதி வியாழன்  மதியம் இரண்டு மணிக்கு மேல்  அரிசோனாவிலிருந்து கிளம்பி ஆறுமணி நேரம் பயணம் செய்து   லாஸ் ஏஞ்சல்ஸ் அடைந்தோம்,   அங்கு ஓட்டலில் தங்கி விட்டோம் இரவு .  மே 31 ம் தேதி வெள்ளிக்கிழமை மதியம் 2 மணிக்கு மேல் தான் எங்கள் பயணம் தொடங்கும்,  

இந்த கப்பலில் தான் பயணம் செய்தோம். இந்த கப்பலின் பெயர்  CARNIAL RADIANCE  மே மாதம் 31 ம் தேதி வெள்ளிக்கிழமை  மதியம் இரண்டு மணிக்கு வந்தோம். 3 மணிக்கு எல்லா பரிசோதனைகள்  முடிந்து உள்ளே போக அனுமதி சீட்டு பெற்று கப்பலில் ஏறினோம்.    

வெள்ளி, சனி, ஞாயிறு  மூன்று இரவுகள் கப்பலில் இருந்தோம்.திங்கள் காலை உணவுக்கு பின் கப்பலை விட்டு இறங்கினோம்.

எங்களுக்கு பின்னால் தெரிவது வேறு ஒரு கப்பல்

பேரன் என்னை எதுவும் தூக்கவிடவில்லை, அவன் படுத்து கொள்ளும் போது வைத்து கொள்ளும்  பொம்மை தலையணை மட்டும் கையில் வைத்து கொள்ளுங்கள் என்றான்.

குறிப்பிட்ட நேரத்துக்கு முன் வந்தால் நம் பெட்டிகளை அவர்களே கப்பலுக்கு எடுத்து சென்று விடுவார்கள். நாங்கள் காயத்ரி கோவில், மற்றும்  மதியம் உணவு முடித்து வந்ததால் நீங்கள் தான் உங்கள் பெட்டிகளை எடுத்து போக வேண்டும் என்று சொல்லி விட்டார்கள்.

மோப்ப நாய்களுடன் காவலர்கள்

செயற்கை நாய் வேறு மரத்தில் கட்டி வைத்து இருந்தார்கள்

இந்த நாயை கட்டி வைக்கவில்லை

இப்படி பிரேம் வைத்து இருந்தார்கள் அதில் வித விதமாக மக்கள் நின்று படம் எடுத்து கொண்டார்கள்.

நாங்களும் எடுத்து கொண்டோம்.

பாஸ் போர்ட் பரிசோதனை  செய்யும் இடத்தில்

என்னை படம் எடுக்க மறந்து விட்டார் என் பாஸ்போர்டை  பரிசோதனை  செய்த முதிய அம்மா 

மீண்டும் என்னை படம் எடுத்து  விட்டு  வீல் சேரில்  அழைத்து செல்கிறார்கள் உதவியாளர்கள் .

பாஸ்போர்ட் பரிசோதனை , மற்றும்  நம்மை படம் எடுத்தல், நம் பெட்டிகளை சோதனை செய்தல் என்று பூர்வாங்க வேலைகள் முடிந்தபின் 

வெகு தூரம் நடக்க வேண்டும் என்பதால் வீல் சேர் ஏற்பாடு செய்து இருந்தார்கள். எனக்கும், சம்பந்திக்கும்.

பேரன் எடுத்த படம் , படத்தைப்பற்றிய வரிகளும் அவன் எழுதியதுதான். 

நாங்கள் வெற்றிகரமாக 
கப்பல் உள்ளே ஏறி விட்டோம்

இங்கு ஒரு  பரிசோதனை

நாங்கள் தங்கிய அறை கதவு

எங்கள் அறை வாசலில்

எங்கள் அறையில்  உள்ள  டி.வி திரை எங்கள் இருவரையும் வரவேற்றது 

மருமகளின் அம்மா பேர் மீனாகல்யாணி  பேரை சுருக்கி விட்டார்கள்

எங்கள் இருவருக்கும் கப்பல் பயணம்  "முதல் பயணம்" அதை சிறப்பு செய்ய அறையை அழகு படுத்தி கேக் வைத்து இருந்தார்கள். மகன், மருமகள், பேரன் மூவரும் 2015 ல்  போய் இருக்கிறார்கள். நாங்களும் பார்க்க வேண்டும் என்பதற்காக அழைத்து சென்றார்கள். மகன் , மருமகள் ஏற்பாடு இந்த மாதிரி அறையை அலங்கரித்து கேக் வைக்க சொல்லி,  எங்களுக்கு இனிய அதிர்ச்சி கொடுத்தார்கள்.

இருவரும் கேக் வெட்டி கொண்டாடினோம்

அறை சாவி, சாப்பாட்டு அறைக்கு போகும் போது செக் செய்வார்கள் அதற்கு எங்கள் இருவருக்கும் பத்திரமாக வைத்துக் கொள்ள கழுத்தில் மாட்டி கொள்கிற மாதிரி கொடுத்தார்கள், அதில் என் கணவர் பெயரும் இருந்தது . அவர்களும் எங்களுடன் பயணம் செய்வது போல நினைத்து கொண்டேன்.  எங்கு சென்றாலும் கழுத்தில் மாட்டிக் கொண்டு சென்றோம். 

அறையில் கொஞ்சம் ஓய்வு எடுத்தபின் மேல் தளம் சென்றோம்.  எத்தனை விதமான மனிதர்கள்! ஒவ்வொருவர் முகத்திலும் உற்சாகம் கரை புரண்டு ஓடியது. மகிழ்ச்சி ஆரவாரம்.

மேலே இருந்து குழாய் வழியாக சறுக்கி கொண்டே வந்து நீச்சல் குளத்தில் குதிக்கும் போது மகிழ்ச்சி ஆரவாரம் காதை துளைக்கும்.

லிப்ட் வசதி உண்டு

தண்ணீர் நிரம்பியவுடன் சாய்ந்து தண்ணீரை கொட்டும் அதன் அடியில் இருப்பவர்கள் மகிழ்ச்சி கூச்சல் செய்வார்கள்.

சிறிய காணொளி தான் 

 விடுமுறையை மகிழ்ச்சியாக  அனுபவிக்க  வந்து இருக்கும்  மக்கள் கூட்டம் . நிறைய பேர் வயதான தாய் தந்தையரை அழைத்து வந்து இருந்தார்கள், நண்பர்கள் சேர்ந்து  வந்து இருந்தார்கள்.  சுற்றத்துடன் வந்து இருந்தார்கள். அவர்களின் மகிழ்ச்சியான முகத்தைப்பார்த்தாலே நமக்கும் மகிழ்ச்சி தொற்றிக் கொள்ளும்.

சிறு குழந்தைகள் நீரில் விளையாட்டு

பெரியவர்கள், சிறுவர்கள் நீச்சல் செய்ய தனி தனி நீச்சல் குளம் உண்டு . பாதுகாப்பு கவசம் உண்டு குழந்தைகளுக்கு, சில குழந்தைகள் அணிந்து இருந்தார்கள்.

நீச்சல் குளத்தில்  குளித்து விட்டு வெயில் காயவும் செய்தார்கள்

பெரியவர்கள் குளிக்கும் நீச்சல் குளம்

கோன் ஐஸ் சாப்பிட்டோம் எல்லோரும் எவ்வளவு வேண்டுமென்றாலும் சாப்பிடலாம். கொஞ்சமாக எடுத்து கொண்டோம்.

காய்கறி உள்ளே வைத்த பிரட் ரோல்,  உருளை வேக வைத்து உப்பு மட்டும் போட்டு இருந்தார்கள், மிளகு போட்டு கொள்ளலாம்.  பாஸ்தா,    உணவுக்கு முன் தக்காளி சூப் .  பாதி சூப் குடித்தபின் தான் படம் எடுக்க நினைவு வந்து  எடுத்தேன். ஊட்டி வர்க்கி போல சூப்புக்கு  கொடுத்தார்கள்.

சைவ அசைவ உணவுகள் இருக்கிறது, விரும்பியதை கேட்டு வாங்கி சாப்பிடலாம், நாமே எடுத்து சாப்பிடும் உணவு கூடமும் இருக்கிறது. பழங்கள், கேக் வைகள், உணவுக்கு பின் சாப்பிடும் இனிப்பு வகைகள், ஐஸ் கிரீம்  அயிட்டங்கள் என்று . 

உணவை ஆர்டர் செய்து சாப்பிடும் உணவு அறையும் இருக்கிறது.

நம் அறையில் இருக்கும் போனில் நாம் நம் உணவு  நேரத்தை  சொல்லலாம். நம் உணவு மேஜையும், இருக்கையும்  தயார் ஆனதும் அவர்கள் அழைப்பார்கள்.

சமையல் கூடத்தில் இருந்தவர்கள் இரண்டு பேர் ,  தமிழ் பேசுபவர்கள், ஒருவர் திருச்சி, இன்னொருவர் திருநெல்வேலி.

நாங்கள் உணவு முடித்து அறைக்கு வந்து விட்டோம். ஆனால் வாணவேடிக்கை,(வானில் சென்று அழகாய்  வெடிக்கும் ) ஆடல், பாடல் எல்லாம் இரவு மேல் தளத்தில் நடந்தன. நம் அறையில் உள்ள டிவி திரையில் பார்த்தோம்.

மக்கள் எல்லோரும் மூன்று மணி வரை  ஓடி கொண்டும், பாடி கொண்டும் இருந்தார்கள்.

இன்னும் மேலே தளங்கள் இருக்கிறது, மேலே நடைபயிற்சி செய்ய செஸ் விளையாட , உடற்பயிற்சிகள் செய்ய  என்று  நிறைய இருக்கிறது. கீழ் தளம் சாப்பாட்டு அறைகள்  , கடைகள், மற்றும் போட்டோ எடுத்து கொள்ள இடங்கள் என்று  நிறைய இருக்கிறது , அடுத்த அடுத்த பதிவுகளில் பார்க்கலாம்.

இன்று மகனுக்கும் மருமகளுக்கும் இனிய திருமண நாள் .

இறைவன் அருளும் உங்கள் ஆசிகளும், வாழ்த்துகளும்  அவர்களுக்கு வேண்டும்.

மீதி அடுத்த பதிவில்  .

வாழ்க வையகம்! வாழ்க வையகம்! வாழ்க வளமுடன்!

------------------------------------------------------------------------------------------------