இயற்கை வரைந்த ஓவியம்

உலகமே உடலாய் அதற்குள்ளே உயிரது ஆகி விளங்கிடும் தெய்வம்

இலகும் வான் ஒளி போல் அறிவு ஆகி எங்கணும் பரந்திடும் தெய்வம்.

- பாரதி

பெளர்ணமி அன்று நிலவைபார்க்க தோட்டம் பக்கம் போனேன், அன்று நிலவு வரவில்லை ஆனால் வானம் மிக அழகாய் பொன்னிறமாக இருந்தது.   அந்த  வானில் தெரிந்த அழகிய  காட்சிகளை  காமிராவில்  எடுத்து கொண்டு இருந்தேன், "அம்மா  முன் பக்கமும் வானம் அழகாய் இருக்கு போய் பாருங்க" என்றான் மகன்   பொன்னிற வானம் முன் பக்கம் தான் கிடைத்தது.

மாலை நேரம் எடுத்த  வானின் படங்களும், கவிதைகளும் இடம்பெறுகிறது இந்த பதிவில்.

நான் முழுநிலவை காண தோட்டத்திற்கு போனது போல பாரதிதாசன் அவர்களும் பெளர்ணமி அன்று  "வட்டக் குளிர்மதி எங்கே என்று வரவு  நோக்கியிருந்தோம்" என்று பாடி இருக்கிறார்.

//எட்டியமட்டும்  கிழக்குத் திசை 

ஏற்றிய  எங்கள் விழிக்குப் 

பட்டது கொஞ்சம் வெளிச்சம் -அன்று

பெளர்ணமி என்பதும் கண்டோம்

வட்டக் குளிர்மதி எங்கே - என்று 

வரவு நோக்கி யிருந்தோம்.//

- பாரதி தாசன்.

இரண்டு நாளாக வானம் மேக மூட்டத்தில் இருந்தது அதனால் பெளர்ணமி அன்று  நிலவை பார்க்க முடியவில்லை.

வானகம் நோக்கினேன் மற்று அதன் மாண்பினை 

ஊனமா நாவினில் உரைத்தலும் படுமோ

-பாரதியார்

இயற்கையை பாரதி  எவ்வளவு அழகாய் பாடி இருக்கிறார் அவரே இப்படி சொல்கிறார். எனக்கு கவிதை எழுதி பழக்கமில்லை.

அதனால் பாரதியாரின் வரிகளை தேர்ந்து எடுத்து போட்டு இருக்கிறேன்.

காற்றும் ஒளியும் மிகு ஆகாயமே எங்களுக்கு 

ஏற்றதொரு வீடு இதற்கு எல்லை ஒன்று இல்லையடா

- பாரதியார்

நரைத்த முடி  கறுப்பு தாடி வைத்த முதியவரும் , வெண்கொண்டை முதியவளும் தெரிகிறது எனக்கு, உங்களுக்கு என்ன தோன்றுகிறது சொல்லுங்கள்.

வெண்மேகத்தை துரிகையால்  கலைத்து விடுகிறார்கள்

கருமேகம் கண்டு தோகை விரித்து ஆடும் மயிலின் தோகை மட்டும் தெரிகிறதா?

ஓவியத்தில் தீட்டப்படாத

வர்ணங்களை  தன்னகத்தே

ஒளித்து வைத்துள்ளதோ

இந்த அந்தி வானம்

--ஹேமஷாலினி ச

இன்று இணையத்தில் படித்தேன் நன்றாக இருந்தது.

ஜெட் விமானம் வெண்மேகத்திலிருந்து விருட்டென்று பாய்ந்து வந்தது

வானகத்தோடு ஆடல் செய்வாய்

-பாரதி

மேகங்களும் , மரங்களும் ஆடல் செய்கிறது வானகத்தோடு

ஓடும் மேகங்களே ஒரு சொல் கேளீரோ

- கவிஞர் கண்ணதாசன்

"எத்தனை கோடி இன்பம் வைத்தாய்

எங்கள்  இறைவா  இறைவா இறைவா"

  என்று  பாடி இருக்கிறார்.

பாரதியை போல கவிதை வடிக்க தெரியவில்லை என்றாலும் இயற்கையை ரசிப்போம்.   வானத்தை ,  மேகங்களை ரசிக்க ஆரம்பித்தால்   வேறு சிந்தனைகள் வந்து நம்மை தொந்திரவு செய்யாது.

//அந்தி வேளை மேற்குப்புறம்
ஆகாயத்தைப் பார்த்திடுவோம்!
விந்தையாக மேகங்கள்
விதவிதமாகத் தோன்றிடுமே!
இரவு வேளை வானத்தில்
எங்கும் நட்சத்திர மயமே
பரவி மினுக்கு மினுக்கென்று
பார்க்க அழகாய்க் காட்சிதரும்.//

- வேதாத்திரி மகரிஷி அவர்கள் குழந்தைகளுக்கு எழுதிய பாடல்.

முன்பு 

சீக்கிரம் காலையில் எழுந்திருங்கள்! என்ற தலைப்பில்  

 காலை சூரியன்  உதிக்கும் வேளையில் வானின் அழகை பதிவு  போட்ட போது மகரிஷியின் முழு கவிதையும் பகிர்ந்து இருக்கிறேன். இப்போது அந்திவானம் கவிதை மட்டும்.

அந்தி வானமும் ஏரியும் என்று முன்பு போட்ட பதிவு.

நிறைய வானம் படங்கள் போட்டு பதிவு எழுதி வைத்து இருக்கிறேன். ஆனால் வலை ஏற்ற வில்லை இந்த படங்களை உடனே போட்டு விட நினைத்து போட்டு விட்டேன்.

வாழ்க வையகம்! வாழ்க வையகம் ! வளமுடன்!

---------------------------------------------------------------------------------------------------