கடல் பயணத்தில் பார்த்து ரசித்த காட்சிகள்

கப்பல் பயணம் (CARNIVAL RADIANCE CRUISE )

மே மாதம் 31 தேதி முதல், ஜூன் 3 ம் தேதிவரை  கப்பல் பயணம் செய்த போது பார்த்த காட்சிகள், கடல் பயண அனுபவங்கள் தொடர் பதிவாக இடம்பெறுகிறது.

கப்பல் மேல் தளத்தில் நின்று  காலை நேரம் எடுத்த படங்கள். காலை நேரம் கொஞ்சம் குளிர் காற்றும் பனி மூட்டமும் இருந்தது.

 மேல் தளத்திலிருந்து பார்த்த பறவைகள், மற்றும் அங்கு நின்ற வேறு ஒரு கப்பலின் படங்கள்,  நின்ற இடத்திலிருந்து ஊரின் அழகு  இந்த பதிவில்  இடம்பெறுகிறது.

கப்பல் பயணம் பகுதி -1

கப்பல் பயணம் பகுதி- 2

இதற்கு முன் போட்ட பதிவுகள்.

ஜூன் 2 ம் தேதி இந்த இடத்தில் கப்பல் நின்றது 

ஊரின் அழகு தெரிகிறதா?

இந்த கப்பல் போல் தான் எங்கள் கப்பலும் நின்றது இங்கு

சீகல் பறவை ஒன்று  வலதுஓரத்தில் பறப்பது தெரிகிறதா?

நிறைய பறவைகள் பறப்பதை எடுக்கலாம் என்று மேல் தளத்திற்கு  மகனுடன் போனேன், ஆனால் இரண்டு சீகல் பறவைகள் தான் கிடைத்தது. அவை பயமில்லாமல்  நின்றன.

காலை நேர குளிர் காற்றில் இந்த பறவையின் சிறகுகள் பறக்கும் காட்சியும், எழுந்து பறந்து போகும் காட்சியும் சிறு காணொளிதான்.

அதிகாலை வேளையில்     சீகல் பறவைகள் மூன்று தடவை முங்கி குளித்த காட்சி. நாங்கள் தங்கி இருந்த அறையின் கண்ணாடி ஜன்னல் வழியாக எடுத்த காட்சி.  மிக சிறிய காணொளி தான் பார்கலாம்.

பெலிகன் பறவை மீனை பிடித்து உண்ணும் காட்சி. தண்ணீரில் நீந்தி பின் பறந்து கீழே மூழ்கி மீனை பிடித்து தலையை தூக்கி விழுங்கும் காட்சி மட்டுமே பார்க்க முடிந்தது. மீன் தெரியவில்லை. இரண்டு தடவை மூழ்கி எழும் பாருங்கள்.

 சிறிய காணொளிதான் பார்த்து விட்டு எப்படி இருக்கிறது என்று சொல்லுங்கள்.

இப்படி தெரிந்தால் நன்றாக இருக்கும். (படம் கூகுள் )

மூன்று பெலிகன் பறவைகள் பறந்து வந்தன, ஆனால் ஒன்று தான்படம் எடுக்க முடிந்தது

பெலிகன் பறவை பறப்பது

சீகல் பறவை பறப்பது

மூன்றும் கொஞ்ச நேரம் ஓய்வு எடுக்கிறது , இங்கு ஒன்று, கீழே இரண்டு அமர்ந்து இருக்கிறது.

பெலிகன் பறவைகள் (கூழைகடா)

கப்பலில் பயணம் செய்து வருபவர்களை ஊரை சுற்றிக் காட்டும் பஸ்கள், சிறு வேன்கள், கார்கள் நிற்கிறது.

நாங்கள் பயணம் செய்த வண்டி  இன்னொரு பதிவில் இடம்பெறும்.

கடைசியில் தெரியும் கம்பத்தில் மெக்சிகன் கொடி பறக்குமாம். நாங்கள் பார்த்த அன்று பறக்கவில்லை

பாதுகாப்பு படகு சுற்றி சுற்றி வந்தது.

இன்னொரு பதிவில் பார்ப்போம்.

வாழ்க வையகம்! வாழ்க வையகம்! வாழ்க வளமுடன்!

---------------------------------------------------------------------------------------------------