கிழக்கு நீலப்பறவை (Eastern Bluebird )

கிழக்கு நீலப்பறவை (Eastern Bluebird )

அட்லாண்டாவில் மகள் வீட்டுத்தோட்டத்திற்கு வந்த பறவை. குளிர் காலம் போனபின் கோடை வந்து விட்டால் இந்த பறவையின் வரத்து அதிகமாக இருக்குமாம்.

கிழக்கு நீலப்பறவைகள் கிழக்கு வட அமெரிக்கா மற்றும் தெற்கில் நிகரகுவா வரை காணப்படுகின்றன. கிழக்கு மற்றும் தெற்கு பறவைகளை விட வடக்கிலும் மேற்கிலும் வாழும் பறவைகள் அதிக முட்டைகளை இடுகின்றன.

நல்ல விழிப்புணர்வோடு பயமில்லாமல் மின்சார கம்பி , மரக்கிளையில் நிற்கும். மின்சார கம்பியில் நின்றபோது எடுத்தபடம் தெரியாமல் டெலிட் ஆகி விட்டது.

என்ன பார்வை ! உந்தன் பார்வை!

உடலை சிலிர்த்து கொண்டு  இருக்கிறது

                                                கீழ் பார்வை

                                     பக்க வாட்டு பார்வை

                                           மரக்கிளை ஊஞ்சல்  

இப்படி தூரத்தில் மரக்கிளையில்  இருந்த நீலப்பறவையை நான் ஜூம் செய்து எடுத்த படங்கள் 

புல்வெளியில் புழு, பூச்சி தேடல்

ஒரு பூச்சியைப் பார்த்தால் அதன் மேல் திடீரென விழுமாம்.

நான் நீலப்பறவை மரக்கிளையிலிருந்து விழுந்து இறக்கையை விரித்து படுத்தவுடன் குளிர் காய்கிறது இளம் வெயிலில் என்று நினைத்தேன். இந்த பறவையை பற்றி கூகுளில் படித்தபின் தான் அது தன் இரையை பிடிக்க இப்படி செய்கிறது என்று தெரிந்து கொண்டேன்.

இந்த படம் உதவி  கூகுள் . நன்றி கூகுளுக்கு.

தோட்டத்திற்கு பெண் பறவை வரவில்லை , நான் பார்க்கவில்லை. அதனால் கூகுள் உதவி.

ஆண் நீலப்பறவை  பின்புறம் மற்றும் தலையில் ஒரு அற்புத மான  ராயல் நீல நிறமாகவும், மார்பில்  சிவப்பு- பழுப்பு நிறமாக இருக்கும். இறக்கைகள் மற்றும் வாலில்  நீல நிற மும்,  சாம்பல் நிறமும் கலந்து இருக்கும், அது பெண் பறவைக்கு அழகான தோற்றத்தை கொடுக்கிறது.

ஆண் பறவை கூட்டை எட்டி பார்ப்பது, பெண் பறவை சிறகடித்து பறப்பது. இரண்டும் வித்தியாசம் தலையில், வாலில் உள்ளது.

//ஆண் ஈஸ்டர்ன் ப்ளூபேர்ட் ஒரு பெண்ணைக் கவரும் வகையில் தனது கூடு குழியில் காட்சியளிக்கிறது. அவர் கூடு பொருட்களை துளைக்கு கொண்டு வருகிறார், உள்ளேயும் வெளியேயும் செல்கிறார், அதன் மேலே அமர்ந்து தனது இறக்கைகளை அசைப்பார். அதுவே கூடு கட்டுவதில் அவரது பங்களிப்பு அதிகம்; பெண் ஈஸ்டர்ன் ப்ளூபேர்ட் மட்டுமே கூடு கட்டி முட்டைகளை அடைகாக்கும்.//

கூடு கட்ட  குச்சிகளை கொண்டு வருவது வட்டமாக கட்டிய கூட்டின் நடுவில் அமர்ந்து உடலை அசைத்து அதை விரிவு படுத்தி கூட்டின் குழியின் ஆழம் சரியாக இருந்தால் குச்சிகள் கொண்டு வருவதை நிறுத்தி விடும் போல.

https://www.youtube.com/watch?v=1W1nz_rMHSk

இந்த காணொளி சின்ன காணொளிதான் பாருங்கள் . முட்டையிட்டு குஞ்சுபொரித்து உண்வு ஊட்டும்  காட்சிகள் இருக்கிறது. இறைவன் ஒவ்வொரு பறவைக்கும் எவ்வளவு அறிவை கொடுத்து இருக்கிறான் என்ற வியப்பை தரும்  காட்சி.

காணொளியை எடுத்தவருக்கு நன்றிகள்.

மகள் வீட்டில் வளர்க்கும் அழகு புதர் செடியில் கூடு கட்டி இருக்கிறது. வட்டமாக இருக்கிறது.

 

இந்த செடியில் தான் கூடு உள்ளது

காணொளி மிக நன்றாக இருக்கிறது. பறவை  எப்படி கூடு வெளியில் அமைக்குமோ அது போலவே நாம் பெட்டி மாதிரி துளையோடு கூடு வைத்தாலும் அது உள்ளே தன் வழக்கப்படி கூடு அமைத்து உள்ளது. 5 முட்டைகள்  உள்ளது அதை முட்டை ஓட்டை உடைத்து பெண் பறவை அந்த முட்டை ஓட்டை  தின்று விடுகிறது. பெண் பறவைக்கு கால்சியம் சத்தாம். குஞ்சுகளுக்கு இரண்டு பறவைகளும் உணவு கொடுப்பது அழகு.

இன்னொரு வியப்பு தரும் செய்தி ;-

கிழக்கு நீலப்பறவைகள்  வருடத்திற்கு  ஒரு முறை 5, ஆறு முட்டைகளை இட்டு குஞ்சு பொரிக்கும். கோடையில் முட்டையிடும் குஞ்சுகள்  இறக்கை முளைத்து பறந்து போய் விடும், பின் குளிர்காலத்தில் பெற்றோர்களுடன் அடிக்கடி வந்து தங்குமாம். பழைய முறை படி கட்டிய கூட்டில் தங்குவது இல்லையாம், இப்படி பிற்காலத்தில் மனிதன் அமைத்து கொடுத்த கூட்டில் குளிர்காலத்தில் வந்து  தங்கும் என்று சொல்கிறார்கள். இந்த கூடு பாதுகாப்பாக இருப்பதால் என்று நினைக்கிறேன். 

இறைவன் அவைகளை நல்ல படியாக வைத்து இருக்கட்டும்.

வாழ்க வையகம்! வாழ்க வையகம்! வாழ்க வளமுடன்!

_________________________________________________________________