சிறு மலர்கள்

வசந்தம் வந்ததும் புல் பூண்டுகள் நன்றாக பச்சை பசேல் என்று வளர்ந்து இருக்கிறது. மழை பெய்து புற்கள் வளர்ந்தவுடன் அதனுடன் சேர்ந்து சிறு சிறு செடிகளும் வளர்ந்து குட்டி குட்டி பூக்கள்  மிக அழகாய் பூத்து இருந்தது. அட்லாண்டாவில் உள்ள மகள் வீட்டு தோட்டத்தில் .

இன்னும் புல் பெரிதாக வளர்ந்தால் வெட்டி விடுவார்கள், அப்போது இந்த அழகிய குட்டி பூக்களும் போய் விடும். அதற்குள் படம் எடுத்து விட்டேன்.

குட்டி குட்டி மஞ்சள் பூ

இந்த பூக்கள் மாலையில் வாடி விடுகிறது.

மிகவும் குட்டியாக பூக்கிறது

புற்களுக்கு இடையே இந்த பூவின் செடி தலைத்தூக்கி கொஞ்சம் உயரமாக பூக்கும் காய்ந்தவுடன் வெள்ளையாக மாறிவிடும், பிறகு பறக்க ஆரம்பித்துவிடும்.

இந்த பூ இவ்வளவுதான் மலர்கிறது, மாலையில் வாடி விடும்

இந்த பூவின் இலைகளும் பூ போன்ற வடிவம் தான். பூ ஐந்து இதழ், இலை மூன்று இலை

இந்த பூ நாலு இதழ் கொண்டதாகவும்

மூன்று இதழ் கொண்டதாகவும் பூக்கிறது.

இதன் மொட்டும் இரண்டு விதமாக இருக்கிறது, 

இந்த புற்களுக்கு இடையில் வேறு அழகிய இலைகள் கொண்ட சிறு சிறு கொடிவகைச்செடி படர்ந்து இருக்கிறது.

      இலை பெரிது பூ சிறிது பூவின் இதழ்கள் தும்பை பூ போல 

இலை வடிவ பூ

மிக சிறிய புல்லில் மிக அழகான  பூ டிசம்பர் பூ போல மூன்று பூக்கள், அதே வண்ணத்தில் மூன்று இலை வடிவ இதழ்கள். பூக்களின்  மஞ்சள் வண்ணம் தீட்டியது போல தோற்றம்.

தூரத்திலிருந்து பார்த்தால் ரோஸ் வண்ண  குட்டி ரோஜா போல் காட்சி அளிக்கும் 

புதர்ச்செடி போல இருக்கிறது பரந்து விரிந்து இதை அழகிய வடிவில் சில இடங்களில் வெட்டி விட்டு இருக்கிறார்கள்.  மகள் வீட்டில் இரண்டு மூன்று இடங்களில் படர்ந்தும், குத்துச்செடி போலவும் இருக்கிறது.

             மகன் ஊரில் கற்களுக்கு இடையே  பார்த்த சிறு  மலர்

இயற்கையின் அற்புத படைப்பில்  ஒவ்வொன்றும் ஒவ்வொரு அழகு.

புல்வெளியில் பறவைகளும், பூச்சிகளும்  , வண்டுகளும்  அணில்களும், பூனைகளும்   ஓடி விளையாடுவதை பார்த்துக் கொண்டு இருக்கிறேன்.  பூப்பூக்கும் ஓசை  அதை கேட்கத்தான் ஆசை பாடல் மனதுகுள் ஓடுகிறது. இன்று காலை முதல் மழை பறவைகள் , அணில்கள், பூச்சிகள் எங்கோ மறைந்து இருக்கிறது. மழையின் ஓசை மட்டும் இருக்கிறது.

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------