தீபாவளி மலர்

பேரன் தயார் செய்த தீபாவளி வாழ்த்து 

அனைவருக்கும் தீபாவளி நல் வாழ்த்துகள்! வாழ்க வளமுடன்!

தீபாவளி என்றால் முன்பு தீபாவளி ஆண்டு மலர் வாங்குவோம்.

எல்லா வாரப்பத்திரிக்கைகளும்  தீபாவளிக்கு சிறப்பாக இரண்டு புத்தகம் தருவார்கள். அதை தீபாவளிக்கு ஊருக்கு போகும்  ரயில் பயணத்தில் படிக்க வாங்குவோம், குமுதம், குங்குமம், மங்கையர் மலர் எல்லாம். ரயிலில் நம்மிடமிருந்து அந்த புத்தகங்களை வாங்கி படிபவர்களிடம்  நாம் இறங்கும் போது நினைவாக வாங்க வேண்டும். திருப்பி தராமலே போய் விடுவார்கள் சிலர்.

தொலைக்காட்சி வருமுன் தீபாவளி முடிந்த பின் மதியம் ஓய்வாக இருக்கும் போது இந்த தீபாவளி மலர்கள்தான் நமக்கு பொழுது போக்கு. அதில் ஆன்மீகம்,  சினிமா, நடிகர், நடிகையர் பேட்டிகள். தீபாவளி நகைச்சுவை துணுக்குகள். சிறுகதைகள், 

மற்றும் அருமையான விளம்பரங்கள் வரும். வெகு நாட்கள் படிக்க விஷயங்கள் இருக்கும்.

அப்படி 2002 ம் ஆண்டு வாங்கிய விகடன் பவழ விழா மலர் . புத்தகத்திலிருந்து சில காட்சிகள் இந்த பதிவில் இடம் பெறுகிறது. முதலில் பக்தி மனம் கமழும் ஓவியங்கள்.

திரு சில்பி அவர்களின் ஓவியம் இடம்பெறாத தீபாவளி மலரே இல்லை என்று சொல்லலாம். திரு. சில்பி அவர்கள் திருவெண்காடு கோயிலை படம் வரைந்து கொண்டு இருந்த போது பார்த்து இருக்கிறோம். அவருடன் பேசி இருக்கிறோம்.

திருவெண்காட்டில் தங்கி பல நாள் ஓவியம் வரைந்தார். அவர் ஊர் கும்பகோணம்.

கயிலை காட்சிகள் மணியம் செல்வன் அவர்கள் வரைந்தது எங்கள் கயிலை  பயணத்தை நினைவு படுத்தியது. மகிழ்ச்சியான பயண அனுபவம் நினைவுகளில் நீங்காமல் இருக்க வேண்டும். 

விகடன்  தாத்தா உருவான கதை

இப்படித்தான் எல்லோர் வீட்டிலும் நடக்கும்

சித்திரக்குறும்பு  பார்த்து ரசித்து சிரிங்க

பிள்ளையார் , சட்ட நிபுணர் நல்லா இருக்கிறது அல்லவா?

ஆமாம் அங்கே என்ன சாமான்? "அது சாமான் இல்லை அம்மா நம்ம சாமா.

 கல்கத்தாவில் குண்டு போட்டால் நமக்கு என்ன பயம்? ஏன்று கேட்ட முத்தண்ணா பூனை தள்ளி விட்ட பாத்திர வெடிக்கு எங்கு இருக்கிறார் பாருங்கள்

நிம்மதியாக பாடலை கேட்க நல்லவழி 

இருந்த ஒருத்தரும் ஓடி போனால் விடுவாரா ? ஓடி போகமுடியுமா ? இனி முடியுமா?

நல்லா சொன்னார்- வீடாய் நினைக்க சொன்னால் காசு எதற்கு ?

 

உடற்பயிற்சி பார்த்து இருப்பீர்கள் சோம்பல் பயிற்சி  பாருங்கள். "இது எதற்கு எங்களுக்கு தெரியுமே" என்று சொல்வீர்கள்.

ஜவுளி கடை கடையாக  பெண்கள் ஏறி இறங்கும் நகைச்சுவை இல்லாமல் இருக்காது. காலையில் போனால் இரவு வரை தேர்ந்து எடுப்பார்கள் என்ற நகைச்சுவை துணுக்கு உண்டு.

இதில் கடை கடையாய் தன் மனைவியை தேடுகிறார்.

தீபாவளி என்றால் மைசூர் பாக் சிரிப்பு இல்லாமலா?

ஞாயிற்றுகிழமை பார்த்து கொள்ளலாம் என்று எத்தனை வேலையை தள்ளி வைத்து கடைசியில் ஞாயிறு வந்தவுடன் இன்று எந்த வேலையை முன்னாடி செய்யலாம் என்று யோசித்து களைத்து போய் தூங்குகிறார்.

பவழவிழா தீபாவளி மலர்  செய்திகள், படங்களை ரசித்தீர்களா?

2022 ம் ஆண்டு "இந்து தமிழ் திசை தீபாவளி மலர்" 150 ரூபாய்

அதில் //பொன்னியின் செல்வன் திரைப்படம் வெளியாகவுள்ள நிலையில் சோழர்கள் வரலாறு குறித்த ஆர்வம் தமிழ்நாட்டில் அதிகரித்துள்ளது. அந்த வகையில் சோழர்கள், காவிரி, தஞ்சை குறித்த பல்வேறு கட்டுரைகள் இடம் பெற்றுள்ளன. தஞ்சை பெரிய கோயிலின் கலைச் சிறப்புகள், தனித்தன்மைகள் குறித்து வரலாற்று ஆய்வாளர்கள் அர. அகிலா, கோமகன் ஆகியோர் விரிவான கட்டுரைகள் எழுதி இருக்கிறார்கள்.// என்று வந்து இருக்கிறது.

"விகடன் தீபாவளி மலர்" தஞ்சை கோயில் அட்டை அற்புதமாக இருக்கிறது. விலை 110 ரூபாய். ஆன்மீகம், அறிவியல், இலக்கியம், இசை, பராம்பரியம்,  நகைச்சுவை, பயணம்,கலை, சினிமா, அரசியல், தொலைக்காட்சி, சுற்று சூழல், ஆளுமை என்று காலபெட்டகமாய் பக்கத்துக்கு பக்கம் சுவாரசியமாக குடும்பத்திற்கு ஏற்ற இதழாக வெளியாகி இருக்கிறது  உங்கள் தீபாவளி மலர் என்று  விளம்பரம் இருக்கிறது.

கலைமகள், அமுதசுரபி,  தினமணி என்று தீபாவளி மலர் வாங்க தூண்டுகிறது.

தீபாவளி மலர்  யாராவது வாங்கி இருக்கிறீர்களா?

மீண்டும் அனைவருக்கும் தீபாவளி நல் வாழ்த்துக்கள்.! வாழ்க வளமுடன்.

வாழ்க வையகம்! வாழ்க வையகம்! வாழ்க வளமுடன்!

__-----------------------------------------------------------------------------------------

ம் இதழாக வெளியாகியிருக்கிறத