விழாக்கள் தரும் மகிழ்ச்சி

மகன் வீட்டுக் கொலு பார்க்க வாருங்கள். நவராத்திரி முடிந்து கொலு பார்க்க அழைக்கிறேன் என்று நினைக்காதீர்கள். அய்யனார் கோயில் நவராத்திரிவிழாவை காட்டிக் கொண்டு இருந்தேன்.நவராத்திரி ஆரம்பித்த நாளிலிருந்து  மகனும் பொறுமையாக தினம்  படங்கள் அனுப்பிகொண்டு இருந்தான்.

நானும் நேரலையில் தினம் பார்த்து கொண்டு இருந்தேன்.  வந்தவர்களை வரவேற்று அவர்களுடன் உரையாடி அவர்கள் பாடும் பாடல்களை கேட்டு ரசித்து கொண்டு இருந்தேன். 

குட்டி பையன் மித்ரன் பட்டு வேட்டி , பட்டு சட்டை போட்டு வந்து இருந்தார். மகனின் நண்பர் , மதுரை சொந்தஊர்.

நலம் தரும் நவராத்திரி -4 ம் பதிவு நிறைவு பதிவில் 

//இன்னும் வரும் நவராத்திரி கொலு படங்கள். மகன் வீட்டு கொலு, அவர்கள் போய் வந்த நண்பர்கள் வீட்டுக் கொலு. எல்லாம் என்று சொல்லி இருந்தேன். இந்த பதிவில் மகன் வீட்டுக் கொலு.

பதிவு போட  இப்போதுதான் நேரம் கிடைத்தது. 

பேரன் சிறு வயதில் மாயவரம் கொலுவில் மரச்செப்பு விளையாட்டு சாமான்களில் உள்ள பன்னீர் செம்பை வைத்து வந்தவர்களை வரவேற்பான். அந்த நினைவாய் இப்போதும் மருமகள்  வைத்து இருக்கிறாள். எல்லோரும் சந்தனம், குங்குமம், கல்கண்டு எடுத்து கொள்ளுங்கள் பேரன் பன்னீர் தெளிப்பான்.

நவராத்திரிக்கு வருக !  வருக  !  மருமகள் தயார் செய்த அழைப்பிதழ்

நவராத்திரிக்கு அழைப்பு திருவிளக்கை ஏற்றி வைத்தோம் திருமகளே வருக! என்ற பாடலுடன் எங்கள் வீட்டுக் கொலு படம் என் கணவர் அம்மன் செய்யும்   படங்கள், மற்றும் மகன் வீட்டுக் கொலு  எல்லாம் வரும். நேரம் இருக்கும் போது காணொளிகளை பாருங்கள்.

வந்தவர்களுடன் பேரனும் பாடுகிறான்

அம்மா, இரண்டு பெண் குழந்தைகளும் பாடினார்கள் . பெரிய பெண் சகலகலாவல்லி, பாடல், ஆடல்  மற்றும் நிறைய திறமைகள் உண்டு.

கிறித்துவ பாதிரியார்  வந்து இருந்தார் கொலுவை பார்க்க . கிறித்துவ நண்பர்  இறைவனுக்கு நன்றி பாடல் பாடினார். மற்றும்  நிறைய குழந்தைகள், பெரியவர்கள்  பாடினார்கள் அதை எல்லாம் தனி பதிவே போடலாம்.

பேரன் கொலு பொம்மையை அடுக்க எடுத்து வருகிறான். திரைச்சிலை புல்லாங்குழல், மயில் இறகு  அலங்காரம்  மகன் செய்தான்.

பண்டிகை என்றால் மருதாணி  வைத்துக் கொள்வார்கள் அல்லவா ? அதனால் குஜராத்தி பெண் ஒருவர் மகன் வீட்டுக்கு வந்து  நட்புகள் எல்லோருக்கும்   வைத்து  விட்டார்கள். மருதாணி வைப்பதை அவர்கள் தொழிலாக  செய்கிறார்கள். கல்யாணம், மற்றும் பண்டிகை போன்ற விழாக்களில் இவர்களை அழைப்பார்களாம் மருதாணி  வைக்க.

இந்த முறை கண்ணன் தான்  கொலுவில் கதாநாயகன்

கொலு பார்க்க வருபவர்கள் வாங்கி வந்த மலர் கொத்துக்கள்  

குத்துவிளக்கில் மருமகள் செய்த அம்மன் அலங்காரம் 

கீழே இருப்பது வீட்டில் பூத்த செம்பருத்தி 

முதல் நாள்.

சரஸ்வதி பூஜை அன்று மூன்று தேவியரும்  

தேவியர் முன் வைத்து இருக்கும் பூ கிண்ணம் சுழலும். அப்படி மகன் செய்து இருந்தான். சின்ன காணொளிதான்.

யமுனை கரை பேரன் வரைந்தது. யமுனை நதியில் நடந்த  கிருஷ்ணனின் லீலை.

பேரன் பார்க்கும் ஸ்ரீ கிருஷ்ணாவிலிருந்து  சில காட்சிகளை  தொகுத்து அதற்கு அவனே வசனங்கள் எழுதி அவனே எல்லா கதாபாத்திரங்களுக்கும் பேசி இருக்கிறான்.

 கிருஷ்ணன் ராதை சூரிய பூஜைக்கு வெண்ணை எடுத்து போவதை திருட பின் தொடர்வது, அப்போது "ராதை வெண்ணை சூரியனுக்கு உனக்கு கிடையாது நீ திருடக் கூடாது" என்று சொல்வது. அந்த இடத்திற்கு பலராமன் யமுனை நதியில்  காளிங்கன் செய்யும் பிரச்சினைகளை  அதனால் மாடுகளுக்கு தீங்கு நேர்வதை கிருஷ்ணனிடம் சொல்ல வருவது போல காட்சி அமைத்து   இருக்கிறான்.  மற்றவைகளை காணொளி பார்த்து தெரிந்து கொள்ளுங்கள்.

பேரன்  செய்த "காளிங்க நர்த்தனம்" பொம்மலாட்டத்தில் இடம் பேற்ற    கிருஷ்ணாவும், ராதாவும் இஷ்கான் கோயிலில் நடந்த ஆனந்த மேளாவில்   சக்கரம் சுழற்றும் போட்டியில் கிடைத்த பரிசு. கவின் கிருஷ்ணா பொம்மையை வென்றான். மகனின் நண்பர் பெண் ராதையை வென்றாள். அவர்கள் ராதையை கிருஷ்ணனுடன் இருக்கட்டும் என்று  கவினுக்கு கொடுத்து விட்டார்கள்.   மற்றகதாபாத்திரங்கள் படம்  கவின் வரைந்தது.  அவன்  நடத்திய பொம்மலாட்டத்தை பார்த்து கருத்து சொன்னால் மகிழ்வான் பேரன்.

குழந்தைகள் எல்லாம் மிக ஆர்வமாக பார்த்து மகிழ்ந்தனர்

 காட்சிகள் மாற்றும் போது அடுத்து என்ன என்று ஆவலுடன் பார்க்கிறார்கள்

எப்படி பார்க்கிறார்கள் பாருங்கள்

பெரியவர்களும் ரசித்துப்பார்க்கிறார்கள். நண்பர்களின் பெற்றோர்களும் வந்து பார்த்து பேரனை வாழ்த்தி சென்றார்கள்

பாபா வசித்த துவாரகாமயி

மகனின் நட்புகளில் சாய் பக்தர்கள் அதிகம். அவர்களுக்கு இந்த ஒலி- ஒளி காட்சி மிகவும் பிடித்து இருந்ததாம். மகனே செய்து இருக்கிறான். எரிந்து கொண்டே இருக்கும், நெருப்பு, அவர் படுக்க உயரத்தில்  கட்டப்பட்ட ஊஞ்சல் எல்லாம்  அப்படியே செய்து இருக்கிறான்.  துவாரகாமயி கட்டிடம் மகன் மரத்தில் செய்து இருக்கிறான். பொம்மைகள்  முன்பு டெல்லியில் வாங்கியது.

  

பக்தி,  தானம், சேவை அதில் உங்களால் 

எது முடியுமோ அதை கொடுங்கள் அன்பால் செய்யும் சேவையே சேவை.  சுயநலம் இல்லாமல் செய்யுங்கள்  என்று  சொல்லும்  அவர் பேச்சு இருக்கிறது.

மகன் செய்த ஒலி- ஒளி காட்சி  சோனி தொலைக்காட்சி தயார் செய்த "மேரே சாய் " நாடகத்திலிருந்து எடுக்கபட்ட வசனங்கள். இந்தி பேசுபவர்களுக்கு இந்திநாடக வசனம், தமிழ் தெரிந்தவர்களுக்கு தமிழ் நாடக வசனம் செய்து இருந்தான் மகன். 

மகனின் ஒலி- ஒளி காட்சியை விட  எல்லோருக்கும் கவின் செய்த பொம்மலாட்டத்தில்  கிருஷ்ணன் காளிங்கனுடன் சண்டை யிட்டு கிருஷ்ணன்  அதன் தலை மேல் நர்த்தனம் செய்த காட்சிதான்   பிடித்து இருக்கிறது. கைதட்டல் அதிகம்.

நிகழ்ச்சி நிறைவு பெற்றதும் கவினிடம் பேட்டி

 "எப்படி வரைந்தாய்,? எப்படி இப்படி பல குரலில் பேசினாய்? "என்று அவனை  கேட்டு கொண்டு இருந்தார்கள்.

பேரன் கவினோடும் கவின் வரைந்த கதாபாத்திரங்களுடன் மகிழ்ச்சியாக படம் எடுத்து கொள்கிறார்கள். 

தினம் பிரசாதங்கள் செய்ய மருமகளுக்கு  உதவியாக அவள் அம்மாவும் இருந்தார்கள்  .

பத்து நாட்களும் மகனும், மருமகளும்  வேலைக்கும் போய் கொண்டு விழாவையும் சிறப்பாக நடத்தி விட்டார்கள். இங்கு போல அங்கு விடுமுறை கிடையாது வேலைக்கும் போய் விட்டு மாலையில் பிரசாதங்கள் தயார் செய்து வந்தவர்கள்  அனைவருக்கும் கொடுத்தது மகிழ்ச்சி.

விடுமுறை நாளில் கொலுவிற்கு அழைத்த  அனைவர் வீட்டுக்கும் போய் வந்து இருக்கிறார்கள்.

நட்புகளை, உறவுகளை பார்த்து மகிழ பண்டிகைகள் உதவுகிறது. அதிலும் அவர் அவர்களுக்கு உள்ள திறமைகளை, கலைத் திறமைகளை   காட்ட நவராத்திரி விழா  உதவுகிறது.

இரண்டு வருடமாய் தொற்று பயத்தால் நவராத்திரி விழாவிற்கு யாரும் யாரையும் அழைக்கவில்லை, வீட்டுக்கு மட்டும் நவராத்திரி கொலுவை வைத்து கொண்டார்கள். இந்த ஆண்டு மீண்டும் அழைப்பு  . இறைவனுக்கு நன்றி.

எல்லோருக்கும் எல்லா நலங்களையும் தேவியர்கள் வழங்க வேண்டும்.

நண்பர்கள் வீட்டுக் கொலு அடுத்த பதிவில் பார்க்கலாம்.

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------