மேகமலை பகுதி- 4

மேகமலைக்கு பிப்ரவரி மாதம் 13ம் தேதி சென்று வந்தோம். 

தொடர் பதிவாக வந்து கொண்டு இருக்கிறது. 

மேகமலை -1

மேகமலை - 2

மேகமலை -3

மஹாராஜா மெட்டு என்ற இடத்திற்கு போகும் பாதை  இந்த இடத்திலிருந்து கம்பம் பள்ளத்தாக்கின்  அழகை பார்க்கலாம்.

தங்கி இருந்த இடத்திலிருந்து  நம்மை வண்டியில் அழைத்து செல்வார்கள் மலை மேல் போய் இயற்கை அழகை ரசிக்க.

அவர்கள் வண்டி வெளியே போய் இருந்ததால் எங்கள் வண்டியிலேயே போனோம். எங்கள் வண்டி பெரிய வண்டி என்பதால் கொஞ்சம் கவனமாக போக வேண்டி இருந்தது. பாதை குறுகியதாக இருந்தது வேலை வேறு நடந்து கொண்டு இருந்தது.

இந்த வண்டியில் தான் நாங்கள் பயணம் செய்தோம்.

 போகும் பாதையில் வாத்துக் கூட்டம் வண்டியைப் பார்த்ததும் குடு குடு என்று ஓட்டம் எடுத்தன.

மலை மேல் இருக்கும் கடை, கடை வாசலில் பஸ் நிறுத்தம் உண்டு.

காப்பியும், தேயிலையும்

வழியில் பார்த்த கோயில் பிள்ளையார் கோயிலாக இருக்கும் என்று நினைக்கிறேன்.

தேயிலை தோட்டத்தில் வேலை செய்பவர்கள்  வசிக்கும் வீடுகள்

தேயிலைத் தோட்டத்திற்கு மருந்து அடிக்கிறார்கள்

தேயிலை தோட்டத்தில்  தவழ்ந்து வரும் சினிமா பாடல்.   மலை மேல் ஏறிய போது கீழே  வைத்து இருந்த பாடல் மலை முழுவதும் கேட்டது. நான் காணொளி செய்த போது   பாடல் சத்தம் கொஞ்சமாய் கேட்குது. எந்த சினிமா  பாடல் என்று சொல்லுங்கள் கேட்டவர்கள்.

தேயிலை தோட்டத்தில் வேலை செய்பவர்களுக்கு ஞாயிறு விடுமுறை. மருந்து அடிக்கும் பணியாளர்கள் மட்டும்  இருந்தார்கள் பாடலை ரசித்து கேட்டுக் கொண்டு வேலை பார்க்கிறார்கள்.

சுவையான சுக்கு காப்பியும் கிடைக்கும். மருந்து அடிப்பவர் சுக்கு காப்பி குடிக்கிறார்.

நாங்கள் மலை மேல் ஏறி போய் இயற்கை அழகை ரசித்து வந்த பின் குடித்தோம். குளிருக்கும் இதமாய் , சுவையாய் நன்றாக இருந்தது.

மலை மேல் ஏறும் போது பேரன் கை பிடித்து கவனமாக அழைத்து சென்றான். பேரன் சபரி கைபிடித்து அழைத்து செல்ல காத்து இருக்கிறான். படங்கள் எடுக்கும் போது கவனமாக என்னைப் பார்த்துக் கொண்டான்.

அடுத்த பதிவில் மலை காட்சி பார்க்கலாம்.

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------