ஏரியும், அழகான வாத்துக்களும்

போன மாதம் ஒரு சனிக்கிழமை இந்த ஏரிக்கு மகள் அழைத்து போனாள்.  வீட்டிலிருந்து 25 நிமிட நேரத்தில்   போகும் தூரத்தில் இந்த அழகான ஏரி இருக்கிறது.

ஏரிக்கு போனது முதல்  எங்களை கவர்ந்து  விட்டது ஏரியில் ஒற்றை காலில் தவம் இருந்த இந்த வாத்து.

நீர் அருந்தும் போதும் ஒரு காலில் தான் நின்றது.

நாங்கள் வரும் வரை ஒற்றைக்கால் தவம்தான்

இந்த பறவையின் பேர் 

Canada goose. என்கிறார். 

பா.சதீஸ் முத்து கோபால்29 நவம்பர், 2021 அன்று பிற்பகல் 4:19

வணக்கம். அந்த பறவைகளின் பெயர் Canada goose.
என்னுடைய வலைப்பூவில் பறவைகள் பற்றி எழுதி வருகிறேன். நன்றி.

https://ivansatheesh.blogspot.com/

போவோமா ஊர்கோலம் !  என்ற  பதிவில் இந்த பறவைகளை ஒரு ஏரியில்  நீந்துவது, கரையேறுவது போட்ட பதிவுக்கு வந்து  சொல்லி இருந்தார்.  அவர் பதிவுகளை படித்தேன். மிக அருமையான பதிவுகள் நேரம் இருக்கும் போது போய் படிக்கலாம். பெங்களூர் வாசி இவர்.  2016 புத்தக திருவிழாவில் " சிறந்த சுற்றுச் சூழல் விருது"  வாங்கி இருக்கிறார். சுற்று சுற்றுச் சூழல் எழுத்தாளர்.

நீர் அலைகள் மிக அழகாய் இருக்கிறது. நாம் பள்ளியில் கடல் தண்ணீர் , குளம், ஏரி வரைந்தால்    நீர் நிலையை  நீல கலரில் இப்படி தான் அலை அலையாக வண்ணம் தீட்டி வரைவோம். 

அலைகள் இல்லாமல் தெளிந்த நீரில் அதன் பிம்பம் தெரிகிறது.

 

நீர் அருந்துகிறது

நீர் அருந்தி எழுந்து கொள்ளும் போது வாயிலிருந்து நீர் முத்துக்குள் விழுந்து  நீரில் வட்ட வரி அலை  உருவானது.

அலைகள் அடங்கி, தெளிவாக இருக்கும் போது தன் நிழலை பார்த்து மகிழ்கிறதோ! என்றும்,  அதற்காக ஒற்றைக் காலில் நீண்ட நேரம் தவம் செய்தது போல என்றும் எண்ணம் உதித்தது.

வாத்துக்கு கால் இருப்பதை தெரிந்து கொள்ள முடிந்த காணொளி. அங்கு வந்து இருந்த ஒரு குடும்பத்தினர் ஒலிக்க விட்டு இருந்த பாடல் இந்த காணொளிக்கு பின்னனியாக ஒலிக்கிறது. பாடலை மிக சத்தமாக வைத்து அதிர அடித்துக் கொண்டு இருந்தார்கள்.

ஒரே ஏரி இரு வண்ணங்களில்   தெரிகிறது. வானத்தின் நீலம் நீரில் தெரிகிறது, மரத்தின் பசுமை தெரிகிறது.

வெள்ளை வாத்து எப்போதும் மனதை கவரும்.

மரங்களிம் பசுமை நீரில் தெரிகிறது. இடை இடையே  வானத்தின் நீலம் தெரிகிறது.

தெளிந்த சுத்தமான ஏரி

குழந்தைகளின் உற்சாக குரலுக்கு அவர்களை நோக்கி விரைந்து வருகிறது.

தனிமையிலே இனிமை காண விரும்புகிறது.

 அழகான  மர ஊஞ்சல்  . ஊஞ்சலில் அமர்ந்து ஏரியின் அழகை ரசித்து கொண்டு இருக்கலாம்.

சில மரங்கள் நிறம் மாறி வருகிறது, சில மரங்கள் இலைகளை உதிர்த்து நிற்கிறது

மரங்களின் நிழல் ஏரியில் தெரிகிறது

ஏரியின் அழகும், ஒற்றைக்காலில் தவம் இருக்கும் வாத்தும். நான் எடுத்த சிறிய காணொளிதான் பார்க்கலாம்.

எதிர்த்த கரையில் இருக்கும் அழகிய மண்டபம்

மீன் பிடிக்க விசைபடகு . அது சூரிய ஒளியில் இயங்கும்  விசை படகு (சோலார் )

 ஏரியின் நடுவே பாட்டு கேட்டுக் கொண்டு இருவரும் உரையாடி கொண்டு மீன் பிடிக்கிறார்கள். கரை ஒரத்தில் ஒரு குடும்பம் மீன் பிடித்துக் கொண்டு இருந்தார்கள். பிடித்த மீனை கரி அடுப்பில் சமைத்து கொண்டு இருந்தார்கள். பாட்டை போட்டுக் கொண்டு உற்சாக குரல் எழுப்பி பேசி சிரித்து கொண்டு இருந்தார்கள். மூன்று நான்கு குடும்பம் சேர்ந்து வந்து இருந்தார்கள் . இந்த குடும்பங்கள் இல்லையென்றால்  இந்த இடம் மிக அமைதி தவழும் இடம். அலைகள் கரையில் மோதும் ஒலியும், பறவைகளின் சத்தம் மட்டுமே கேட்கும்.

ஒரு கார் நிறுத்தி கொள்ள 5 டாலர் கொடுக்க வேண்டும். காலை முதல் மாலை வரை இருக்கலாம்.  

நாங்கள் 1 மணி நேரம் இருந்தோம்.  மெல்லிய குளிரும் , காற்றும்,  காலை இளம் வெயிலும் நன்றாக இருந்தது.

வாழ்க வையகம் ! வாழ்க வையகம்! வாழ்க வளமுடன்!

----------------------------------------------------------------------------------------------------