ரோடு ரன்னர் பறவை (Roadrunner)

                                         ரோட் ரன்னர் பறவை

ரோட் ரன்னர் பற்றி முன்பு பதிவு போட்டு இருந்தேன். அந்த பதிவுக்கு வந்து பின்னூட்டம் போட்டவர்கள் எல்லாம். ஓடுவதை பார்த்தால் காணொளி எடுத்து போடுங்கள் என்று கேட்டு இருந்தீர்கள். அதனால் இந்த பதிவு.

இன்று வீட்டுக்கு முன் புறம் நடந்து கொண்டு இருந்தது. அதை காணொளி எடுத்தேன், ஓட்டம் போன்ற வேக நடை நடக்கிறது.

பழைய பதிவு ரோட் ரன்னர் பார்த்து இருப்பீர்கள் மீண்டும் பார்க்க வேண்டுமென்றால் பார்க்கலாம். தோட்டத்திற்கு வந்த புதிய பறவை என்று போட்டு இருப்பேன். இந்த பறவையை பற்றிய விவரங்களும் இருக்கும். மணிக்கு 40 கிலோ மீட்டர் வேகத்தில் நடக்க கூடியாது.

சின்ன காணொளிதான்

ஒரு வாரம் முன்பு மதில் மேல் ஓடிய போது மிக சிறிய காணொளி 

மதில் மேல் ஓடிய போது எடுத்த படம்

இங்கிருந்து  தெருவுக்கு குதித்து ஓடி விட்டது

இப்படித்தான் ஓடுது

ஓடும் போது படம் எடுத்தேன், சரியாக வரவில்லை

மகன் வீட்டுக்கு எதிர்பக்கம் கொஞ்சம் தூரமாக இருப்பதால் இவ்வளவுதான் காமிராவில் எடுக்க முடிகிறது.

மகன் வீட்டுக்கு எதிர்பக்கம் நின்றது. காலை  மருமகள் அலுவலகம் செல்லும் போது வழியனுப்ப வெளியே வந்த போது பார்த்தேன். அவசரமாக காமிராவை எடுத்துக் கொண்டு வந்து எடுத்த படங்கள். ஓரளவுதான் பார்க்கிற மாதிரி இருக்கும்.

 இன்று எடுத்த காணொளியில் .   வீட்டுக்கு வீடு குப்பை கூடை வைத்து இருந்தார்கள் அதன் பின் எல்லாம் மறைந்து கொண்டு வெளி வரும். கால்களை எட்டி போட்டு வேகமாக நடக்கிறது.

ஓடும் போது ஒரு காணொளி எடுத்தேன் அது சரியாக வரவில்லை. இந்த காணொளி சிறிது  ஆடுகிறது படம் எடுக்கும் போது  காமிராவை அசையாமல்  வைத்து கொள்ள வேண்டும். அப்போதுதான் காணொளி நன்றாக வரும். இன்னொரு முறை பார்த்தால் எடுக்கிறேன். போக போக கைவரும் என்று நினைக்கிறேன்.(நினைப்புதான் போக போக கை வருமாம் ! )

தோட்டத்து மதில் சுவரில் வந்து அமர்ந்த போது எடுத்த படம்

வெள்ளி, 25 ஜூன், 2021 ல்

 தோட்டத்திற்கு வந்த போது எடுத்த படங்கள் கடைசி இரண்டு படங்களும்.

வேறு பதிவில் பார்ப்போம்.

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------