பள்ளிக் குழந்தைகளின் சமூகத் திட்டப்பணிகள்

அரிசோனாவில் உள்ள பீனீக்ஸில் உள்ள   Burton Barr Library நூலகத்தில் ஒரு மாதத்திற்கு மேலாக தன்னார்வலர் பணி செய்தான். அவன் பள்ளியில் கொடுத்த சமூகத் திட்டபணிக்காக. அது நிறைவுக்கு வந்து நேற்று பள்ளியில் கண்காட்சிக்கு வைக்கப்பட்ட போது போய் பார்த்து வந்தோம். 

எட்டாவது படிக்கும் பசங்கள் மட்டும் செய்த பணி இது.

சின்ன வகுப்பிலிருந்து திட்டப்பணிகள் நிறைய செய்து இருந்தாலும் , சமூகத் திட்டப்பணி கடைசி வருடம் செய்து இருக்கிறார்கள்.

கல்லூரியில் கடைசி ஆண்டு திட்டப்பணி செய்வது போல பேரனும் செய்து இருக்கிறான். இந்த பள்ளியில் எட்டாம் வகுப்பு வரைதான் உள்ளது. 9ம் வகுப்புக்கு வேறு பள்ளி செல்ல வேண்டும்.

இந்த நூலகம் கவினுடன் போய் வந்தேன் , அந்த நூலகம் மிகவும் நன்றாக இருந்தது, அந்த நூலகம் படங்களை இன்னொரு பதிவில் போடுகிறேன். நல்ல பெரிய நூலகம்.

திட்டப்பணி விளக்க காட்சி அட்டை தயார் செய்து படங்களை ஒட்ட மட்டும்  மருமகள் உதவி செய்து இருக்கிறாள் , விஷயங்களை எழுதிதொகுத்தது அவன் மட்டுமே.  புத்தகப்படம் வரைந்து  தன் எண்ணங்களை வடிவமைத்தது எல்லாம் அவன் உழைப்பு. 

பள்ளிக்கு  கவின் செய்த சமூக திட்டபணி  நூலகத்தில் செய்த தன்னார்வலர் பணி பற்றியது.

பேரனுடன் நான் படம் எடுத்து கொண்டேன், அவன் தாத்தாவும் இருந்து இருந்தால் நன்றாக இருக்கும் என்ற நினைப்பு வந்தது , அந்த தருணத்தில்.

கவினின்  உயிர் நண்பன்.  அடுத்த பள்ளியில் 9 ம் வகுப்பிலும் சேர்ந்து படிக்கப்பபோகிறார்கள். நட்பு வாழ்க!

நூலகத்தில் புத்தங்களை வரிசைப்படுத்தி அடுக்கி வைத்ததை புத்தகவடிவில் படம் செய்து இருப்பதை அவன் ஆசிரியர்கள் பாராட்டினார்கள். தினம் 100 புத்தகங்கள் அதன் அதன் இடத்தில் வரிசை படித்தி அடுக்கி வைத்து வருவான்.

நூலகம்  பணி கொடுக்கப்பட்டது 15 மணி நேரம். ஆனால் நூலகத்தார் கேட்டுக் கொண்டது இந்த கோடைவிடுமுறை  காலம் வரை  வந்தால் நல்லது என்று. வேலையை நன்றாக செய்வதாக சொல்லி இந்த தன்னார்வலர் பணிக்கு ஆட்கள் பற்றவில்லை என்று சொல்லி இருக்கிறார்.  வருகிறேன் என்று கவின் சொல்லி இருக்கிறான்,மகன் அழைத்து போகவேண்டும்.

வாரத்தில் இரண்டு மணி நேரம் செவ்வாய்க்கிழமை  அழைத்து போய் வந்தான் மகன்.  அரைமணி தூரத்தில் இருக்கும் நூலகம்.

எல்லோரும் புத்தங்களை படிக்க வேண்டும், தினம் கொஞ்ச நேரம்  நல்ல புத்தகம் வாசிக்கும் பழக்கம்   வேண்டும். 

ஸ்கொட்லாந் பாரம்பரிய உடை அணிந்து இருக்கிறார் வரலாறு  வாத்தியார், அவருக்கு தன் பணியைப்பற்றி விளக்கிச் சொல்கிறான்.  

 வாத்தியார் அவனிடம்  அவன் செய்த விவரங்களை கேட்டு அவனுக்கு  தன் கருத்தை பதிகிறார்.

புற்று நோய் விழிப்புணர்வு பணி

உணவு கொடுக்க முன் வருபவர்களிடம்  பெற்று சேமித்து வைத்து  வீடு  இல்லாதவர்களுக்கு உணவு அளிக்கும் வேலை.

//1960-களின் இறுதியில், அரிசோனா மாநில போனிக்ஸ் நகரில் வாழ்ந்த ஜான் வான் ஹெங்கேல் என்னும் ஓய்வுபெற்ற தொழிலதிபர், அருகிலிருந்த  சிற்றுணவகத்தில்  (soup kitchen) தன்னார்வராக வேலையில் சேர்ந்தார்.  முழு ஈடுபாட்டுடன் உணவகத்துக்காக  உணவுப் பொருள்   நன்கொடை வசூலில் இறங்கிய அவரால்  அந்த கிச்சனின் தேவைக்கு மேல் உணவு சேகரிக்க முடிந்தது. தொடர்ந்து அவர்  மளிகைக் கடைகளிலும், உள்ளூர் வயல்களிலும் விரும்பப்படாத உணவுப் பொருட்களைக் கேட்டு வாங்கி இறுதியில் உருவாக்கிய புனித மேரி உணவு வங்கிதான் அமெரிக்காவின் முதல் உணவு வங்கி.  பின்னர் உணவு வங்கிகள்  பெருகி, அமெரிக்காவுக்கு உணவளிப்பு (Feeding America ) என்ற புது அடையாளம் பெற்று, 200 க்கும் அதிகமான உணவு வங்கிகள் இணைந்த நாடு தழுவிய பிணையமாக வளர்ந்து, உணவு வங்கிகளை  சார்ந்துள்ள பொட்டண உணவறைகள்  (food pantries), சிற்றுணவகம் (soup kitchens),  மற்றும் பிற சமுதாய முகமைகள் வழியாக 46 மில்லியன் மக்களுக்கு உணவளிக்கக் கூடிய லாப  நோக்கில்லா பசியாற்று (hunger relief) நிறுவனமாக வளர்ந்திருக்கிறது. இது வருவாய் நோக்கில் அமெரிக்கத்  தொண்டு நிறுவனங்களில் இரண்டாமிடம் வகிப்பதாக  ஃபோர்ப்ஸ் கம்பெனியின் மதிப்பீடு கூறுகிறது.// 

மேலும்  செய்திகள்  அறிந்து கொள்ள  - நன்றி.

ஒரு நாளில் உணவு நன்கொடைக்கு வருவார்கள்,  நாம்  வீட்டு வாசலில்  வைத்து விட்டால் எடுத்து போவார்கள். இது போன்ற வங்கிகளிலும் கொண்டு போய் கொடுக்கலாம்.

கவினும் , மற்றும் ஒரு மூன்று மாணவர்களை தவிர  மற்ற குழந்தைகள்  தாங்கள் இருக்கும் பகுதி,  தெரு, ஊர், சுற்றுலா செல்லும் இடங்கள் ஆகிய இடங்களை சுத்தபடுத்திய  தன்னார்வலர் பணியைப்பற்றி விளக்கம் கொடுத்து இருந்தார்கள்.   நன்றாக கவனத்துடன்   சிறப்பாக  எல்லாம் செய்து இருந்ததை பாராட்ட வேண்டும்.

கவின் நண்பன் செய்த  திட்டப்பணி

தன் பணியைப்பற்றி சொல்கிறான்.

மேலும் கவின் பள்ளியில்  மதியம் நடந்த நிகழச்சிகள் அடுத்த பதிவில்.

குழந்தைகள் எல்லாம் தங்கள் முயற்சி, மற்றும் பெற்றோர்களின் ஒத்துழைப்பு ஆசிரியர்களின் ஊக்கத்தால் அவர்கள் எடுத்துக் கொண்ட திட்டப்பணியை சிறப்பாக செய்து விட்டார்கள்.

அனைத்து  குழந்தைகளும்  தாங்கள் படைப்பாற்றலை , மற்றும் தனித்துவத்தை வெளிப்படுத்த கிடைத்தை வாய்ப்பை  பயன் படுத்தி கொண்டார்கள். எந்த வேலை செய்தாலும்  தன்னம்பிக்கை விடா முயற்சியுடன் செய்தால் வாழ்வில் வெற்றிப்பெறுவோம் என்ற அனுபவமும் அவர்களுக்கு கிடைத்து இருக்கும்.

வாழ்க வைய்கம்! வாழ்க  வையகம் ! வாழ்க வளமுடன்!.

--------------------------------------------------------------------------------------------------