கோடை விடுமுறை

மீசைக்காரர்

கோடை விடுமுறை முடிந்து குழந்தைகளுக்கு பள்ளி ஆரம்பிக்க போகிறது.  இப்போது கோடைக்கால விடுமுறையில் தங்கை வீட்டுக்கு வந்த அவள் பேரக்குழந்தைகள் நாம் சிறுவயதில்  ஆசைபட்டு சுவைத்த ஜவ் மிட்டாய் , தேன் மிட்டாய், கமர்கட் .  வித விதமான ஐஸ்கள் எல்லாம் வாங்கி மகிழ்ந்தார்கள். நான் தங்கைவீட்டுக்கு போன போது  பேரக்குழந்தைகள் ஜவ் மிட்டாய் வாங்கியதை சொன்னார்கள், போட்டோ எடுத்தீர்களா? என்று கேட்டவுடன்  எனக்கு பிடிக்குமே என்று என் தங்கை மகள் இந்த படங்களை அனுப்பி வைத்தாள்.

ஆண் பிள்ளைகள் மீசை  வைத்து கொள்வதும், வாட்ச் கட்டிக் கொள்ள ஆசைபடுவார்கள்.

பெண் குழந்தைகள் வளையல், கழுத்தில் நெக்லெஸ் போட்டு கொள்வார்கள். தங்கை பேத்தி ரயில் கட்டி கொண்டாள் கையில்

பட உதவி- கூகுள்

பட உதவி - கூகுள்

சிறு வயதில் இவையெல்லாம் சுவைத்த நினைவுகள் வந்து விட்டது. இப்போது கமர்கட் தங்கைவீட்டில் கொடுத்தாள் , சாப்பிட முடியவில்லை. ஆரஞ்சு மிட்டாய் நாக்கை புண்ணாக்கி விடுகிறது. தேன் மிட்டாய் சாப்பிடலாம். குழந்தைகளுடன் நானும் சுவைத்து மகிழ்ந்தேன். தங்கை வீட்டுக்கு போன போது.

குழந்தைகளுக்கு அப்பா, அம்மாவை விட  தாத்தா பாட்டி  எதை கேட்டாலும் வாங்கி தருவார்கள் என்ற எண்ணம். அது போல தாத்தா  வாங்கி கொடுத்து கொண்டே இருந்தார்கள். அங்கே இங்கே என்று அழைத்து சென்றார்கள். கொஞ்ச நேரத்திற்கு ஒரு தரம் தாத்தா, பாட்டியிடம் ஏதாவது கேட்டுக் கொண்டே இருந்தார்கள்  மகிழ்ச்சியாக இருந்தது.

அடுத்த விடுமுறைக்கு பேரன் பேத்திகள் வரும் வரை மகிழ்வான நினைவுகள் அவர்களுக்கு இருக்கும்.

தாத்தா வீட்டுக்கு போக என் குழந்தைகளும் எப்போது விடுமுறை வரும் என்று காத்து இருப்பார்கள். இருபக்க உறவுகள் வீடுகளுக்கும் போய் வந்த காலங்கள் வசந்த காலங்கள். நினைவுகள் இனிமையானவை.

தாத்தாவீட்டில் குழந்தைகள் தாயம் விளையாடி மகிழ்ந்தார்கள். 

தங்கை வீட்டுக்கு பக்கம் வெள்ளாடு கொண்டு வந்து பால் கறந்து விற்கிறார்கள் என்றாள், நான் பார்த்ததே இல்லை என்றேன். மறு நாள் பக்கத்து வீட்டில் உள்ளவர்கள் வாங்கியதை வீடியோ  எடுத்து அனுப்பினாள். 

காந்தி தாத்தா ஆட்டுப்பால்  குடித்து ஆரோக்கியமாக நடந்தார் என்பார்கள். அது போல தாய்பாலுக்கு இணையாக ஆட்டுப்பாலில் சக்திகள் இருக்காம். நோய் தடுப்பு சக்தி  இருக்கிறது என்று ஆட்டுப்பால் குழந்தைகளுக்கு கொடுக்கிறார்கள். நோய் எதிர்ப்பு சக்தி உள்ளதாம்.  நிறைய மருத்துவ பயன்கள் உள்ளதாம். 

தாத்தா , பாட்டிக்கு வீட்டுக்கு   வந்த குழந்தைகளுக்கு நல்ல அனுபவங்கள் கிடைத்து இருக்கிறது.

தங்கை  வீட்டு பக்கம் வெயிலுக்கு  மண்ஜாடியில்  தண்ணீர் வைத்து இருந்தார்கள், அவ் வழியில் நடந்து செல்பவர்கள்  தாகத்தை போக்க.  

பேரன் கவின் 

தன் பாட்டி, அம்மாவுடன்

பேரனுக்கும் இப்போது விடுமுறை , சுற்றுலா சென்று வந்தான், அந்தக்கால மன்னர்கள்  தங்கும் கூடாரம் போல சகல வசதிகளும் உள்ள கூடாரத்தில் ஒரு நாள் தங்கி பக்கத்தில் உள்ள இடங்களை சுற்றிப்பார்த்து வந்து இருக்கிறான், தன் பாட்டி அப்பா, அம்மாவுடன். சிறிய ரயில் பயணமும் செய்து வந்து இருக்கிறான். இளமை பருவம் கோடை விடுமுறையை எதிர்பார்த்து இருந்த காலங்கள், உறவினர் வீடுகள், தாத்தா, பாட்டி வீடு போய் வந்த இனிமையான நினைவுகள் எல்லோருக்கும் வந்து  இருக்கும்.

ஸ்ரீராமுக்கு நினைவுக்கு வந்த பாடல் பகிர்வு.

இன்று மகனுக்கு திருமண நாள்  வாழ்த்துங்கள் நட்புகளே!

வாழ்க வையகம்! வாழ்க வையகம்! வாழ்க வளமுடன்!

------------------------------------------------------------------------------------------------