திருநீலகண்டேசுவரர் திருக்கோவில் - குன்றத்தூர்

குன்றத்தூர் கோவில் -  நிறைவுப் பகுதி.

குன்றத்தூர் உதயகிரீசுவரர் கோவில்

குன்றத்தூர் அஸ்தகிரீசுவரர் கோவில்

பழைய பதிவுகள் படிக்க வேண்டும் என்றால் படிக்கலாம்.

மதுரையிலிருந்து  சிவகங்கை செல்லும் சாலையில் 25  கி.மீ தூரத்தில் இருக்கிறது.

அஸ்தகிரீசுவரர்  கோவிலிருந்து   1. கி.மீ தூரத்தில் இருக்கிறது திருநீலகண்டேசுவரர் கோவில்.  மலைப்பாதையில் ஏறிப் போனால் சிறிது தூரத்தில் கொஞ்சம் படிகள் சிமெண்டில் கட்டி இருக்கிறார்கள்.

முந்தின பதிவில் சொன்ன வக்கீல்கள் அவர்கள் குடும்பத்தினர்களுடன் அங்கு இருந்தார்கள்.

"நீங்கள் யார் சொல்லி வந்தீர்கள்?" என்று எங்களிடம் கேட்டார்கள். "யார் சொல்லியும் வரவில்லை, கணினியில் பார்த்துப் பார்க்க வந்தோம் " என்றவுடன் இந்த மாதிரி இடங்களுக்குத் தனியாகவா என்று ஆச்சரியப் பட்டார்கள்.  அங்கு இருக்கும் அமைதிக்கு ஆள் அரவம் இல்லாமல் இருப்பதற்கு, அவர்களைப்போல் போல் கூட்டமாய் வந்தால் தான் நன்றாக இருக்கும், பாதுகாப்பும் கூட.

பெரிய பாறையை கிரானைட்டுக்காக வெட்டி எடுத்து  விட்டதால் இரு பக்கமும் அகழியும் நடுவில் வழித்தடமும் போல் இருக்கிறது.

வழித்தடத்தைக் கடந்து வந்தால் பாறைகளுக்கு நடுவில் அழகான தாமரைக் குளம்.

தாமரைகள் மலர்ந்து மகிழ்ச்சியாக  வரவேற்றது

மழைத் தண்ணீர் சிறிய ஆறு போல்

மலை வெட்டப்படுவது தடை செய்யபட்டதால்  மலைகளுக்கு நடுவில் ஆறு வளைந்து சென்றது போல் காட்சி அளிக்கிறது இதிலும் தண்ணீர் இருந்து இருந்தால் பார்க்க மிகவும் அழகாய் இருக்கும்.

இது அழகாய் இருக்கிறது தானே?

தாமரைக் குளத்தைத் தாண்டிப் போனால் கொஞ்சம் சிமெண்ட் படி இருக்கிறது

 கோவிலுக்கு போகும் பாதையின்  இரு மருங்கிலும் எலுமிச்சம்புற்கள் வளர்ந்து இருக்கிறது.

கல்லாலான  தொட்டி - பக்கவாட்டில் சிறிய ஓட்டை வேறு இருக்கிறது 

பெரிய பாறையை ஒட்டி கட்டுமானம் பாதியில் நிற்கிறது.

என்ன துவாரம் என்று தெரியவில்லை ஏதாவது சிலை வைக்க ஏற்பாடு ஆகி இருக்குமோ தெரியவில்லை

கோவில் வெளி வாசல் இரு புறமும் திண்ணை கட்டி இருக்கிறார்கள்.

இவர்கள் தான் புதிதாக கட்ட உதவியவர்கள் 

வலஞ்சுழி விநாயகர் - கைவிரல்கள் எல்லாம் அழகாய்த் தெரிகிறது 

முருகர்

திருநீலகண்டேசுவரர்

துவாரபாலகர் வித்தியசமாய் இருக்கிறார், காலில் வெட்டுப்பட்டு இருக்கிறது,   

வித்தியாசமான துவார பாலகர்

நந்தியும் வேறுபாடாய்த் தெரிகிறார்

                                                            காமாட்சி அம்மன்


வேப்பமரத்தின் அடியில் நாகங்கள் மஞ்சள்  பூசி, பொட்டு வைத்து இருக்கிறது . கிராமத்து மக்கள் வருவார்கள் என்று தெரிகிறது.

சப்த கன்னிகள்

காலை உணவு கையில் கொண்டு வந்து இருந்தார்கள்,பொங்கல், வடை, கேசரி, இட்லி  கொண்டு வந்து இருந்தார்கள். எங்களைச்  சாப்பிடச் சொன்னார்கள். நாங்கள் ஞாயிறு காலையில் எப்போதும் விரதம் -.சாப்பிடுவது இல்லை, மிகவும் அன்புடன்  கேட்டுக் கொண்டதால்   மதியம் சாப்பிடுகிறோம் என்று  வாங்கிக் கொண்டோம் .

 சாப்பிட்டு முடித்தவுடன் வந்த இடத்தின் வரலாற்றைப் பற்றிப் பேசுவார்களாம்,  அடுத்துப் போவதைப் பற்றியும் பேசுவார்களாம். இருக்க ச்சொன்னார்கள் ஆனால் வீட்டுக்கு விருந்தினர் வருவதாய் போன் வந்ததால் அவர்களிடம் விடைபெற்று வந்தோம்.  அவர்கள் மெயில் முகவரி, எல்லாம் கொடுத்தார்கள். வீடு மாற்றத்தில் எங்கோ   தொலைந்து விட்டது.

அவர்களிடம் விடை பெற்று அமைதியான  அழகான மூன்று கோவில்கள் தரிசனம்   செய்து வந்தோம்.

தொடர் பயணத்தில் தொடர்ந்து வந்த அனைவருக்கும் நன்றி.

                                                            வாழ்க வளமுடன்

அஸ்தகிரீசுவரர் கோயில் - குன்றத்தூர்

மலைக்குகைக்குச் செல்லும் பாதை

ஜூலை 1ம் தேதி  குன்றத்தூர் உதயகிரீசுவரர் கோயில்  பகுதியின்  தொடர் பகுதி - குன்றத்தூர் உதயகிரீசுவரர் அருகில் உள்ள சமணக் குகைக் கோயிலில் உள் இருக்கும்தெய்வங்கள்.

"சிவலிங்கத்திற்கு பூஜை செய்யுங்கள் சார்" என்று தீபத் தட்டைக் கொடுத்தார் , உள்ளே இருட்டு -தீபஓளியில் சிவன் அழகாய் தரிசனம் தந்தார் வெண்பட்டில்.

பைரவர்

பைரவருக்கும் பூஜை செய்யச்  சொன்னார் குருக்கள்

முருகன்

சித்தர்

அடுத்து அஸ்தகிரீசுவரர் கோயிலுக்கு எங்களை அழைத்துப் போனார் குருக்கள்.  கொஞ்ச தூரம் பயணிக்க வேண்டும்  குகைக் கோயிலுக்கு ப்பின்புறம் இருக்கிறது  அஸ்தகிரீசுவரர் கோயில் .  

போகும் பாதையோரம் தாமரைக்குளம்

கிராம காவல் தெய்வங்கள்

பொன் ஊர்காவலன் சுவாமி

சப்த கன்னியர்கள்

அஸ்தகிரீசுவரர்

அழகிய நந்தி 

குருக்கள் எங்களுடன். காரில் வந்தார் அடுத்த கோவில் காட்ட.

அது மலைமேல் அமைந்துள்ளது, இரண்டு பக்கமும் மலைகளை வெட்டி எடுத்து விட்டதால்   கிடங்கு போல் காட்சி அளித்தது அதில் மழைத் தண்ணீர்  சின்ன ஏரி போல் காட்சி அளித்தது.  மலைக் குகை அருகில் தாமரைக்குளம் அழகாய் காட்சி அளித்தது. இவை எல்லாம் அடுத்த பதிவில்.

அங்கு  உதயகிரீசுவரர் கோவிலில் பார்த்த அன்பர்களை மீண்டும் பார்த்தோம் அவர்கள் யார் என்று அறிமுகபடுத்திக் கொண்டார்கள். மதுரையை சேர்ந்த வக்கீல்கள்.  அவர் அவர் குடும்பத்தினருடன் வந்து இருந்தார்கள்.

அவர்களும் பசுமை நடை போல் ஒரு இயக்கம் நடத்திக் கொண்டு இருக்கிறார்கள். முக்கியமான சமணகுகைகள், படுக்கைகள் உள்ள இடங்களை   ஆவணப்படுத்திக் கொண்டு இருக்கிறோம் என்றார்கள்.

வாழ்க வளமுடன்.

குன்றத்தூர் உதயகிரீசுவரர் கோயில்

மதுரையிலிருந்து சிவகங்கை சாலையில்  25 கி.மீ தூரத்தில்  இருக்கிறது குன்றத்தூர். போன வருடம் (2016) போய் இருந்தோம்.  தொல்லியல் துறை பொறுப்பில் உள்ளது. குன்றத்தூர்  உதயகிரீசுவரர் கோவில் அருகில்   உள்ள மலைக்குகைகுள் இருக்கும்  பைரவர் பற்றிக் கேள்விப்பட்டு  தேய்பிறை அஷ்டமிக்கு பைரவர் தரிசனம் செய்யலாம் என்று போனோம்.  அங்கு சமணப்படுக்கையும்,  பிராமிக் கல்வெட்டுக்கள், முருகன் கோவிலும் இருக்கிறது.

நாங்கள் போன போது  நிறைய கூட்டம் வந்து இருந்தது , எல்லோரும் மதுரையிலிருந்து ஒரு  குழுவாய்  சேர்ந்து வந்து இருந்தார்கள்.

இக் கோவிலைப்பற்றி  மேலும் விவரம் தெரிந்து கொள்ள டாக்டர் சுபாஷினி அவர்களின் காணொளியைப்  பார்க்கலாம்.(Dr.K. Subashini)

கிழக்குத் திசை நோக்கி இருக்கும் சிவன்- வாயிலில் துவாரபாலகர்கள் 

நந்தி பிற்காலத்தில் வைக்கப்பட்டு இருக்கிறது என்கிறார்கள்.. தூணில் தாமரைப் பூ விரிந்த நிலையில் இருக்கிறது.

இவர்தான் இந்த கோவில்களைப் பார்த்து கொள்கிறார், மேலே இருப்பவர்களைப் பற்றி கடைசிக்கோவில் போகும்போதுதான் கேட்டுத் தெரிந்து கொண்டோம்.

சதுர வடிவ ஆவுடையாருடன்   சிவலிங்கம்

இரண்டு கைகளுடன் நின்ற நிலையில் விநாயகர் சிலை -முற்றுபெறவில்லை

பக்கத்தில் இயற்கை சுனை நீர்

சமணக்குகை செல்லும் பாதை

உள்ளே சமணப்படுக்கை

மலைக் குகைக்குள்

கீழே குனிந்து போக வேண்டும்

சமணப்படுக்கைகளில் இப்போது சாமான்கள் வைக்கப்பட்டுள்ளன.

கோவர்த்தனகிரியைக் குடையாகப் பிடித்த கோபாலன் போல் என்னவர்

நாங்கள் அமர்ந்து இருக்கும் இடத்தில் ஆடுபுலி ஆட்டம், பாதங்கள் எல்லாம் வரையப்பட்டு இருக்கிறது.

மலைக்குகைகுள், பைரவர், முருகன், பெருமாள், சிவன் எல்லோரும் இருக்கிறார்கள்

இந்தக் கோவிலுக்கு வரும் பாதையில் அழகான மரக் குகை  போன்ற தோற்றம் அளிக்கும் மரக்கூடாரம்.

மலைக்குகைக்குள் இருக்கும் தெய்வங்கள்  பற்றி அடுத்த பதிவில்.
                                                           வாழ்க வளமுடன்!