சூரிய அஸ்தமன பள்ளம் எரிமலை (Sunset Crater volcano ) தேசிய பூங்கா

 சூரிய அஸ்தமன பள்ளம்  எரிமலை பார்வையாளர் மையம்

இந்த இடம் கொகோனினோ கவுண்டி என்று அழைக்கப்படும்  அரிசோனாவின் ஃபிளாக்ஸ்டாஃபிற்கு வடக்கே 15 மைல் (24 கிமீ) தொலைவில் உள்ளது இந்த  பூங்கா.

1000 வருடங்களுக்கு முன்   எரிமலை வெடித்த அந்த வெடிப்பை காணவும், அதை நினைவில் கொள்ளவும் மக்கள் வந்து போகிறார்கள். ஜூலை மாதம் மகன்  அழைத்து போனான்.

அங்கு எடுக்கப்பட்ட படங்களும், இணையம் மூலம் அறிந்து கொண்ட செய்திகளும் இடம் பெறுகிறது இந்த பதிவில்.

சன்செட் க்ரேட்டர் என்பது அமெரிக்க மாநிலமான அரிசோனாவில் ஃபிளாக்ஸ்டாஃப்பின் வடக்கே அமைந்துள்ள ஒரு சிண்டர் கூம்பு ஆகும். இந்த பள்ளம்  எரிமலை தேசிய நினைவுச்சின்னமாக போற்றி பாதுகாக்கப்படுகிறது.

 மேலே போய் எரிமலை துவாரத்தைப்பார்க்க   தடை விதித்து உள்ளது .

இயற்கையின் மிருகத்தனமான சக்திகளின் அழகான ஆனால் வினோதமான நினைவூட்டல்கள் என்ற வாசகத்தோடு   இணையத்தில் பகிர்ந்து இருந்த படம்.  பகிர்ந்தவர்களுக்கு நன்றி.

பூங்காவின்  நுழைவாயிலுக்கு அருகில் பார்வையாளர் மையம் அமைந்துள்ளது. 

உள்ளே பார்த்த பழங்குடி மக்களின் கைவினை  பொருட்களில் என்னை கவர்ந்த கிலு கிலுப்பை. ஆடைகள், தொப்பிகள், குளிர் கண்ணாடி, தணணீர் பாட்டில் விற்கப்படுகிறது.

உள்ளே காணொளியாக எரிமலை பற்றிய படம் ஓடி கொண்டு இருக்கிறது அமர்ந்து பார்க்க ஆசனங்கள் உள்ளது. நாங்கள் போகிற போக்கில் படங்களை எடுத்து வாசித்து விட்டு வெளியே வந்தோம்.

ஏப்ரல் 2022 இல், சுரங்கப்பாதை தீ நினைவுச்சின்னம் முழுவதும் எரிந்தது, இருப்பினும் பார்வையாளர் மையம் காப்பாற்றப்பட்டது.[15][16] டிசம்பர் 2022 இல், பார்வையாளர் மையம் மற்றும் நிர்வாக வசதிகள் உட்பட 98 ஏக்கர் கொக்கோனினோ தேசிய வனத்திலிருந்து தேசிய நினைவுச்சின்னத்திற்கு மாற்றப்பட்டது

 

ஜூன் 5, 2015 அன்று, செயற்கைக்கோள் படங்களைக் கொண்ட இணையதளம், பள்ளத்தில் இருந்து நீராவி எழுவதாகப் புகாரளித்தது, இது சூரிய அஸ்தமனப் பள்ளம் வெடிக்கிறது என்ற அச்சத்தை ஏற்படுத்தியது. நீராவிக்கான காரணம் பின்னர் காட்டுத் தீ என்று தீர்மானிக்கப்பட்டது, மேலும் புவியியலாளர்கள் எரிமலை அழிந்துவிட்டதாகக் கூறினர்.

உறங்கி கொண்டு இருக்கும் எரிமலை மகன் எடுத்த படம்

எரிமலை குழம்புகள் பாறைகளாக இறுகி போய் இருப்பது

கறுப்பு கலர் மண்

ஒவ்வொரு இடத்திலும் இப்படி குகை போன்ற அமைப்புகள் இருந்தன

ஆயிரம் ஆண்டுகளுக்கு முன்  எரிமலை வெடித்து  இங்கு வாழ்ந்த மக்களின் நிலபரப்பையும், வாழ்க்கையையும் மாற்றியது. லாவா ஓட்டம் அங்கு நடத்தற்கு சாட்சியாக  நிலத்தில் உள்ளது.  எரிமலை குழம்பு கல்லாகி இறுகி பாறை போல கிடக்கிறது.  ஆயிரம் ஆண்டுகளுக்கு பிறகு மரங்களும் , பூச்செடிகளும்  , பாறைகளுக்கு இடையில் வளர்கின்றன

லாவா ஓட்டம் ஒரு கனவு போல நிலத்தில் உள்ளது, பாறையின் அதிசய பூமி. ஆயிரம் ஆண்டுகளுக்கு முன்பு நிலம் கிழிந்து, வானத்தில் எரிமலை வெடித்து, இங்கு வாழ்ந்த மக்களின் நிலப்பரப்பையும் வாழ்க்கையையும் என்றென்றும் மாற்றியது. ஆயிரம் ஆண்டுகளுக்குப் பிறகு, மரங்களும் பூக்களும் பாறைகளுக்கு இடையில் வளர்கின்றன.  

முற்றிலும் அழிந்த போதிலும் அதன் மிச்சங்கள் காட்சியாக இருப்பத்தை பார்க்க போனோம். 

பேரன் கைபிடித்து அழைத்து செல்கிறான், வெயில் தாக்கம் அதிகம் என்பதால்  நம்மை பாதுகாத்து கொள்ள தொப்பி, குளிர் கண்ணாடி அணிந்து போக வேண்டும் , உடம்புக்கு வெயிலில் இருந்து காப்பற்றிக் கொள்ள சூரிய பாதுகாப்பு காரணிகளை தடவி கொள்ள வேண்டும். மருமகள் அதை என் உடம்பில் தெளித்து விட்டாள்.  

எரிமலை குழப்புகளுக்கு நடுவில் செல்லப்போகிறோம்

"தரையை பார்த்து வா ஆச்சி" என்றான் பேரன்

 எங்களை  முன்னே போன மகன் தன் கைபேசி மூலம் எடுத்த படங்கள்.

இன்னும் கொஞ்ச துரம் தான் அப்புறம் திரும்பி விடுங்கள் என்று மகன் சொல்லி விட்டான்.அப்புறம் பாதை சரியில்லை என்று சொல்லி விட்டதால் அங்கேயே சில படங்கள் எடுத்துக் கொண்டோம். 

அங்கு பார்த்த சிறு  செடியில் மஞ்சள் மலர் . மலரில்   சிறிய  சிவப்பு  வண்ணத்துப்பூச்சி

தேன் உண்ணும் பூச்சி

பைன் மரங்களின் காய்கள் கீழே உதிர்ந்து கிடக்கிறது

நான் பேரனை படம் எடுத்தேன், பேரன் என்னை படம் எடுத்தான்.

"கொஞ்சம் என்னை பாருங்க " என்றான் மகன்

மீண்டும் மேலே  ஏறஆரம்பித்து விட்டோம்.

https://www.youtube.com/watch?v=r73Fe2sIzoI&t=13s

மகன் எடுத்த  சிறிய  காணொளி பார்த்து விட்டு எப்படி இருக்கிறது என்று சொல்லுங்கள்.

அடுத்த பதிவிலும் இந்த இடத்தில் எடுத்த படங்கள் வரும்.

வாழ்க வையகம்! வாழ்க வையகம்! வாழ்க வளமுடன்!

--------------------------------------------------------------------------------------------------