பூங்காவில் நடைபயிற்சியும், வளர்ப்பு செல்லங்களும்

ஜூலை 26 ஆம் தேதி வெள்ளிக்கிழமை மாலை அரிசோனாவிற்கு அருகில் இருக்கும்    ஃ பிளாக்ஸ்டாப்  என்ற இடத்தில் அமைந்துள்ள   "எருமை பூங்காவிற்கு" அழைத்து சென்றான் மகன். 

முன்பு போட்ட Buffalo Park Flagstaff, 

இந்த பதிவில் நடைபயிற்சிக்கு வருபவர்கள் அவர்கள் அன்பாக வளர்க்கு தங்கள் வளர்ப்பு செல்லங்களுடன் நடைபயிற்சி செய்தார்கள், செல்லங்களுடன் ஓடினார்கள். செல்ல பிராணியாக    நாய் தான் அனைவராலும் விருப்பமாக வளர்க்கப்படுகிறது.

அவை இந்த பதிவில் இடம்பெறுகிறது.

பரந்து விரிந்து இருக்கும்   இந்த பூங்காவிற்கு மக்கள் உடற்பயிற்சி செய்ய,  மலைச்சிகரங்களில் மலையேற்றம் செய்ய  வருகிறார்கள்.

சைக்கிளில் வலம் வருகிறார்கள், நடக்க முடியாதவர்கள் சக்கர நாற்காலியை அவர்களே ஓட்டிக் கொண்டு வலம் வருகிறார்கள். குடும்பத்தோடு மாலை நேரம் வந்து  மகிழ்ச்சியாக பொழுது போக்கி செல்கிறார்கள்.

அங்குள்ள மக்களுக்கு குடும்பம் என்றால் அவர்கள் வளர்க்கும் வளர்ப்பு செல்லங்களும் அடக்கம் அவை இல்லாமல் வெளியில் வருவது இல்லை. இரவு 12  மணி வரை நேரம்  திறந்து இருக்கும் பூங்கா.

செல்லத்தோடும் அன்பு துணையோடும் மகிழ்வாய்

செல்லத்தோடு வேக வேக நடை

தன் குட்டிக் குழந்தை நடப்பதை மகிழ்வுடன் படம் பிடிக்கும் தாய்.

இன்னொரு மகன் பாறையில் படுத்து அம்மாவை அழைத்தான்

குடும்பமே ரசிக்கும் செல்லங்கள்

மாலை மயங்கும் நேரம்  செல்லங்களோடு  நடை

செல்ல மகன் குடையோடு பின்னால், வளர்ப்பு செல்லம் முன்னே!

மழை நின்று விட்டாலும் உற்சாகமாக குடை பிடித்து போகும் சிறுவன்.

நடந்து வந்ததை பாராட்டி அதற்கு  பையிலிருந்து உணவு எடுக்கும் அம்மா

மனிதர்களை காக்கும் நாய்கள்  மனிதர்களை தாக்கும் நாய்களாக மாற நிறைய காரணங்கள் இருப்பதாய் சொல்கிறார்கள்.

வீட்டில் நாய் வளர்க்கபிரியபடுபவர்கள் கவனத்திற்கு

இணையத்தில் படித்த செய்தி பகிர்வு.

//மனிதர்களைப் போல நாய்களால்  தங்களுக்கு ஏற்பட்டுள்ள பாதிப்புகள் மற்றும் தொந்தரவுகளை வாய்விட்டுச் சொல்ல முடியாவிட்டாலும் , குறிப்பால் உணர்த்த முடியும்

சொல்லம்ப்போனால், மனித உடல் மொழிக்கும், நாய்களின் உடல் மொழிக்கும் பெரிய வித்தியாசம் இல்லை //

என்று கூறுகிறார் நாய்கள் நடத்தையியல் நிபுணரான ஸ்ரீதேவி.

அப்படி ஒரு நாய் ஏதோவொரு காரணத்தால் பாதிக்கப்பட்டுள்ளது என்றால் கீழ்காணும் அறிகுறிகளைக் கொண்டு முன்னதாகவே தெரிந்து கொள்ளலாம் என்று கூருகிறார் ஸ்ரீதேவி

எப்போதும் பதற்றமாக இருக்கும்

நடுக்கம்

பிறர் தொடுதலை விரும்பாது

அருகில் செல்லும் போது கோவமாகச் சத்தமிடுதல்

அந்த அறிகுறிகளைக் கவனிக்காமல் மேன்மேலும் அதைத் தொந்திரவு செய்தால்  தன்னை வளர்க்கும் உரிமையாளரைக்கூட  கடிக்கும் நிலைக்கு அது செல்லலாம்.

இப்படியான நாய்களுக்கு அதன் நிலையின்  தீவிரத்தைப் பொறுத்து  மருத்துவ ஆலோசனைப்படி சிகிட்சை அளிக்க வேண்டும்.//

நாயை வெளியில் கொண்டு செல்லாமல் எப்போதும் வீட்டுற்குள் வைத்துக் கொள்வது , கூண்டுக்குள் அடைப்பது , நீண்ட நேரம் கட்டி வைப்பது போன்ற செயலில்  ஈடுபட்டாலும் நாய்களின் குணம் மாறும் என்கிறார்கள். 

// இந்தியாவை பொறுத்தவரை 2021 கணக்கெடுப்பின்படி , 2.7 கோடி வீட்டு வளர்ப்பு நாய்கள் இருப்பதாகவும், இது 2026 ஆம் ஆண்டில் 4.3 கோடியாக அதிகரிக்கலாம் என்றும் ஜெர்மனியை தளமாகக் கொண்டு இயங்கும் ஸ்டேட்டிஸ்டா  என்ற தரவு ஆய்வு நிறுவனம் கூருகிறது.// 

செல்லபிராணிகளை வளர்ப்பவர் குறிப்பாக நாய் வளர்ப்பவர்கள் அதிகமாக இருக்கிறார்கள். தங்கள் வீட்டில் நாய் வளர்க்கிறோம் என்று தெரிய படுத்தமாலே வளர்ப்பதால்  சரியாக கணக்கு சொல்லமுடியவில்லை என்றும் சொல்கிறார்கள்.

- படித்த செய்தி நன்றி கூகுள்.

//கொரோனா காலத்துக்குப்பிறகு  செல்லப்பிராணிகளை  வளர்க்கும் பழக்கம் அதிகமாகி விட்டது. லாக் டவுனில் போரடித்த நாட்களை அழகாக்கியது செல்லப்பிராணிகளே !

தற்போது நாய்களை வளர்க்க அதிகம் பேர் ஆர்வம்காட்டி வருகின்றனர். இதனால், நாய்களை எப்படி வாங்குவது? பராமரிப்பது? ஆரோக்கியமாக வைத்திருப்பது? உணவு முறையைத் தெரிந்து கொள்வது போன்ற நிறையக் கேள்விகளுக்கானப் பதிவே இது. எல்லா நாய்களும் காவல் காக்காது. குழந்தைகளுடன் விளையாட ஒரு வகை. காவல் காக்க இன்னொரு வகை. குழந்தைகளைப் பாதுகாக்க மற்றொரு வகை. குழந்தையில்லாதோருக்கு தான் குழந்தையாகவே இருக்க ஒரு வகை எனப் பல்வேறு வகைகள் நாய் இனங்களில் உண்டு. ஒவ்வொரு நாயின் குணமும் வெவ்வேறு மாதிரி, அதன் இனம், வகைப் பொறுத்து மாறுப்படும்.//

இணைத்தில் படித்த செய்திகள். நன்றி  பகிர்ந்தவர்களுக்கு.

ஆளுக்கு ஒரு செல்லம்

நடைபயிற்சி செய்யும் மக்களுக்கும், வளர்ப்பு செல்லங்களும் தண்ணீர் குடிக்க வசதி எல்லா இடங்களிலும் இந்த வசதியைப் பார்த்தேன்.

தண்ணீர் குடிக்க வைக்கிறார்கள்

முதுகில் மாட்டி இருக்கும் பையிலிருந்து  கிண்ணம் எடுத்து அதில் தண்ணீர் பிடித்து கொடுக்கிறார்

 

நடந்து வந்த களைப்பு நீங்க தண்ணீர்  அருந்தும் செல்லம்

கிண்ணத்தில் வைத்த நீரை  குடித்தாலும்  தானே குடிக்க ஆசை

வளர்ப்பு செல்லத்தோடு  ஓடுகிறார்

செல்லங்களை வளர்ப்பவர்கள் தங்கள் செல்லங்களின் கழிவை கொஞ்சம் கூட அருவருப்பு  இல்லாமல் கையில் கவரை மாட்டிக் கொண்டு எடுத்து இன்னொரு கவரில் போட்டு குப்பை கூடையில் போடுகிறார்கள்.   பூங்காவை சுத்தமாக வைத்து கொள்வது தங்கள் கடமை என நினைப்புது மிகவும் மகிழ்ச்சியை அளிக்கிறது. பாராட்ட வேண்டும் அவர்களை.

பூங்காவை சுத்தமாக வைத்து கொள்ள தன்னார்வலர்கள் மிகவும்  பாடுபடுகிறார்கள், களை பூண்டுகளை அளிக்க அழைப்பு விடுகிறார்கள்.  முடிந்த போது வந்து சேவை செய்ய பூங்காவை சுத்தமாக வைத்து கொள்ள அழைக்கிறார்கள். அவர்கள் சேவையில்  பூங்கா  எங்கும் சுத்தமாக இருக்கிறது.

 தன் அன்புக்குரிய  சகோதரர் மற்றும் பெற்றோருடன் இந்த  பூங்காவில் நடந்ததை பதிவு செய்கிறார்.  நினைவை போற்றும் கல்வெட்டு.  அவர் தந்தை நடந்த பாதையில் தான் பெருமையாக நடந்து போவதை சொல்கிறார்.

இரண்டு நாளும் மகனும், மருமகளும் ஒரு மையல் தூரம் நடந்து வந்தார்கள்.

நடந்து வந்து  ஓய்வு எடுக்கிறார்கள்  மகன், மருமகள். பேரன் விளையாட்டு பொருட்களை வைத்து வீடியோ செய்கிறான். 

கூரைக்கு கீழ் அமர்ந்து கொள்ள ஆசனங்கள்

சைக்கிளில் பூங்காவை சுற்றி வருதல் மற்றும் உடற்பயிற்சி செய்வோர் நிறைய பார்த்தேன், அவர்களை படம் எடுக்கவில்லை.

கோடை நாளில் ஒவ்வொன்றை பற்றியும் அறிந்து கொள்ள அழைத்து செல்பவர்களுடன் இணைந்து கவனித்து வரலாம்.

 

மகன் எடுத்த படம் பூவில் தேனை உண்ணும் தேனீ

பூங்காவில் இயற்கை அழகை இரண்டு நாட்கள் மாலை நேரம்  போய் பார்த்து மகிழ்ந்து வந்தோம். அடுத்து எங்கு போனோம் என்பதை அடுத்த பதிவில் பார்க்கலாம்.

வாழ்க வையகம்! வாழ்க வையகம்! வாழ்க வளமுடன்!