பத்துமலை ஸ்ரீ சுப்பிரமணியர் கோவில்( மலேசியா)

பத்துமலை  ஸ்ரீ சுப்பிரமணியர் கோவில்

                        

சிங்கப்பூர் சுற்றுலா பதிவு பின்னால் வரும்.  

ஆடி கிருத்திகை 9 ஆம் தேதி  என்பதால் பத்துமலை கோவில்  தொடர் பதிவு செய்யலாம் என்று  நினைத்து இருக்கிறேன், முருகன் அருள வேண்டும். 

 மலேசியாவில் புகழ் பெற்ற  குகை கோவில். 

இந்த குக்கைக் கோயில் சுண்ணாம்புக் குன்றுகளில் இயற்கையாக அமைந்த குகைகுள் அமைந்து இருக்கிறது.

மலேசியாத் தலை நகர் கோலாம்பூரில் இருந்து 13 கி.மீ வடக்கே , கோம்பாக் மாவட்டத்தில் உள்ளது.

பத்துமலை பெயர் காரணம் ;- இந்த குகை கொயிலின் உள்ளே  பல குகைகள் உள்ளன. இந்த சுண்ணாம்பு குன்றுகளுக்கு அருகில் உள்ள  பத்து ஆற்றின் பெயரிலிருந்து  பத்துமலை என்ற பெயர் உருவாகி உள்ளது.

 கோலாலம்பூரில் புகழ்பெற்று விளங்கிய திரு. கே தம்புசாமி பிள்ளை எனும் செல்வந்தரால் 1891 ஆம் ஆண்டு  கட்டப்பட்டது இந்த மலைக்கோவில். அப்போது ஒற்றையடிப் பாதைபோல் இருக்குமாம், அந்த பாதையில்  சென்றுதான் முருகபெருமானை வணங்கி வந்து இருக்கிறார்கள்.இப்போது 272 படிகள் உள்ளது.

இந்த கோவில் போனது  முருகன் அருள்தான். மகன் அவனின் திருமணநாளுக்கு (ஜூன் 7 ம் தேதி) பத்துமலை முருகன் கோவில் போக வேண்டும் என்று முடிவு செய்து இருந்தான். எனக்கு தெரியாது, எனக்கு    "இனிய அதிர்ச்சி" (சர்ஃப்ரைஸ்) கொடுத்தான்.  

மலேஷியா   குடியேற்ற  அனுமதி  ஆபீஸ் போய் சிறிது நேரம் அமர்ந்து இருந்தோம். நான் முருகனை வணங்கி கொண்டு அமர்ந்து இருந்தேன், எனக்கு மலேசியா விஷா கிடைக்குமா என்று சந்தேகம் இருந்தது.( அவர்களுக்கு விஷா  இருந்தது எனக்கு தான் இல்லை)  அரைமணி நேரம் கழித்து  190 வெள்ளி கட்ட சொன்னார்கள் கட்டியவுடன் விஷா கொடுத்து விட்டார்கள்.  (Visa ON Arrival) உள்ளே வந்தபின் கொடுக்கும் விஷா கொடுத்தார்கள்.  வெகு துரிதமாக விஷா கொடுத்து விட்டார்கள்.

 "அம்மா இனி நீங்கள் முருகன் கோவில் பார்க்கலாம்" என்றான் மகன். ஒருபக்கம் மகிழ்ச்சி இன்னொரு பக்கம் எப்படி ஏறுவது என்ற  பயம் ! எனக்கு இடுப்புவலி, கால்வலி இருந்தது படிகள் ஏற வேண்டுமே!என்று கவலை பட்டேன்.

"அதெல்லாம் ஏறி விடலாம்" என்று தைரியம் கொடுத்தார்கள், மகன், மருமகள், பேரன் மற்றும் உறவினர்கள். அதில் குறிப்பாக என் கணவரின் தம்பி மகளின் மாமியார் "அதெல்லாம் ஏறி விடுவீர்கள் மதினி கிடைக்கும் சந்தர்ப்பத்தை  நழுவ விடாதீர்கள்!  வலி மாத்திரை வைத்து கொள்ளுங்கள், மெது மெதுவாக ஏறி விடுங்கள்" என்றார்கள். 

முருகனை தரிசனம் செய்து வந்தபின் அவர்களுக்கு நன்றி சொன்னேன்.

140 அடி கொண்ட முருகன் சிலை நம்மை வரவேற்கிறது. இந்த முருகன் சிலையை உருவாக்க மூன்று ஆண்டுகள்  ஆனதாம்.

2006 ஆம் ஆண்டு  ஜனவரி மாதம்  சிலை திறப்புவிழா நடந்து இருக்கிறது.

கீழே தெரியும் இந்த கோவிலில்  ஆறுபடை முருகனுக்கும் சன்னதிகள் மற்றும்  , பெரிய விநாயகர்  இருக்கிறார்.

கோவில் முன் வாசலில் ஒருபக்கம் கோவிலின் விவரம், மறு பக்கம் கோவில் திறக்கும் நேரம்  அறிவிப்பு  உள்ளது.

முருகனின் ஆட்டுகிடா வாகனம் நின்றது வாசல் முன்

புறாக்களுக்கு தனி பதிவு போடுகிறேன் வரும் அன்பர்கள் புறாக்களுக்கு உணவு  போடுகிறார்கள். பேரன் புறாக்களுடன் விளையாடினான். சட்டென்று பறந்து மீன்டும் சட்டென்று அமருவது பார்க்க அழகு.

நான்கு  வரிசையாக படிகள்   உள்ளன,  தை பூசம் சமயம் காவடிகள் அதிகம்  என்பதால் நடு பகுதியில் காவடி தூக்கி செல்பவர்களும்  சும்மா நடந்து போகிறவர்கள் மற்ற இரு பக்கமும் போய் வருவார்களாம். சீனர்கள் காவடி எடுப்பார்களாம் அதிகமாய். தைபூச விழா மிக அருமையாக நடக்குமாம்.தைபூச காவடி விழாவை. தொலைகாட்சியில் நீங்கள் எல்லோரும்  பார்த்து இருப்பீர்கள். 

 மகன்  அரிசோனா மகா கணபதி கோவிலுக்கு தைபூச விழாவிற்கு  முருகனுக்கு திருவாச்சி செய்து கொடுத்தான், அப்போது மலேசியா பத்துமலை முருகனை வணங்க வேண்டும் என்று நினைத்தானாம்.  அதன் படி முருகனை பார்த்து விட்டோம்.

நான் முதன் முதலில்  மகன் வீட்டு கொலுவிற்கு பொம்மைகள் வாங்கி கொடுத்த போது  பத்துமலை முருகன் வாங்கி கொடுத்தேன்.  இப்போது நேரில் பார்த்து விட்டோம்.

படி ஏறும் இடத்தில் உள்ள  முன் பகுதியில்  முருகனின் அழகிய கோலங்கள்

உள் பக்கம் இருந்து எடுத்த படம்

மதியம் 3.30க்கு வந்தோம்  கோவிலுக்கு,  வெயில் இல்லை மேக மூட்டமாக இருந்தது 

கோரானா காலத்தில் போட்டது

முருகனை கும்பிட்டு ஏற ஆரம்பித்தோம்

இருமருங்கிலும் அழகான மயில் சிலை

மேலே இருக்கும் கடைக்கு தண்ணீர் பாட்டில்  கொண்டு போகிறார் விற்பனைக்கு.  நம்மால் சும்மா ஏற முடியவில்லை,  அவர்  தலைசுமையோடு ஏறுகிறார். அவருக்கும் தேக பலத்தை கொடுக்க பிரார்த்தனை செய்து கொண்டேன்.

செருப்பு போட்டு கொண்டு போகிறார்கள் எல்லோரும் பூட்ஸ் போட்டு கொண்டு எப்படி ஏறுவது என்று தயங்கினேன்,  இங்கு  எல்லோரும் போட்டுக் கொண்டுதான் போவார்கள் அப்படியே நீங்களும் போங்கள் என்றார்கள். 

கீழே இறங்கி கொண்டு இருந்தவரிடம் தண்ணீர் பாட்டிலை பிடிங்கி கொண்டு விட்டது.

திறக்கும் போது கீழே கொட்டி விட்டது அதை குடிக்கிறது

இன்னும் யாரிடம் பிடுங்கலாம் என்று பார்க்கிறது

கைபிடியில் இடை இடையே இப்படி அழகான குமிழ் இருக்கும் அதில் ராஜா போல அமர்ந்து பார்க்கிறது  குரங்கு. எல்லா குரங்களும் அதில்தான் அமர்கிறது. இங்கு உள்ள  குரங்குகள் பேர் "மாக்காவ்" .

கைபையை என் மருமகள் தூக்கி கொண்டு முன்னால் போய் விட்டாள், பேரன் காமிராவை வாங்கி கொண்டான்.நான் அலை பேசியை மட்டும் வைத்து கொண்டு  சிறிது நேரம் நிற்கும் போது படங்கள் எடுத்தேன்.

காமிராவில் எடுக்கும் படங்கள் அவன் எடுத்தான். அவன் எடுத்த படங்கள் இன்னொரு பதிவில். இந்த பதிவில் நான் எடுத்த படங்களும், மகன் எடுத்த படங்களும்  இடம்பெறுகிறது.

பேரன் "ஆச்சி அங்கு குரங்கு உட்கார்ந்து இருக்கிறது பார்த்து போக வேண்டும்,  கீழே காலி பாட்டில் கிடக்கிறது அதில் காலை வைத்து விடாதீர்கள்" என்று கவனமாக ஏற சொல்லி பின்னாலேயே வந்தான். மகன் முன்னால் எங்களை   படம் எடுத்து கொண்டும் என்னை உற்சாகப்படுத்தியும்  ஏற வைத்தான்.  

கைபிடியை பிடித்து கொண்டு மெதுவாக ஏறினேன்

முன்பு நிறைய மலை கோவில்கள் , படி ஏறி இருக்கிறேன் இப்போது முடியவில்லை.

படி முடியும் போது மகன்  அவ்வளவுதான் வந்து விட்டோம் என்று  மகிழ்ச்சி ஆரவாரம் செய்தான்.

அவ்வளவுதான் ஏறி விட்டீர்கள்!

பேரன் "ஆச்சி கவனமாக பார்த்து வாங்க"மேலே இருந்து தண்ணீர் சொட்டுகிறது, அதனால் கீழே எல்லாம் தண்ணீர் என்று எச்சரிக்கை செய்தான்.

தரை எல்லாம் தண்ணீர்

ஏறி வந்த களைப்பு தீர சிமெண்ட் பெஞ்சில் அமர்ந்து கொள்ள வசதி செய்து இருக்கிறார்கள்.

வெளி நாட்டவர், மற்றும் அனைத்து மதத்தை சார்ந்தவர்களும் வருகிறார்கள் முருகனை தரிசிக்க

குடையின் கீழ் மயிலோடும் வேலோடும்   இருக்கும் அழகிய முருகன் 

குகையிலிருந்து தண்ணீர் சொட்டு விழாமல் இருக்க முருகனுக்கு  குடை  என்று பேசி சிரித்து கொண்டோம்.

இடும்பனை முதலில் வணங்கி விட்டு  செல்வோம்

சில படிகள் இறங்கினால் கடைகள் இருக்கிறது

கடைகளை தாண்டி படிகளில் இறங்க வேண்டும்.

மேலும் சில படிகள் இறங்கினால் மூலவர் இருக்கும்  இடம் வரும் 

படிகளின் பக்கவாட்டத்தில் மலையில் பழனி மலை முருகனின் ஆண்டி கோல சிலை அழகாய் இருக்கிறது,. இடும்பன் சிலை இருக்கிறது.  முருகனுக்கு சின்ன ஆலயமும் இருக்கிறது.

4.30 இந்த இடம் இருட்டாய் இருக்கிறது, குகை என்பாதால்.

3.30 க்கு ஏற ஆரம்பித்தோம். 4.30க்கு மலை குகைக்கு வந்து விட்டோம். அவர்கள் இன்னும் சீக்கீரம் வந்து இருப்பார்கள். நான் ஏற தான் கூடுதல் நேரம் ஆகி விட்டது.

மலை மேலே முருகன் கோவில்  ஆலய பூஜை நேர விவரங்கள்

மூலவர் இருக்கும்  இடத்தின் கோபுரம்

தூரத்தில் தெரியும் படிகளில் ஏறி அங்கு இருக்கும் முருகனை முதலில் தரிசனம் செய்தோம்

மூலவர் சன்னதி 4.30 க்கு திறக்க வில்லை என்பதால் மேலே இருக்கும் முருகனை பார்த்து வர போனோம். அங்கும் திரை போட்டு இருந்தது. ஐந்து நிமிடத்தில் திறந்து விட்டார்கள். அருமையான முருகன் தரிசனம். முருகனை ஆடி கிருத்திகை அன்று பார்ப்போம்.

வாழ்க வையகம்! வாழ்க வையகம்! வாழ்க வளமுடன்!

------------------------------------------------------------------------------------------------