பனி மழை பொழிகிறது

பனி மூடிய சிகரம்

மூன்று நாள் விடுமுறை  சனி, ஞாயிறு மற்றும் திங்கட் கிழமை.   பிப்ரவரி மூன்றாவது திங்கட்கிழமை "ஜனாதிபதி தினம்".

முதல் ஜனாதிபதி ஜார்ஜ் வாஷிங்கடனை கெளரவிக்கும்  விடுமுறை தினமாக  அமெரிக்காவில் உள்ளது.

 வடக்கு அரிசோனாவில் உள்ள மலைப்பகுதியில் அமைந்துள்ள ஃபிளாக்ஸ்டாப்,( Flagstaff )   என்ற ஊருக்கு அழைத்து போனான் மகன் . 

பேரன் சனிக்கிழமை  பெரிய நூலகத்தில்  தன்னார்வலராக பணி செய்ய  போய் விட்டான். அதனால் ஞாயிறும், திங்களும் பயணத்திட்டம் வகுத்து அழைத்து சென்றான்.

பனி பொழிவும் , பனி சறுக்கு விளையாட்டும் பார்க்கலாம்  என்று போனோம். மகன் முன்பு குடும்பத்தோடு பார்த்து இருக்கிறான். எனக்கும் அவன் அத்தைக்கும்  காட்ட அழைத்து சென்றான்.

ஊரின் ஆரம்பத்திலிருந்து நீண்ட தொடராக மரகத பச்சை  வண்ணத்தில் பாண்டெரோசா   பைன் மரங்கள்  மிகவும் அழகாய் நம்மை வரவேற்கும்.

மகன் ஊர்  முழுவதும் உள்ள மலைகளில்  கள்ளிச்செடிகள் என்றால் இந்த ஊர் மலை முழுவதும்  பைன் மரங்கள்.

குவிந்து கிடக்கும் பனி

மலைச்சிகரத்திற்கு போகும் வாகனம் கிளம்பும் இடம்

6 பேர் அமர்ந்து போகலாம், நாங்கள் 5 பேர் மட்டும் பயணம் செய்தோம்.

குளிருக்கு அடக்கமாக  இயற்கை அழகை பார்க்கும் விதமாக இருக்கிறது. 

இப்படி திறந்த  வண்டியில் ரோலர் ஸ்கேட்டிங்க் செய்பவர்கள் பயணம் செய்கிறார்கள்.

ரோலர் ஸ்கேட்டை காலில் மாட்டிக் கொண்டே அதில் அமர்ந்து வந்து மலை உச்சியில் இறங்கி கொள்கிறார்கள்

மலையின் உச்சி

நாங்கள் இந்த இடம் வரை வந்து பின் கீழே இறங்காமல்

வந்து விட்டோம். இறங்க வேண்டாம் என்று சொல்லி விட்டார்கள் . மீண்டும் இயற்கையை, பனி சறுக்கு செய்து கொண்டு போகிறவர்களை  ரசித்து கொண்டே   இறங்ககலாம்,  என்று சொல்லி  கதவை திறந்து பேசி விட்டு நன்கு மூடி  வாழ்த்தி அனுப்பி விடுகிறார்கள். மேலே போக 4 நிமிடம், கீழே இறங்க நாலு நிமிடம்  என 8 நிமிட பயணம் அருமையாக இருந்தது.

பேரன் சறுக்கி கொண்டு வந்தவர்களை பார்த்து கை அசைத்தான், அவர்களில் சிலர் கை அசைத்து சென்றனர்.

முன்பு மானஸா தேவி கோவிலுக்கு இந்த மாதிரி ரோப் காரில் பயணம் செய்து இருக்கிறோம். அதன் பேர் " மானசா தேவி உடன்கடோலா"

சிவகங்கை பூங்காவிலும் போய் இருக்கிறோம், சிறிது தூரத்தில் அகழிக்கு நடுவே இருக்கும் கோயில் வரை போகும்.  இப்போது அகழியில் படகு சவாரி மட்டும் இருக்கிறது என்று நினைக்கிறேன்.

பனி சறுக்கு விளையாட்டு செய்பவர்கள் இங்கு இறங்கி கொண்டு மலை உச்சியிலிருந்து சறுக்கி கொண்டே வருகிறார்கள்.

அமர்ந்து இருந்த வண்டி கண்ணாடி ஜன்னல் வழியாக  எடுத்த படங்கள் 

அடிமரமே தெரியவில்லை பனியில் புதைந்து இருக்கு

பின் பக்கம் ஜன்னல் வழியாக கீழே இறங்கும் போது எடுத்த படம்

                                        பார்த்து விட்டு இறங்கியாச்சு

கொஞ்ச நேரம் கணப்பில் குளிர் காய்தல்

பனி துகள் விழுவது  தெரிகிறதா?

பனி மழையில் சிறிது நனைதல்

வெள்ளை  பனி மணல், கையில் எடுத்தால் மணல் மணலாக இருக்கிறது.  ஓரத்தில் தள்ளி வைக்கப்பட்டது பறாங்கல் மாதிரி இருக்கிறது

பாதையோரம் மலைகள் எல்லாம் பனி உறைந்து கிடக்கிறது.

சாலையை சுத்தம் செய்து ஒரத்தில் ஒதுக்கி வைக்கப்பட்டு இருக்கிறது.

  மரத்துக்கு கீழே  பனி, 

சாலையின் இரு பக்கமும் 

ரோலட் ஸ்கேட்

கழிவறை வசதியாக , சுத்தமாக இருந்தது . 

சுற்றுப்புறம் சுத்தமாக இருந்தது, இவ்வளவு மக்கள் கூடும் இடம் குப்பைகளை பார்க்க முடியவில்லை.

SKI LIFT

 வரிசையில் நின்று உணவுகளை வாங்கி வந்தான், ஒரு பெண் அப்பா, அம்மாவிடம் கோபித்து கொண்டு மேஜைக்கு அடியில் அமர்ந்து இருக்கிறாள்

உணவு  வெளியே விற்கிறார்கள்,  உணவு சாப்பிட இடம் உள்ளெ இருக்கிறது  , நாங்கள் சீஸ் பீட்சா, சீஸ் பர்க்கர்,  வாங்கி சாப்பிட்டோம்.

உள்ளே அமர்ந்து சாப்பிட  இடம் இல்லை, நிறைய கூட்டம் , அதனால் வெளியே  அமர்ந்து சாப்பிடுகிறார்கள்.

குளிர்கால சாகச பனி சறுக்கு விளையாட்டு 

பனி சறுக்கு விளையாட்டு சிறிய காணொளிதான்

பனி மழை பொழிகிறது

சிறிது நேரம் ஒன்றும் தெரியவில்லை

இடை இடையே நடைபாதையை சுத்தம் செய்கிறார்கள்

இருபக்கமும் வான் உயர்ந்த மரங்களுக்கு நடுவில்  மலை சிகரத்தின் உச்சிக்கு போகிறது

அடுத்து போக காத்து இருப்பவர்கள்

                                          போலீஸ் வாகனம்

  மரங்களுக்கு இடையே நிறைய சின்னதும், பெரிதுமாக  "கைலை மலை" வடிவத்தில் பனி கொட்டி கிடக்கிறது. காரில் போகும் போது பார்த்தக் காட்சிகள்
.

அங்கு நாலுமணிக்கு மேல் அனுமதி இல்லை அதனால் கீழே இறங்கி விட்டோம், வரும் வழியெல்லாம் அழகான இயற்கை காட்சி,  வெண்மேகம், நீலவானம், கீழே வெள்ளைபனி, பசுமையான மரங்கள் என்று கண்ணுக்கு குளிர்ச்சியான காட்சிகள் ரசித்து கொண்டே தங்கும் விடுதிக்கு வந்து விட்டோம்.

பத்து நாட்கள் முன்  சளி,  தொண்டைவலி,  இருமல் கொஞ்சம் படுத்தி கொண்டு இருந்தது.  மருந்து கொடுத்தாள் மருமகள்.  மழைவிட்டும் தூவானம் போல  இருமல் மட்டும் இருந்தது. மருந்து எடுத்து கொண்டு போனோம். அங்கு போனதும் அவை எல்லாம் மறந்தேன் .

இயற்கையின்  அழகை கண்டு. அழகை ரசித்து கீழே பார்க்காமல்  பனிக்கட்டி வழுக்கி கீழே விழுந்தேன். பூமாதேவி தாங்கி கொண்டாள் .அடி பலமாக படவில்லை.புதிதாக  பனி விழுந்து இருக்கும் இடம் என்றால் கால் புதைகிறது, கொஞ்சம் நாள் ஆன பனி  பாறாம்கல்லாக இருக்கிறது.   உருகி ஓடிய தண்ணீர்  மெல்லிய  கண்ணாடி போல உறைந்து இருக்கிறது, அதை பார்க்காமல்   மிதித்து விட்டால் வழுக்கி விடும் , பார்த்து நடக்க வேண்டும். 

அடுத்த நாள் பனியில் சிற்பங்கள் செய்து மகிழ்ந்தோம் வேறு ஒரு இடத்தில். அது இன்னொரு பதிவில்.

இன்று தொலைகாட்சியில் நேரடி ஒளிபரப்பு  காட்டி கொண்டு இருக்கிறார்கள். 

மலைச்சிகரம் பாதை ஒன்றுமே தெரியவில்லை.

அதிக காற்றும் , பனி பொழிவும் மழை மாதிரி கொட்டி கொண்டு இருக்கிறது, அதனால் அங்கு போக முடியாது  பாதை அடைக்கப்பட்டு விட்டது.

நல்லவேளை விடுமுறை நாளில்  இல்லை.

பார்க்க அழகை தரும் பனி மழை! ஆனால் எவ்வளவு கஷ்டங்கள் மக்களுக்கு. தமிழ் நாட்டிலும்  அதிக பனிமூட்டம் இயல்பு வாழ்க்கை பாதிப்பு , பயிர் பச்சைகளுக்கு பாதிப்பு என்கிறார்கள்.

 ஜம்மு , காஷ்மீர்  எல்லையோரத்தில் கடுமையான பனி பொழிவு என்கிறார்கள். எல்லை பாதுகாப்பில் கடுங்குளிரில் நாட்டை காக்கும் பாதுகாப்பு வீரர்களை நினைத்து கொண்டேன், அவர்களுக்கு மனதில் வணக்கம் பல சொன்னேன். 

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------