மும்மூர்த்திகள் ஆராதனை தினம்

 

பேரன்  கவின்

மும்மூர்த்திகள் பல கீர்த்தனைகள் இசையமைத்து இருக்கிறார்கள்

இசையமைப்பாளர்கள் தினம் என்று வைத்து இருக்கிறார்கள்.

அரிசோனாவில் ஃபைன் ஆர்ட்ஸ் அசோசியேஷன் ஆரம்பித்து  40 வருடங்கள் ஆகிறது.  20 வருடங்களாக     சங்கீத மும்மூர்த்திகளின்  ஆராதனை விழாவை நடத்தி வருகிறார்கள்.

இந்த வருடம் 40 வது  வருட ஆண்டு விழா.

இரண்டு  நாட்கள் நடந்தது.பிப்ரவரி 4, 5 தேதிகளில் நடந்தது.

முதல் நாள் பஞ்சரத்தின கீர்த்தனைகள் பாடி இருக்கிறார்கள்.  கர்நாடக இசை தெரிந்தவர்கள் எல்லாம் பாடி இருக்கிறார்கள். பேரனின் ஆசிரியரும் பாடினார்கள்.

 இரண்டாவது நாள் ஆராதனை விழாவில் பேரன் பாடினான். அவனுக்கு கற்றுத்தரும் ஆசிரியர் அவர்களிடம் கற்றுக் கொள்ளும் மாணவர்களை பாட வைத்தார்கள். அப்படி நிறைய கர்நாடக இசையை கற்பிக்கும் ஆசிரியர்கள் தங்களிடம்  இசை கற்கும் மாணவ, மாணவிகளை பாட வைத்தார்கள்.

பேரனுக்கு 5ம் தேதி மதியம் 12 மணிக்கு நேரம் கொடுத்து இருந்தார்கள்.

முத்துசாமி தீட்சீதர், தியாகராஜர், சியாமா சாஸ்திரி

சங்கீத மும்மூர்த்திகள்  பல கீர்த்தனைகளை  இயற்றியவர்கள். 

மூவரும் திருவாரூரில் பிறந்தவர்கள்.

 1762 ல் பிறந்த  சியாமா சாஸ்திரிகள் தஞ்சாவூர் காமாட்சி அம்மன் மேல், நாகப்பட்டினம் நீலாயதாட்சி, திருவையாறு தர்மசம்வர்த்தினி , மதுரை மீனாட்சியம்மன் உள்ளிட்ட தெய்வங்கள் மீது பல   கீர்த்தனைகள் பாடி இருக்கிறார்.

1767 ல் பிறந்த தியாகராஜர் இராமர் மேல்  தெலுங்கு கீர்த்தனைகள் பாடி இருக்கிறார்.

1776 ல் பிறந்த முத்துசுவாமி தீட்சிதர் திருவாரூர் தியகராஜர், கமலாம்பாள்  , கணபதி ஆகியோர் மேல்   பாடல்களை பாடி இருக்கிறார். மிகவும் சிறப்பு வாய்ந்த நவாவரண கீர்த்தனைகள்  இயற்றி இருக்கிறார்.

உங்கள் எல்லோருக்கும் தெரிந்த விஷயம் தான்.

 மெஷா( Dorado ,Mesa ) என்ற இடத்தில் உள்ள சின்மயா மிஷனில்    இசை விழா நடந்தது.

சின்மயா மிஷனை பார்த்தவுடன் என் இளமைகாலத்தில் பாலவிகாரில் 5வயதிலிருந்து 14 வயது உள்ள குழந்தைகளுக்கு உள்ள வகுப்பில் சேர்ந்து பகவத்கீதை, பஜனை பாடல்கள்,  பஜகோவிந்தம்,  ஸ்லோகங்கள் கற்றது நினைவுக்கு வந்தது. 

அப்பா கோவை  சின்மயா மிஷனில் துணை தலைவராக இருந்தார்கள்.

இருவரும் சேர்ந்து பாடினார்கள்.

இந்த பெண் குழந்தையும் நடனம், பாட்டு ஜிம்னாஸ்டிக், தமிழ்,  என்று நிறைய   கற்றுக் கொண்டு  இருக்கிறாள்.

முதலில் இருப்பவர்கள்  பாட ஆரம்பிக்கும் முன் அடுத்து பாட இருப்பவர்களை அமர வைத்து விடுகிறார்கள். அவர்கள் ஆசிரியர் பெயர் சொல்லி , தங்கள் பெயரை சொல்லிவிட்டு என்ன பாட போகிறோம் என்பதை சொல்லி பாடுகிறார்கள்.

கவின் ஆசிரியர் பெயர் திருமதி. ஜானகி ராமசந்திரன் .

பாடிய குழந்தைகள் எல்லாம் நன்றாக பாடினார்கள்.

நின்னுக்கோரி வர்ணம் பாடினார்கள்.

இந்த குட்டி குழந்தை "முரளி லோலா நந்தலாலா" என்று அழகாய் பாடினாள், தாளம் போட்டு  அருமையாக பாடினாள். 

பாடி முடித்து வந்து ஒரே விளையாட்டுதான்.

மலையாள பாடல் மணிமண்டன் மேல்

இவர்களும்  பாட போகிறார்கள் அதுவரை  விளையாட்டு , 

ஆசிரியர்கள்  மற்றவர்கள்

பாடுவதை கவினிக்க சொன்னார்கள்.

பின்னால் திரையில்  இசை வித்வான்களை காட்டிக் கொண்டு இருந்தார்கள்.  

பேரனின் பாடல் முடிந்தவுடன் கிளம்பி விட்டோம். 

       தண்ணீர் , ஜூஸ் ,  தேநீர் ,உணவு விற்கப்பட்டது

இரண்டு பூரி, சென்னா மசாலா, வெஜிடபிள் சமோசா, பிரைட் ரைஸ் விற்றார்கள் . அதை வாங்கினோம் எல்லோருக்கும். வீட்டிலிருந்து தயிர் சாதம் , ஊறுகாய் கொண்டு வந்து இருந்தோம் இங்கு  உணவு கிடைக்கும் என்று தெரியாமல்.

உணவு எப்படி இருக்கிறது என்று பார்ப்போம் என்று வாங்கினான் மகன். 

உணவை வாங்கி கொண்டு வெளியே வந்து  ஒரு குடியிருப்புக்கு பக்கத்தில் இருக்கும்  பார்க்கில் அமர்ந்து உணவு உண்டோம்.

காரம் இல்லாமல் நன்றாக இருந்தது.

அங்கு ஒருவர் தன் வளர்ப்பு செல்லம் ஆமையை வெயில் காய அழைத்து வந்து இருந்தார்

                                       நடைபயிற்சியும் ஆச்சு

             இதன் பேர் விவரங்களை பேரனை கேட்க சொன்னேன்

இவள் பேர் ஸ்டிரைக்கர்  (Striker  ) மூன்று வயது ஆகிறது. காய்கறிகள்  இதன் உணவாம். பிடித்த உணவு ஆப்பிள், லெட்யூஸ் இதற்கு பிடித்த உணவாம். பேரன் கேட்டு சொன்னது .

அருகில் உள்ள  வீடுகளில் இருக்கும் குழந்தைகளுக்கு நல்ல விளையாட இடம் இருக்கிறது.

இரண்டு குட்டி தேவதைகள் விளையாட கிளம்புகிறார்கள்.

அந்த குடியிருப்பில்  வளாகத்தில் ஒரு வீட்டு வாசலில் மிக அழகான மலர்த்தோட்டம். மலர்ந்து இருக்கும் மலர்த்தோட்டம் மகிழ்ச்சியை தந்தது.

வாழ்க வையகம்  ! வாழ்க வையகம்! வாழ்க வளமுடன்!

---------------------------------------------------------------------------------------------------