இளநீர் குடிக்கும் அணில்கள்

சுவர்ணபூமி  தாய்லாந்து விமானநிலையம்

மருமகளின் அக்கா மகன் திருமணத்திற்கு தாய்லாந்து சென்று இருந்தோம். அப்போது திருமணம்   நடந்த இடத்தில் காலை உணவின் போது அலங்கரித்து வைத்து இருந்த மேஜை. நுங்கு வேண்டுமென்றால் வெட்டி தருவார்கள்  பழங்கள் அழகாய் வெட்டி வைத்து இருந்தார்கள்.

போன பதிவில் நெல்லைத்தமிழன் கேட்ட கேள்விக்காக இந்த பதிவு

//இளநீரும் அதை வெட்டித் தரும் விதமும் மிக அழகாக இருக்கும். இளநீரும் ருசியாஇருக்கும். விலை கேட்டீர்களா?//

இளநீர் ஜஸ்கீரீம் விலை

மார்கெட் போய் இருந்த போது கடை வாசலில் வைத்து இருந்த விலை விவரம். நாங்கள் இளநீர்தான் குடித்தோம்.

இந்த படத்தில் தென்னைமரம் எட்டிப்பார்க்கிறது 

தாய்லாந்து கடற்கரை பின்னனியில் மேடை அமைத்து திருமணம். திருமணம் முடிந்த பின் பின்னால் வாணவேடிக்கை போட்டார்கள். கடல் அலையின் ஆரவாரம், கல்யாணத்திற்கு வந்தவர்கள்  மகிழ்ச்சி ஆரவாரம் என்று மிகவும்  நன்றாக இருந்தது.

கடற்கரை பின்னனியில்   மேடை  காலையில் வருணபகவான்   வந்து விட்டார்.

உங்கள் ஆசீர்வாதங்களை தாருங்கள் மணமக்களுக்கு.

கல்யாண வீட்டிலும் எல்லோருக்கும் இளநீர் கொடுக்கப்பட்டது .

அயுதயா" (Ayutthaya) என்று அழைக்கப்படும் 

யுனெஸ்கோ உலக பாரம்பரிய தளமாக அங்கீகரிக்கப்பட்டுள்ளது .

பழைய  புத்தர் ஆலயம் பார்க்க போன இடத்தில் இளநீர் அணில்களுக்கு கொடுத்து கொண்டு இருந்தார்கள் மக்கள்.

இந்த இடத்தின் படங்கள் தனி பதிவாக பின்னர் வரும். இந்த பதிவுக்கு இளநீர், நுங்கு  மட்டும்.

இளநீர்விலை 50 என்று நினைக்கிறேன் அங்கு விலைபட்டியல் இருக்கிறது மகனுக்கு பின்னால் கடையில் விலை தெரிகிறது.

இப்படியும் அழகாய் வெட்டி மூடி கொடுக்கிறார்கள். மகன் எனக்கு கொடுக்க வந்த போது படம் எடுத்து கொண்டு பின் வாங்கினேன்.

நவம்பர் மாதம் அப்படியும் வெயிலும், மழையும் இருந்தது.

அணிலுக்கும் மதிய நேரம் தாகம் எடுக்கிறது.

 

அணிலுக்கு கீழே உள்ள பச்சையை  சீவ வில்லை மேல் பகுதியை மட்டும் பெரிதாக சீவி கொடுக்கிறார்கள்.

நடந்து கொண்டே குடிக்க வசதியாக  கப்பில் ஊற்றி மூடி கொடுக்கிறார்கள்

இப்படி வாயை பெரிதாக மதில் மேல் வைத்தால் அணில் குடிக்க வசதியாக இருக்கிறது.

கோடையில்  குளிர்பானங்களை தவிர்த்து இயற்கையில் கிடைக்கும் இளநீரை வாங்கி பருகலாம்.  

இளநீருக்கு இந்த பதிவு கோடைக்கு ஏற்ற பதிவு.

அடுத்த பதிவில் பழமையான புத்தர் ஆலயம் பார்க்கலாம்.

வாழ்க வையகம்! வாழ்க வையகம்! வாழ்க வளமுடன்!

--------------------------------------------------------------------------------------------------