ஸ்ரீ ராமநவமி

 "ஸ்ரீ சம்பூர்ண ராமாயணம் " படத்தில் இடம் பெற்ற இந்த பாடலில்  டி.எம்.எஸ் அவர்கள் குரல் மிக அருமையாக இருக்கும். கே.வி. மகாதேவன் அவர்கள் இசையில்  மருதகாசி  அவர்கள் எழுதிய  அற்புதமான பாடல். வானொலியில் அடிக்கடி கேட்டு மகிழ்ந்த பாடல். இந்த பாடலில் ஒவ்வொரு வரியும் கவனித்து கேட்க வேண்டிய  வரிகள். தசரதன்  பெருமையாக வாலிபன் போல நடந்தான், என்ற அழகான வரி பாடலில் வரும் போது தசரதனாக நடித்த நாகைய்யா பெருமிதம் பொங்க நடந்து வருவார்.

இந்த பாடலும் மருதகாசி அவர்கள் எழுதியது, கே.வி மகாதேவன் அவர்கள் இசை அமைத்த பாடல். பி.சுசீலா அவர்கள்   பி.லீலா அவர்கள் பாடியது. "லவகுசா"படத்தில் இடம்பெற்ற பாடல்.

என் அப்பாவிற்கு பிடித்த பாடல்கள் இரண்டும். நானும் கேட்டு மகிழ்ந்தேன்.  உங்களுக்கும் பிடிக்கும்.

கோசலை வயிற்றில் திருமால் அவதரித்தல்

ஆயிடை, பருவம் வந்து அடைந்த எல்லையின்,
மா இரு மண்மகள் மகிழ்வின் ஓங்கிட,
வேய் புனர்பூசமும், விண்ணுளோர்களும்,
தூய கற்கடகமும், எழுந்து துள்ளவே, 99

சித்தரும், இயக்கரும், தெரிவைமார்களும்,
வித்தக முனிவரும், விண்ணுளோர்களும்,
நித்தமும், முறை முறை நெருங்கி ஆர்ப்புற,
தத்துறல் ஒழிந்து நீள் தருமம் ஓங்கவே. 100

ஒரு பகல் உலகு எலாம் உதரத்துள் பொதிந்து,
அரு மறைக்கு உணர்வு அரும் அவனை, அஞ்சனக்
கரு முகிற் கொழுந்து எழில் காட்டும் சோதியை,
திரு உறப் பயந்தனள் - திறம் கொள் கோசலை. 101

கைகேயி மைந்தனைப் பெறுதல்

ஆசையும், விசும்பும், நின்று அமரர் ஆர்த்து எழ,
வாசவன் முதலினோர் வணங்கி வாழ்த்துற,
பூசமும் மீனமும் பொலிய, நல்கினாள்,
மாசு அறு கேகயன் மாது மைந்தனை. 102

சுமித்திரை இரு மகவு ஈன்றாள்

தளை அவிழ் தருவுடைச் சயிலகோபனும்,
கிளையும், அந்தரமிசைக் கெழுமி ஆர்ப்புற,
அளை புகும் அரவினோடு அலவன் வாழ்வுற,
இளையவற் பயந்தனள், இளைய மென் கொடி. 103

படம் கிளர் பல் தலைப் பாந்தள் ஏந்து பார்
நடம் கிளர்தர, மறை நவில நாடகம்,
மடங்கலும் மகமுமே வாழ்வின் ஓங்கிட,
விடம் கிளர் விழியினாள், மீட்டும், ஈன்றனள். 104

கம்பராமாயணம்- பாலகாண்டத்தில் உள்ள திருஅவதாரப் படலத்தில் உள்ளபாடல்வரிகள்-  நன்றி விக்கிமூலம்.

புதுயுகம் தொலைக்காட்சியில் தரிசனம் செய்தேன். இலக்குவணன், ராமர், சீதை . அபிஷேகம் அலங்காரம் , பூஜை பார்த்தேன். ராமரும், சீதையும் அமர்ந்த கோலம், இலக்குவணன் நிற்கிறார்.

"ஜோதி டிவியில்" பார்த்த இந்த அபிஷேகக்காட்சி நன்றாக இருந்தது.  சல்லடையை பிடித்து கொண்டு கஷ்டபடாமல்  ஸ்டாண்டில் வைத்து விட்டார்கள்.

“நன்மையும் செல்வமும் நாளும் நல்குமே

தின்மையும் பாவமும் சிதைந்து தேயுமே

சென்மமும் மரணமும் இன்றித் தீருமே

இம்மையே இராமவென் றிரண்டெழுத்தினால்”

-கம்பராமாயணம்.

ஸ்ரீராமபிரான் அனைவருக்கும் எல்லா நலங்களும் அருளவேண்டும்.

ஸ்ரீராம் ஜெய ராம்! ஜெய ஜெய ராம் !

வாழ்க வையகம் வாழ்க வையகம் வாழ்க வளமுடன்.

----------------------------------------------------------------------------------------------------