பழமையும், புதுமையும்

கல் உருளியில் பூக்கள், இலையால் அலங்காரம்.

"Heritage Madurai " மதுரை கோச்சடையில் பாரம்பரிய முறையில்

உணவும், தங்கும் வசதியும் உள்ள 5 நட்சத்திர ஓட்டல்.

ஆலமரம் சூழ்ந்த அழகிய பழமையான உணவு விடுதி.

"ஹெரிடேஜ் மதுரை" ஒரு அழகான விடுதி. மதுரையை சுற்றி பார்க்க வருபவர்கள் பழமை, புதுமை இரண்டையும் விரும்புபவர்களாக இருந்தால் இந்த விடுதியில் தங்கி மதுரை ஊரை சுற்றி பார்க்கிறார்கள்.

இந்த 5 நட்சத்திர பாரம்பரிய ரிசார்ட் மதுரையில் நல்ல போக்குவரத்து வசதி உள்ள இடத்தில் இருக்கிறது.

பழமையும், நவீன வசதிகளும் , இயற்கை அழகும் நிறைந்த இடம். இந்த கொரோனா காலத்தில் வயிற்றை கெடுக்காத உணவும், கூட்டம் இல்லாத இடமும் விரும்புபவர்களுக்கு இந்த விடுதி பிடிக்கும்.

முன்பே உணவு மேஜையை பதிவு செய்து கொண்டு நண்பர்கள், உறவினர்களுடன் பேசி மகிழ்ந்து உணவு அருந்த விரும்புவர்களுக்கு நல்ல உணவு விடுதி. தங்கும் விடுதியும் நன்றாக இருக்கிறது.

மகனின் நண்பர் குடும்பத்துடன் வந்து இருந்த போது இங்கு எல்லோரையும் அழைத்து சென்றான் மகன்.

அங்கு பார்த்த காட்சிகள் இந்த பதிவில் இடம் பெறுகிறது.

கிறிஸ்துமஸ் , மற்றும் புதுவருட அலங்காரங்கள் 

வரவேற்பு  அறை (பழமை)

பழைய நார் பின்னிய சாய்வு நாற்காலி. இப்போது பிளாஸ்டிக் ஒயரில் பின்னப்பட்டு சீர் செய்யப்பட்டு இருக்கிறது.

வரவேற்பு அறை (புதுமை)

காட்சிக்கு வைத்து இருக்கும் பழைய பொருட்கள்.

ரயில் கூஜா, புட்டு குழாய், டிபன் கேரியர், மற்றும் இடியாப்ப கட்டை(சேவை கட்டை)ஆப்ப சட்டி, குழிபணியார சட்டி, பால் தூக்கு, பாய்லர் ஆகியவற்றை காட்சி வைத்து இருக்கிறார்கள்.

கிறிஸ்த்துமஸ் விழாவிற்கு அலங்கரிக்கப்பட்டு இருக்கிறது விடுதி.

பரிசு பொருட்களுடன் கிறிஸ்துமஸ் மரம்

கிறிஸ்துமஸ்   குடில்

மிக அழகாக செய்து இருக்கிறார்கள் குடில்

வரவேற்பு அறை

அழகிய சுற்று பகுதி

நீச்சல் குளத்தை கோவில் திருக்குளம் போல் அமைத்து இருக்கிறார்கள். சிலர் திருமலை கோயில் திருக்குளம் போல என்று சொல்கிறார்கள்.

மரங்களில் அரிக்கேன் விளக்கு தொங்கவிடப்பட்டு இருக்கிறது.

இரண்டாவது உலக போரில்  பயன்படுத்தபட்ட  "தேடல் ஒளி  விளக்கு" ஆலமரத்தின் எதிரில் இருக்கிறது .

ஆலமரம் , நடுவில் பனை மரம் , நாகர் சிலை

கல் இருக்கை

சாப்பாட்டு அறை சுவற்றில் இப்படி பழமையை  பறைசாற்றும் ஓவியங்கள் வரைய பட்டு இருக்கிறது.  குதிரை மேல் காவல் தெய்வம் அய்யனார்.

பழைய உடைந்த கற் தூணின்  மேல் அணில்.

மேலும் இங்கு பார்த்த பரந்து விரிந்து போகும்  ஆலமரத்தின் விழுதுகள் வித விதமாக காட்சி கொடுத்தது ,அவற்றை  அடுத்த பதிவில் பார்க்கலாம்.

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------