திருமலை நாயக்கர் மஹால்

இப்போது நடைபெறும் சித்திரை திருவிழாவை சிறப்பாக்கிய விழா நாயகர்.
அழகர் திருவிழாவையும், மீனாட்சி திருவிழாவையும் ஒன்றாக்கியவர்.
மீனாட்சி அம்மன் கோவிலில் சுவாமி சன்னதியில் தன் மனைவிகளுடன் உள்ள சிலை இருக்கும்.

அடுத்த பதிவில்  திருமலை நாயக்கர் அரண்மனை  என்று  முந்திய பதிவில் தொடரும் போட்டேன். பசுமை நடை இயக்கத்துடன் சென்றதால் 10 மணிக்கு முன்பே சிறப்பு நுழைவு அனுமதி பெற்று உள் சென்றோம்..

மொட்டை மரத்திலும் கிளி

மணிக்கூண்டு

இப்போது எங்கள் குடியிருப்பு என்று உச்சிமேல் ஏறிச் சொல்கிறது புறா

டிக்கட் கொடுக்கும் வாசல் உள் நுழையும் இடத்தின் மேல் விதானம்

பத்துப் பல்லும் பயங்கர வலிமை -காலத்தை கடந்தும் இருக்கே!

தொல்லியல்  ஆராய்ச்சியாளர் திரு. சாந்தலிங்கம் அவர்கள், திருமலை நாயக்கர் காலம் அவர்களுக்கு பின் ஆண்டவர்கள் முதலிய வரலாறு சொல்கிறார். 

விஜயநகரம் உருவான கதையை நாம் பாடத்தில் படித்து இருக்கிறோம்.

ஹரிஹரர் புக்கர் என்ற இரு சகோதரர்கள் விஜயநகர சாம்ராஜ்யத்தை உருவாக்கியதையும் , புக்கரின் மகன் குமாரகம்பணன் மதுரையைக் கைப்பற்றி  மீனாட்சி கோவிலை மீட்டு சாம்ராஜயத்தை நிறுவியதையும்   சொன்னார்.

1929 முதல் 200 ஆண்டுகள் 13 அரசர்கள் ஆட்சி செய்த காலத்தைச் சொன்னார்.

நாகமநாயக்கர் கதை. அவர் மகனே (விஸ்வநாத நாயக்கர்) அவரைச் சிறைப்பிடித்த கதை, கிருஷ்ணதேவராயர் விஸ்வநாத நாயக்கருக்கு மதுரை அரசைக் கொடுத்த கதை,  விஸ்வநாத நாயக்கர் அமைச்சர் அரியநாத முதலியார் திறம்பட நாட்டை ஆள 72 பாளையங்களாக பிரித்த விவரம் ஆகியவற்றைக் கூறினார். இப்படி அரசாண்ட நாயக்கர்களில் திருமலை நாயக்கரும், ராணி மங்கமாளும்  இன்றளவும் பேசப்படுபவர்கள். இவர்கள் காலம் பொற்காலமாக இருந்தது. போர் இல்லாமல் அமைதியாக இருந்தது.

திருமலை நாயக்கர் கால ஆட்சியில் கலை, விழாக்கள் சிறப்பாக இருந்ததைச் சொன்னார். அவருக்கு மண்டைச்சளி நோய் வந்த போது மீனாட்சியம்மை கனவில் வந்து  திருச்சி போகாமல் இங்கேயே இரு நோய் குணமாகும் என்று சொன்னதாகவும் மறுநாள் அவர் நோய் தீர்ந்ததாகவும் சொன்னார். மீனாட்சியம்மைக்குக் கொடுத்த வாக்குப்படி தலைநகரைத் திருச்சியிலிருந்து மதுரைக்கு மாற்றி அரசாண்டார்.

கடைசியாக ஆண்ட ராணி மீனாட்சிக்குக் குழந்தைகள் இல்லை . சூழ்ச்சியால் மீனாட்சிக்கு பின் நாயக்கர் அரசு முடிவுக்கு வந்து விட்டது.

சென்னை ஆளுநராகயிருந்த நேப்பியர்  அவர்கள் மதுரைக்கு வந்து இந்த அரண்மனையை ப்பார்த்து வியந்து அரண்மனையைப் புதுப்பிக்க ரூ5 லட்சத்திற்கு மேல்நிதி  ஒதுக்கினார்.   நீதிமன்றமாய் செயல்பட்ட  அரண்மனை 1975 க்குப் பின் தொல்லியல் துறை வசம் வந்து விட்டதை விரிவாகச் சொன்னார்.

திருமலை மன்னர் காலத்தில் ஏரிகள் உருவானது, கோவில்களும் அதிகம் கட்டப்பட்டது.

கிறித்துவ மத போதர்களை ஆதரித்தார், இஸ்லாமிய  தர்காவை ஆதரித்தார், சைவ, வைணவ ஆலயங்களுக்குத் திருப்பணிகள் செய்து இருக்கிறார். புதிதாகக் கட்டியும் இருக்கிறார்.

இந்த திருமலைநாயக்கர்மஹாலை இத்தாலியர் வடிவமைத்தார். இந்திய இஸ்லாமிய ஜெர்மானிய கலை என்றும் இந்தோ-சார்சானிக் கலை என்று அழைக்கப்படுகிறது என்றார்.

இப்போது அரண்மனை இருப்பது நான்கில் ஒரு பங்குதான் என்றும்  சொன்னார். மீண்டும் இதை புதுப்பிக்க ரூ.4கோடி தொல்லியல் துறை ஒதுக்கி இருப்பதைச் சொன்னார்.

இவ்வளவு செலவு செய்வதால் இதனைப் பாதுகாப்பது நம் கடமை என்றார்.

பின்னர்  எழுத்தாளர்  அர்ஷியா அவர்களுக்கு மெளன அஞ்சலி செய்யப்பட்டது. (மதுரையைச் சேர்ந்த எழுத்தாளர் அவர் . அன்றைய முந்தினம் சனிக்கிழமை மாரடைப்பால் காலமானார் )

 மாலை அவர் வீட்டில் நடக்கு இறுதி அஞ்சலியில் கலந்து கொள்பவர்கள் கலந்து கொள்ளலாம் என்றார்.  

இந்த சிம்மாசனம் பழைய சிம்மாசனம் இல்லை 

பாடத்தில் படித்தது -ஒருவராகத் தூண்களை கட்டிப்பிடிக்க முடியாது என்று

மேல் பகுதி உடைந்து விழுந்து இருப்பதால் அந்தப் பகுதிக்குப் போகத் தடை 

கயிறு கட்டி வைத்து இருக்கிறார்கள்.

ஒலியும், ஒளியும் முன்பு பார்த்து இருக்கிறோம் இங்கு

புறாக்கள் மட்டும் மில்லை- தேனீக்கூடுகளும்  உண்டு, இரண்டு மூன்று இடங்களில் இருந்தது.

கலசங்களிடையே  சின்ன பறவை நானும்  இருக்கிறேன் என்று சொல்கிறது. வானம் அழகாய் இருந்தது.

தூண்களில் ஜன்னல் வேலை செய்த  சூரிய ஒளி

இந்தத்  தூண் பக்கம் இருக்கும் ஜன்னலில் அமர முடியாதபடி ஆணி போன்ற அமைப்பைச் செய்து வைத்து இருக்கிறார்கள், ஜன்னல் மேல் ஏறிச் சுவர் மேல் புறம் எல்லாம் பேர்களை எழுதி வைத்து இருக்கிறார்கள்.

அரண்மனையின் பின் பகுதி

பின் வாசல் வழி எடுத்த படம்

நிறைய அழகிய கலை அம்சத்துடன் உள்ள  சிலைகள் இங்கு இருக்கிறது.

ஒவ்வொரு கோணமும் அழகுதான்

2012ல் பார்த்த போது   விதானம் மிக அழகாய் இருந்தது , இப்போது  வண்ணம் குறைந்து விட்டது

நரசிம்மர் பக்கத்தில் இருக்கும் அலமாரிகளில் இப்போது காலியாக இருக்கிறது.   பராமரிப்பு வேலை நடைபெறுகிறது என்று போட்டு இருந்தார்கள்.

அருங்காட்சியகம் 

கிணறு தோண்டப்பட்ட வரலாறு

இந்த அரண்மனையைப் பராமரிக்க ஆகும் செலவு ரூ4 கோடியாம் 

ஆனால் நம் மக்கள் இப்படித் தூண்களில் தங்கள் பெயர்களைச் செதுக்கிப் பாழ் செய்கிறார்கள் , கண்காணிப்புக் கேமிரா பொருத்தி, காவலுக்கு ஆட்கள் போட்டால் நல்லது. 

                                                        வாழ்க வளமுடன்.