அன்பு செய்து வாழ்வோம்

வெள்ளைப்புறா   எங்கள் வீட்டுக்கு வந்தது






இந்த வெள்ளைப்புறாவைப் பார்க்கும் போது மனதுக்கு மகிழ்ச்சியும் அமைதியும் கிடைக்கும் என்று முகநூலில் பகிர்ந்து இருந்தேன்.

அன்பின் தூதுவர்கள்.

என் ஜன்னல் வழியே என்ற தலைப்பில்  பறவைகளை   படம் எடுத்துப் போட்டு வருவது உங்களுக்கு தெரியும். முகநூலில் போடுவதை என் சேமிப்பாய் வலைத்தளத்தில்  போடுவேன்.  

அதிரா இரண்டு நாள் முன் போட்ட பதிவில் ஒரு அழகான வெள்ளைப்புறாவைப் போட்டு இருந்தார். "நான் அடுத்த பதிவில் வெள்ளைப்புறாவைப்  போடலாம் என்று இருக்கிறேன் என்றேன் "அவர் காதலர் தினத்தில் போஸ்ட் செய்யுங்கள் அக்கா என்றார்கள். 

அதிராவின் விருப்பபடி காதலர் தினத்திற்கு ஒரு நாள் முன்பே  வெள்ளைப்புறாவைப் போட்டு விட்டேன்.


முன்பு அமைதி புறவே அமைதி புறாவே அழைக்கின்றேன் உன்னை என்ற பதிவில் இதைவிட அழகான ஒல்லியான வெள்ளைப்புறா  படம் போட்டு  இருந்தேன்.

ஜோடி ஜோடியாக மாலை நேரத்தில் பேசிக் கொண்டு இருந்த போது எடுத்தது






இவை அலைபேசியில்  எடுத்த படங்கள்

என்ன அவசரம் ! மெதுவா சாப்பிடுங்க என்று போட்டேன் முகநூலில்

(சின்ன காணொளிதான் அவை அவசரமாய் சாப்பிடும் அழகை பாருங்கள்.)

இரண்டும் சேர்ந்து தான் தினம் சாப்பிட வரும். மற்ற பறவைகள் காத்து இருக்கும் இவை சாப்பிட்டு முடிக்கும் வரை. 

சாப்பிட்டு விட்டு ஓய்வு எடுக்கும் இடம்.

அன்பு 

நீ சாப்பிடும் வரை நான் காத்து இருக்கிறேன்" என்று சொல்கிறது மைனா பெண் குயிலிடம் இது விட்டு கொடுக்கும் அன்பு. நீ சாப்பிடும் வரை

மேலே புறாக்களின் அன்பை  பார்த்து ரசிக்கிறேன் என்கிறது மைனா.

மீண்டும் கூடு கட்டுகிறது , தன் குஞ்சுகளுடன் ஆனந்தமாக இருக்க வேண்டும்.

"ஆசை அலைகள்"என்ற படத்தில் வரும் இந்த பாடல் கேட்டு பாருங்கள்  நன்றாக இருக்கும்.  சீர்காழி கோவிந்தராஜன் ,  எல். ஆர். ஈஸ்வரி ஜமுனா ராணி பாடியது.

அள்ளி அள்ளி கொடுத்தாலும் குறையாத அன்பாம், உள்ளம் என்று உள்ளவருக்கு உண்மையானதாம்,  உலகம் என்ற ஒன்று உள்ளவரை உறுதியானதாம் .

அன்பு என்பது  தெய்வமானது, அன்பு என்பது இன்பமானது என்ற வரிகள் கொண்ட மிகவும்  அருமையான பாடல்.

கொடுத்துப் பாருங்கள் அன்பை, பின்  அது தரும் தெம்பை நினைத்துப் பார்க்கச் சொல்கிறார்    மருதகாசி அவர்கள். 

மருதகாசி எழுதிய பாடலுக்கு ஏ.எம்.ராஜா இசை அமைத்து சுசீலா, திருச்சி லோகநாதன்,ஜிக்கியுடன் இணைந்து பாடியது.  கேட்டுப் பாருங்களேன்.

"முத்தான முத்துக்குமாரா முருகைய்யா வா வா சித்தாடும் செல்வக்குமாரா "

கடைசி வரியில் அன்று பூத்த மலரால் உன்னை அர்ச்சிப்பேன் வருவாய் அப்பா, அன்பான மனதால் உன்னை அர்ச்சிப்பேன் வருவாய் அப்பா என்று வரும்.

இறைவனை அன்பான மனதால்தான் அர்ச்சிக்க வேண்டும். அதைத்தான் இறைவனும் விரும்புவார்.

அன்புதான் கடவுள் அன்புதான்  அனைத்தும். என்று சொல்கிறார்கள்.
எல்லா மதங்களும் போதிப்பதும் அன்புதான்.

அன்பே நீயும் அன்பே நானும்

அன்பே சத்தியம் அன்பே நித்தியம்

அன்பே சாந்தம்  அன்பே ஆனந்தம் 

அன்பே மெளனம் அன்பே மோக்ஷம்

அன்பே பிரம்மமும் அன்பே  அனைத்துமென்றாய் 

- கந்த குரு கவசம்

எல்லோரும் எதிர்ப்பார்ப்பது அன்பு.  ஆனால்  எதிர்ப்பார்ப்பு இல்லாத அன்பு செலுத்தத் தெரிந்து இருக்க வேண்டும்.  இந்த காலகட்டத்திற்கு அது மிக அவசியம் என்பதையும் தெரிந்து இருந்தல் நலம்..

அன்பு செய்து    வாழ்வோம். அன்பர்கள் தின வாழ்த்துக்கள் !



                                                         வாழ்க வளமுடன் !