பார்லெட் ஏரி அரிசோனா ,(Bartlett Lake, Arizona ) பகுதி - 2

                                                              பார்லெட் ஏரியில்  

பார்லெட் ஏரியில் பார்த்த   வான்கோழி கழுகு (Turkey vulture)

பீனிக்ஸ் ஊரிலிருந்து 48 மைல் தூரத்தில் உள்ள பார்லெட் ஏரிக்கு ஞாயிற்றுக்கிழமை போய் இருந்தோம்.

இதற்கு முன் போட்ட பதிவு:-   பார்லெட் ஏரி

ஏரியில் பார்த்த பறவையை அடுத்த பதிவில் பார்க்கலாம் என்று சொன்னேன். ஏரியில் பார்த்த கழுகு படங்கள், மற்றும் வேறு சில படங்கள்  இந்த பதிவில் . 

வானில் வடடமிட்டு கொண்டே இருக்கிறது

கொஞ்சம் கீழே இறங்குது

தண்ணீரின் மேலே ஒரு மீனூம் வரவில்லை 

மூன்று பறவைகள் பறந்தன, ஆனால் ஒவ்வொன்றும் ஓவ்வொரு திசையில் சேர்த்து எடுக்க முடியவில்லை.
 

கீழே ஏரிக்கரையில் இறங்கி விட்டது. 

இந்த பறவை புதர் நிலங்கள், மேய்ச்சல் நிலங்கள், மற்றும் பாலைவனத்தில்  வாழும் பறவை. தன் கூரிய கண்கள் மூலமும், வாசனை மூலமும் உணவை  கண்டுபிடித்து உண்கிறது. இயற்கையை சுத்தமாக வைப்பதற்கு இந்த பறவை உதவுகிறது. 

மரங்களில் மேல், மலைகளின் பொந்துகளில் கூடு கட்டி இரண்டு முட்டை யிட்டு குஞ்சு பொரிக்கிறது. 

பறவை நிற்கும் இடத்தில்  இருக்கும் மலையில் குகை போன்ற அமைப்பு இருந்தது அங்கு தான் வசிக்கிறது போல.

கரையிலும் இரை கிடைக்கவில்லை

தண்ணீரில் இறங்க வேண்டியதுதான் என்று முடிவு செய்து விட்டது

கருப்பு கோட் போட்டு நிற்பது போல இருக்கிறது

கால் வலிக்கிறது போலும் கொஞ்சம் உட்காருகிறது

ஆஹா ஒரு வழியாக ஏரிநீரில் இறங்கி விட்டது. வான் கோழி போல தலை இருக்கிறது என்றவுடன் கூகுளில் பார்த்து ஆச்சி இது வான்கோழி   கழுகுதான் என்று சொன்னான் பேரன்.

பேரனும் சில படங்கள்  எடுத்தான்  . நான் அமர்ந்து இருந்த இடத்தில் பெரிய பாறை என் முன் இருந்தது, அதனால் நீங்கள் அங்கேயே இருங்கள், நான் எடுத்து தருகிறேன் என்று சொல்லி எடுத்து கொடுத்தான்.

பாறைகளுக்கு இடையே இருந்த செடியில் பூத்த மலர் பேரன் எடுத்த படம்.

கொண்டு வந்த விளையாட்டு பொம்மைகளை வைத்து  கதை காணொளி எடுக்கிறான்.

அவன் அமர்ந்து இருக்கும் பாறை பக்கம் உள்ள பாறையில் பல்லி  சென்றது,  பேரன் அதை படம் எடுக்க சொன்னான், எடுத்து விட்டேன்.

ஏரியை படம் எடுக்கும் அப்பா

அப்பாவின் தோளின் மேல் அமர்ந்து ஏரியின் அழகை  ரசிக்கும்    குழந்தை.

வரும் வழியில் பார்த்த மலை  படுத்து கொண்டு இருக்கும்   சிறுவனின் முகம் போல தெரிகிறது. தலைமுடியை தூக்கி சீவி கொண்டது போல இருக்கிறது. மூக்கு நல்ல எடுப்பாக தெரிகிறது. உங்கள் எல்லோருக்கும் எப்படி தெரிகிறது என்று சொல்லுங்கள்.

வாழ்க வையகம்! வாழ்க வையகம்! வாழ்க வளமுடன்!

--------------------------------------------------------------------------------------------------