புறாக்களின் தவிப்பு

பல நாட்கள் ஆகி விட்டன  பறவைகள்   பதிவு போட்டு.   ஜன்னல் வழியே, மற்றும் பால்கனி வழியே பறவைகளை பார்த்து பதிவு செய்வேன். நிறைய பறவைகளை படம் எடுத்தும் வைத்து இருக்கிறேன், அவைகளை போட வேண்டும்.   இந்த முறை  பறவைகளின் படங்கள் எல்லமே  ஒரு தேடலை சொல்கிறது.

கூட்டை தேடி, தனக்கு உணவு அளித்த தோட்டத்தை தேடி என்று.

 சில நாட்களுக்கு முன் எங்கள் வீட்டுக்கு பின்னால் இருக்கும் வீட்டில்  புறாக்கள் கூடு கட்ட முயற்சி செய்து வெற்றிகரமாக கட்டி விட்டது. அவர்கள் துணி எல்லாம் காய போட்டு இருக்கும் இடத்தில் இப்படி தைரியமாக கூடு கட்டுகிறதே! என்று  நினைத்து கொண்டு இருந்தேன்.

அந்த பறவைகளை படம் எடுத்து இருந்தேன்.  இந்த பதிவில் பறவைகளின் வீடு(கூடு என்னவாயிற்று என்று பாருங்கள்.)

இந்த பறவைகள் கூடு கட்ட ஏற்பாடு செய்யும் போது முன்பு நான் போட்ட பதிவு " கூட்டைக்கட்டிப்பார் " பதிவு நினைவுக்கு வந்தது. (புறாக்கள் கூடு கட்ட இடம் தேடும் பதிவு)

தினம் பார்வையிட்டு குச்சிகளை கொண்டு வந்து அவர்கள் வீட்டு மிதியடி துணி மேல்  வைத்தன. அவர்கள் வீட்டு துடைப்பம் குச்சிகளையும் கொஞ்சம் எடுக்க முயற்சிக்கும்.

எப்படியோ அவசரமாக பேறுகாலத்திற்கு கூடு அவசியமாகி விட்டது .

அமர்ந்து கொண்டு விட்டது வசதியாக

"சரி, சரி பத்திரமாக இரு நான் வருகிறேன்  ஏதோ புது குச்சியை கொண்டு வந்து குறுக்காய் வைத்து இருக்கிறார்கள் இந்த வீட்டு அம்மா"

வீட்டை நோக்கி ஒரு பார்வை

நம்மை விரட்டிவிடுவார்களோ என்று  பரிதாபமாக பார்த்து கொண்டு இருக்கிறது.

அவர்கள் நினைத்தமாதிரியே ஆகி விட்டது, அவைகளை விரட்டி விட்டு அந்த பக்கம்  செய்தி தாள் தடுப்பு செய்து வைத்து விட்டார்கள்.

அதை விலக்க பார்க்கிறது

தான் வைத்த முட்டையின் நிலை என்ன என்ற தவிப்பு

இரண்டு நாளாக  இரண்டு பறவைகளும் மாறி மாறி வந்து பார்வையிட்டு ஏமாற்றமாய் திரும்பின

முட்டை இருந்தால் எப்படியாவது உள்ளே நுழைந்து அடைகாக்கலாம்

மிக்ஜாம் புயல் வெள்ளத்தால் எத்தனை பறவைகளின் கூடுகள் வெள்ளத்தில் அடித்து செல்லப்பட்டதோ ? எத்தனை மக்கள் வீடு இழந்தார்களோ? 

 புயல், மழையால் , மழை நீர் வீட்டுக்குள் புகுந்து விட்ட காட்சிகள் மக்கள் பட்ட அவதிகளை   தொலைகாட்சியில் பார்க்கும் போது மனம் கலங்கியது. அது போலவே  இவைகள் கூட்டை தேடி தான் வைத்த முட்டையை தேடி அலைந்தது மனதுக்கு மிகவும் பாரமாக இருந்தது.

அடுத்த பதிவில் தனக்கு உணவு அளித்து வந்த தோட்டத்தை தேடி வந்த  பறவைகளின் படம் இடம்பெறும்.

இன்று வெற்றிகரமாக செய்தி தாளை தள்ளிவிட்டு அமர்ந்து விட்டது. (9.12. 2023) இதைதான் விடாமுயற்சி என்பார்கள், வெற்றி அளித்தால் மகிழ்ச்சி.

வாழ்க வையகம்! வாழ்க வையகம்! வாழ்க வளமுடன்!

--------------------------------------------------------------------------------------------------