மகிழ்ச்சியைத் தரும் நவராத்திரி பண்டிகை

இதற்கு முன் போட்ட பதிவு  நவராத்திரி கொலுவும் பேரனின் பக்தபிரகலாதா நாடகமும்  படிக்கவில்லை என்றால் படிக்கலாம்.

இங்கு (அரிசோனாவில்) மகனின் நண்பர்கள் வீட்டில் வைத்த கொலுவுக்கு நாங்கள் போய் வந்தோம், அந்த படங்கள்  பதிவில்  இடம்பெறுகிறது.

சென்னை சொந்த ஊர் இவர்கள் வீட்டில் கல்யாண செட் என்னை கவர்ந்தது

சீர்காழி சொந்த ஊர் இவர்கள் வீட்டில்  சின்னதாக அழகாய் மூன்று பக்கம்  படிகளில் பொம்மைகள் வைத்து இருந்தார்கள்

கீழ்படியில் உள்ள  பட்டாபிஷேக   பொம்மைகள், துளசி பூஜை செய்யும்  பொம்மைகள் அழகு

ஒருபக்கம் திருப்பதி கோயில்

மறுபக்கம்  உப்பிலி அப்பன் கோயில் காட்சி

 

எளிமையான கொலு கோவில் பிராகாரம் பின்னனி அழகு

மாயவரம்  சொந்த ஊர்  இவர்கள்  வீட்டுக் கொலு. மயில் வடிவில் அம்பாள் சிவனை பூஜித்த பொம்மை இருக்கிறது  இரண்டாவது படியில்.

 

திருப்பூர் சொந்த ஊர்   இவர்கள் வீட்டுக் கொலு படி  நம் தேசிய கொடி  கலரில் விரிப்பு அழகு. 

ராஜராஜேஸ்வரி பூஜித்தல்

கும்பகர்ணனை உறக்கத்திலிருந்து  எழுப்புதல்

 
பெருமாள் உற்சவம்

ஐயப்ப பூஜை

நான் அவ்ர்கள் வீட்டில் ஒரு பக்கத்தில்  பியோனோ இருப்பதைப்பார்த்து யார் வாசிப்பார்கள் என்று கேட்டேன், மகன் வாசிப்பான் என்றார்கள். மாடியில்   படித்து கொண்டு இருந்த மகனை வர செய்து "பாட்டிக்கு வாசித்து காட்டு" என்றவுடன் இனிமையாய் மூன்று பாடல்கள்   வாசித்தான்  பாராட்டி வாழ்த்தினோம். 

  

சேலத்தை சேர்ந்தவர்கள்  , இந்த வீட்டில் நான்காவது படியில் திருமணம் ஐந்தாவது படியில் குழந்தைக்கு காது குத்தும்,  

விருந்து உபசார செட் அழகாய் இருந்தது.

திருநெல்வேலி சொந்த ஊர்,   இந்த வீட்டில்  இரண்டு பக்கமும் படிகளில் பொம்மைகள் வைத்து இருந்தார்கள்.

இரண்டு படிகளுக்கு நடுவில்   மீனாட்சி, சிவபெருமான் சிலைகளை  வைத்து அவர்கள் முன்  திருமணம் நடைபெறுவது போல   வைத்து இருந்தார்கள் .

 

சிவகாசி சொந்த ஊர்  இவர்கள் வீட்டில் நடுவில் படி அமைத்து பொம்மைகள் இருபக்கமும்  அழகாய் பொம்மைகள்

விளையாட்டுகள் 

கல்யாணம் , இசை கச்சேரி,  விருந்து உபசாரம்

அரிசோனா சாய் கோயிலில்  போட்டு இருக்கும் நவராத்திரி கொலு பதிவில் எங்கள் வீட்டு கொலுவும் இடம்பெற்று இருக்கிறது.  கல்யாண பாட்டுடன் எங்கள் வீட்டு கொலு இடம்பெறும். மேலும் முதலில் தெரியும் மூன்று அம்மன்  எங்கள் வீட்டு அம்மன்கள். சாய் கோயில் கொலுவோடு மேலும் நாலு வீட்டு கொலு படங்கள் இடம்பெற்று இருக்கிறது.

கடைசியில் உள்ளதுதான் சரஸ்வதி பூஜை அன்று புத்தகங்களை அடுக்கி அதன் மேல் சரஸ்வதி அலங்காரம் செய்வோம். சரஸ்வதி பூஜைக்கு ஏடுஅடுக்குதல்,   விஜயதசமிக்கு ஏடுபிரித்தல் அதில் வைக்கப்பட்ட புத்தகம் எடுத்து வாசிப்போம், அன்று சில வீடுகளில் சிறு குழந்தைகள் இருந்தால் ஏடு தொடங்குதல் என்று  படிக்க வைப்பார்கள்.  

https://www.dinamalar.com/world-news-nri-ta/united-states

அக்டோபர் 23  தினமலர்  பத்திரிக்கையில்   

"அமெரிக்க தினமலர் வாசகர் வீட்டில் நவராத்திரி" என்ற தலைப்பில் மகன் வீட்டு கொலுவை பற்றிய செய்தி   வந்து இருக்கிறது.

எங்கள் வீட்டு கொலுவுக்கு வந்தவர்களுக்கு மருமகள்  கொடுத்த தாம்பூல பை, செல் வைத்துக் கொள்ள வசதியாக . இந்தியாவிலிருந்து வரவழைத்தது.  இந்த கிண்ணமும், மஞ்சள், குங்கமும்  அங்கு வாங்கியதுதான். பெரிய குழந்தைகளுக்கு  பேனா  அதில் வாசகம் எழுதி இருக்கும். ஒவ்வொருவரும் அதை எடுத்து தங்களுக்கு என்ன வந்து இருக்கிறது என்று படித்து மகிழ்ந்தார்கள். சிறிய குழந்தைகளுக்கு விளையாட்டு சாமானகள் கொடுத்தாள் மருமகள்.

முன்பு மாதிரி 9 படிகளை அமைத்து அதில்  ஓரறிவு, ஈரறிவு, மூன்றறிவு என்று  வைப்பதும், அவர் அவர்களுக்கு  உள்ள திறமைக்கு ஏற்றவாறு கதைகள் சொல்லியும்  பொம்மை கொலுவை சிறப்பாக செய்கிறார்கள். அப்படி ஒரு நண்பர் வீட்டில் முருகனை பற்றி வைத்து இருந்தார்கள், ஒரு வீட்டில் குருபரப்பரை என்று காஞ்சி பெரியவரை  பற்றி வைத்து இருந்தார்கள், இன்னொரு வீட்டில் உடுப்பி கிருஷ்ணன் வரலாறு. இன்னொரு வீட்டில் துவாரகை கண்ணன்  , இன்னொரு வீட்டில்  இந்தியாவின் சிறந்த பெண்மணிகளை குறித்து வைத்து இருந்தார்கள் அதை அடுத்த அடுத்த பதிவுகளில் பார்க்கலாம்.

வேலைக்குபோய் கொண்டு, வீட்டுவேலைகளையும் பார்த்து கொண்டு  நவராத்திரி கொலுவில் தங்கள் கை திறமைகளை காட்டி  கொலுவை அழகு படுத்தி விட்டார்கள்.

வந்தவர்களுக்கு ருசியான உணவு, பிரசாதங்கள், மற்றும் தேர்வு செய்த பரிசு பொருட்கள், மற்றும் அன்பான உரையாடல் என்று உபசரித்து வந்தவர்களை அன்பு மழையில் நனைய வைத்தார்கள்.

நவராத்திரி பண்டிகை வீட்டில் உள்ள அனைவரையும் மகிழ்ச்சியாக உற்சாகமாக வைத்து இருந்தது. எல்லோர் வீட்டு குழந்தைகளும் வயதானவர்களிடம் அன்புடன் உரையாடியது மேலும் மகிழ்ச்சி.  பெரியவர்கள் காலில் விழுந்து ஆசீர்வாதம் வாங்கினார்கள். அயல் நாட்டில் இருந்தாலும்  நம் பழக்க வழக்கத்தை கடைபிடிப்பது மகிழ்ச்சியாக இருந்தது. பாட தெரிந்த குழந்தைகள் பாடுங்கள் என்றால் உடனே பாடினார்கள். வேலை வேலை என்று ஓடுபவர்கள்  இந்த  10 நாட்களும் மகிழ்ச்சியாக   எல்லோர் இடமும் உரையாடி மகிழ்ந்தார்கள். 

வாழ்க வையகம்! வாழ்க வையகம்! வாழ்க வளமுடன்!