வசந்த காலம்

                                          வசந்த கால மலர்கள். 

அரிசோனா எங்கும் இந்த கலர் காகிதப்பூ  மலர்கள்தான்  அலங்காரமாக  வீதி ஓரங்களில் மற்றும் வீட்டின் முன்புறம், பின்புறம் எல்லாம் வளர்க்கப்படுகிறது.

 

வெயில் வந்து விட்டால் மனிதன் மட்டும் தான் "என்ன வெயில், என்ன வெயில்  கொடுமை" என்கிறான். ஆனால் தாவரங்கள், மரங்கள் அதை நம்பி வாழும் உயிரினங்களுக்கு மகிழ்ச்சியான காலம். அவைகளுக்கு தண்ணீரும், உணவும் கிடைத்து விட்டால் அவை மேலும் மகிழும். தாவரங்களுக்கு உணவு தயார் செய்ய  சூரியஒளி வேண்டி இருக்கிறது.

இந்த இளவேனில் காலம் என்று அழைக்கப்படும் சித்திரை மாதம் இயற்கை தன்னை மேலும் அழகு படுத்திக் கொள்கிறது.

இன்பமலர்கள் பூத்து குலுங்கும் சிங்காரத்தோட்டமாக மாறிவிடுகிறது. 

குளிர்காலம் முடிந்து  கோடை காலம் ஆரம்பிக்கும் இந்த இளவேனில் காலத்தில் கண்களுக்கு  குளிர்ச்சியை மனதுக்கு மகிழ்ச்சியை  இயற்கை அள்ளி தருகிறது. பார்த்து மகிழ்வோம்.

இலையுதிர்காலமும் இலைகள் வண்ணமயமாக மாறி ஒரு அழகை கொடுத்து உதிர்ந்தது  இங்கு . அது  முடிந்து இளவேனில் காலம் சித்திரையில்   மரங்கள், செடிகள் துளிர்த்தது.  இப்போது  பலவிதமான மலர்கள் பூத்து குலுங்குகிறது.

இங்கு பாதை ஓரங்களில் ஈச்சையும், காகிதபூக்களும் வளர்க்கிறார்கள்.மஞ்சள் பூக்கள் வீதி எங்கும் பூத்து குலுங்குகிறது.

 சுற்றுப் புற மாசுகளில்  இருந்து - குறிப்பாக காற்றில் வரும் தூசியில் இருந்து  தங்கள் வசிப்பிடத்தைக் காத்துக் கொள்ள வீட்டின்  சுவற்றோரங்களிலும்   வீதிகளில் இரு ஓரங்களிலும் காகித பூ கொடியை   வளர்க்கிறார்கள் இங்கு. தண்ணீரும் அதிக தேவைபடுவது இல்லை. கொடியை குத்து செடி போல் அழகாய் வெட்டி பராமரிக்கிறார்கள்.

தடுப்பூசி போட போனபோது  காரிலிருந்து எடுத்த படங்கள் 

காரில் அமர்ந்து இருக்க வேண்டும்  கார் ஜன்னலை திறக்க சொல்லி நமக்கு ஊசி போட்டு விடுவார்கள். இரண்டு ஊசியும் போட்டு விட்டேன்.

 மகன் வீட்டுத்தோட்டத்தில் அரளி பூ (அலரி)

வீட்டின் முன்புறம் உள்ள மரத்தில்  மொட்டு விட்டு இருக்கும் மரம்

மொட்டும் மலரும்

இந்தப்பூ கீழே விழுந்து காலில் மிதிபட்டால் இளம் மஞ்சள் மாவு பொருள் போல  ஆகிவிடும். காற்றில் அந்த மாவும் பறக்கும்.

பூத்து குலுங்கும் மரம் இலையே தெரியாமல் . இந்த பூவுக்கு  சிறு வண்டுகள் நிறைய  வரும்

மலரிலிருந்து இலைகள் வருவது வித்தியசாமாக இருக்கிறது.

மதிலுக்கு அடுத்த பக்கம் உள்ள மலர்.   வீட்டு தோட்டத்திலிருந்து எட்டிப்பார்க்கிறது. கள்ளி வகையை சேர்ந்த செடி.

தேன் சிட்டுக்கு நிறைய தேன் தரும் மலர்

இன்னொரு வீட்டில் பூத்து இருந்த கள்ளிப்பூ   மொட்டும், மலரும்

இந்த அழகிய கள்ளிப்பூவும் அதே வீட்டில்தான்

இந்த  ஈச்சை மரத்தின் மலரின் மொட்டைப் பார்க்க கிளைகளை வெட்டி வைத்து இருந்தார்கள்  நடைபயிற்சியின் போது எடுத்த படம்

மேலே உள்ள மரத்தின் பூக்கள் காய்ந்து  உதிர்ந்து  எல்லோர் வீட்டு முன்னாலும்  இப்படி இருக்கும்

மஞ்சள் பூவின் மொட்டுக்கள்

இந்த மஞ்சள் பூக்களின் மகரந்தங்கள் பறந்து நமக்கு  தும்மல், சுவாச தொந்திரவு ஏற்படும் காலம். இருந்தாலும் கொரானாவால் நாம் முககவசம் அணிந்து செல்வதால் பாதிப்பு ஏற்படாது. ஆனால் மஞ்சள் பாவாடை போர்த்த தரையை சுத்தம் செய்வது பெரிய வேலை.

மகன் வீட்டு வெள்ளை அரளி  மிக உயரமாக போய் விட்டது மாடி பால்கனியிலிருந்து தான் மலர்களை பறிக்க வேண்டும்.

ஒரு வீட்டின் முன்  பார்த்த மலர்.  தாழம் இலைகளை போல் இருக்கும் குத்து செடியில் வெள்ளை மலர் கொத்து.  இயற்கை அன்னைக்கு  பரிசாக மலர் கொத்து  கொடுக்க இயற்கையாக   பூத்து இருக்கிறது.

தேன் சிட்டுக்கு பிடித்த மலர்

பக்கத்து வீட்டு வெள்ளை, பிங் ரோஜாக்கள்

 சிவப்பு அரளி. இந்த இரண்டு மரங்களை கடந்து போகும் போது ஒரு புராணகதை சொல்வான் பேரன், அது இன்னொரு பதிவில்  சொல்கிறேன். உங்களுக்கு நினைவு வருகிறதா என்று பாருங்கள்.

இலை தெரியாமல் பூக்கும் இந்த சிவப்பு மலரும்

ஆவரம் பூவின் மொட்டு போலவே இருக்கும்

நேற்று நடைபயிற்சியின் போது வீட்டுக்கு திரும்பி வீட்டின் முன் வளர்ந்து இருக்கும் ஆவரம் மலர் போல் இருக்கும் சின்ன மரத்தில் உள்ள  மலரை படம் எடுக்க போன போது  மரத்தின் உள்ளேயிருந்து மணிப்புறா சிறகடித்து பறந்தது. அப்போது மரத்தைப் பார்த்தேன்,  மரத்தில் கூடும், இரண்டு முட்டைகளும்  தெரிந்தது, மரம் என் உயரம் தான் இருக்கும். 

இரண்டு முட்டைகள்

 தூரத்திலிருந்து பறவையை தொந்திரவும் செய்யாமல் காமிரவில இன்று காலை எடுத்த படம்
 

                                        காமிரவில எடுத்த படம்.

கழுகு கண்ணில் படாமல் முட்டைகளை அடை காத்து குஞ்சுகள் பத்திரமாக பறந்து போக வேண்டும் என்று பிரார்த்தனை செய்து கொண்டேன்.

போகன் வில்லா(காகிதப்பூ கொடியில்) கொடியில் வழக்கம் போல் இந்த சமயம்  கூடு கட்டும் மணிப்புறா  கூடு கட்ட  ஆரம்பித்து இருக்கிறது. 

இந்த வசந்தகாலத்தில்  இயற்கை மகிழ்ச்சியாக இருப்பது போல் நாமும் கொரானா ஒழிந்து அனைவரும் நிம்மதியும் மகிழ்ச்சியுமாக இருக்க இறைவனை வேண்டுவோம்.

          வாழ்க வையகம் !வாழ்க வையகம்!  வாழ்க வளமுடன் !

---------------------------------------------------------------------------------------------------