பாடகச்சேரி ராமலிங்க சுவாமிகள்

2016  ஆம் ஆண்டு ஜனவரி மாதம்  23 ம் தேதி இராமலிங்க சுவாமிகள் திருக்கோயிலுக்கு போய் இருந்தோம். நானும், என் கணவரும்.

குரு தலமான ஆலங்குடியிலிருந்து  3.கி.மீ தூரத்தில்    உள்ளது பாடகச்சேரி 

கோவிலின் முன் குட்டிச் செல்லங்கள் 

வரும் பக்தர்கள் எல்லாம் பிஸ்கட் வாங்கி தருகிறார்கள்.

அன்னதான கூடம்

சன்னதிக்குள்  இராமலிங்க சுவாமிகள் வாழ்ந்த காலத்தில்  இருந்தவர்கள் அவருடன் இருந்தவர்கள் 

 வள்ளலாரின் ஆசி பெற்றவர் என்பதால் வள்ளலார் போல பசிப்பிணி போக்கி இருக்கிறார்.  கூழ் சாலை ஆரம்பித்து  பஞ்சம் வந்த போது மக்களின் பசித்துயர் போக்கி இருக்கிறார்.

கும்பகோணத்தின் பக்கத்தில் முத்துப்பிள்ளை மண்டபம் என்னுமிடத்தில் கூழ்சாலை   இருக்கிறது. இந்த கூழ் சாலையில் இவரின் குரு எரிதாதா சுவாமிகள் சன்னதி, சமரச சுத்த சம்ன்மார்க்க சங்க சத்திய ஞானசபை , சத்திய தரும சாலை, சத்திய வேத வைத்திய சாலை முதலியவை    இருக்கிறதாம்.

பாடகச்சேரி போய் விட்டு பக்கத்தில் திருநாகேஸ்ரம் போய் தரிசனம் செய்து வந்தோம்.  

திரு நாகேஸ்வரம் கோவில் மிகவும் பழுது அடைந்து இருப்பதை பார்த்து வருத்தம் அடைந்து   பக்தர்கள் அனைவரும் சேர்ந்து கோவில் கைங்கர்யம் செய்ய வேண்டும் என்று  பித்தளை செம்பை வயிற்று பகுதியில் கட்டிக் கொண்டு அலைந்து திரிந்து எல்லோரிடமும் பணம் பெற்று    1928 -ஆம் ஆண்டில் கோவில் கும்பாபிஷேகத்தை சிறப்பாக செய்தாராம்.

கோவிலில் இவருக்கு  தனி சன்னதி  அமைத்து இருக்கிறார்களாம். இராஜ கோபுரத்தில் இவரின் உருவச்சிலை இருக்கிறதாம்.

நிறைய தடவை திருநாகேஸ்வரம் போய் இருக்கிறோம் பார்த்தது இல்லை. இறைவன் அருளால் மறுபடியும் தரிசிக்கும் வாய்ப்பு கிடைத்தால் இராமலிங்க சுவாமிகளை தரிசிக்க வேண்டும்.

இப்படி தனி ஒருவராக கோவில் கும்பாபிஷேகத்தை நடத்தியதை அறிந்து நிறைய ஊர்களிலிருந்து  அவர்கள் ஊர் கோவில் கும்பாபிஷேகம் செய்ய உதவி கேட்டு வருவார்களாம்.

இப்போதும் கோவில் கும்பாபிஷேகம் தடை பட்டால் இவரை நினைத்துக் கொள்வார்களாம் உடனே நல்லபடியாக கும்பாபிஷேகம் தடை இல்லாமல் நடந்து விடுமாம். நிறைய கோயில்களுக்கு கும்பாபிஷேகம் நடத்தி கொடுத்து இருக்கிறாராம்.  நிறைய அன்னதானம் செய்து இருக்கிறாராம்.

ஸ்ரீ பாடகச்சேரி சுவாமிகள் பற்றி விகடனில் திரு . பரணீதரன் அவர்கள் எழுதி இருக்கிறார்களாம்.

அவருடன் வாழ்ந்த மக்களிடம் கேட்டு தெரிந்து கொண்ட செய்திகள்  பற்றி புத்தகத்தில் எழுதி இருக்கிறார்களாம்.

1949 ஆம் வருடம் அம்பாளுக்கு உரிய ஆடிப்பூர தினத்தில் திருவொற்றியூரில் ஜீவ சமாதி ஆனார்.நேற்று போடலாம் என்று நினைத்தேன். திருவருள் இன்று கூட்டிவித்தது.

                                               கோவிலின் உள்ளே 

மிகவும் பழைய படம் சிவன் , பார்வதிவிசிறி சாமியார் யோகி ராம் சுரத்குமார்

மெளன குரு ஸ்ரீலஸ்ரீ அப்புடு சுவாமிகள்

புரவி பாளையம் கோடி சுவாமிகள், சாய்பாபா

கோவிலை இவர்தான் பார்த்து கொள்கிறார்.

கோவில் உள்ளும் சுதந்திரமாக நிற்கும் நாய்

                                குட்டிகள் அவரிடம் பேசுகிறது.

நான்  போய் வருகிறேன் என்று விடை பெற்று திரும்பினலால்

என்னை போக விடாமல் என் கால்களுக்கு பக்கத்தில்  வந்து நின்று கொண்டது.

நேபாள மன்னரும்  பைரவ உபாசகருமான ராஜாராம் சுவாமிகள்  இராமலிங்க சுவாமிகளுக்கு "பைரவ உபதேசம்" செய்து வைத்தராம்.  பாடகச்சேரியில் இருந்தவரை சுவாமிகள் பைரவ பூஜை செய்து வந்தராம். பைரவ பூஜை என்பது  பைரவ வாகனமான நாய்களுக்கு உணவு சமைத்து அவைகளுக்கு இலை போட்டு பரிமாறி அவை சாப்பிடுவதை மகிழ்ச்சியுடன் பார்ப்பது. பாடகச்சேரிக்கு பக்கத்தில் இருக்கும் ஊர்களுக்கு போய் நாய்களை வர சொல்லி விட்டு  வருவராம். அவைகளும் வந்து  இலையில்  முன் நின்று வைத்த உணவுகளை  சுத்தமாக சாப்பிட்டு செல்லுமாம். 

அவர் வாழ்ந்த காலத்தில் இருந்த மக்கள் தெருவில் திரிந்து கொண்டு இருக்கும் நாயிடம் இராமலிங்க சுவாமிகளை பார்க்க வேண்டும் என்று சொல்லி அனுப்பினால் அவர் வந்து விடுவாராம்.  நோய் நொடி , மற்றும் ஏதாவது பிரச்சனைகள்   உள்ளவர்கள் அவரிடம் வந்தால் அவர்  "ஆபத்சகாயம் " என்று சொல்லி திருநீறு பூசிவிட்டால் எல்லாம் சரியாகி விடுமாம்.

பிஸ்கட் வாங்கி போய் இருந்தேன்,   அவைகளுக்கு   கொடுத்தேன்.

என் கணவர் காரில் அமர்ந்து என் வருகைக்கு காத்து இருக்கிறார்.

தினமலர் கோவில் பக்கத்தில்   இந்த சுட்டியில் போய்  பாடகச்சேரி சுவாமிகளை பற்றி மேலும் விவரங்கள் வேண்டுமென்றால்  தெரிந்து கொள்ளலாம்.

நிறைய அற்புதங்கள் நிகழ்த்தி காட்டி இருக்கிறார். அவை எல்லாம் படித்து தெரிந்து கொள்ள விரும்பம் என்றால் படிக்கலாம்.

சகோ துரைசெல்வராஜூ அவர்கள் பாடகச்சேரி இராமலிங்க சுவாமிகள் கோவில் கும்பாபிஷேகத்தை  படங்களுடன் போட்டு இருந்தார்கள். அப்போது நானும் பாடகச்சேரி இராமலிங்க சுவாமிகள்  திருமடத்திற்கு போய் இருக்கிறேன். பதிவு போடவில்லை போட வேண்டும் என்று சொல்லி இருந்தேன்.

இன்று போட்டு விட்டேன்.

" நான் மறைந்தாலும் என்னை நம்பி இருப்பவர்களுக்கு நான் என்றும் உறுதுணையாக இருப்பேன் . என்னை நம்பாதவர்களுக்கும் நம்பிக்கை வரும் பொருட்டு உதவிகளை செய்து வருவேன்"  என்று சொல்லி இருக்கிறார்.

அனைவருக்கும் பாடகச்சேரி இராமலிங்க சுவாமிகள் எல்லா நன்மைகளும்  அருள வேண்டும்.

நாளை ஆடி 18  அனைவருக்கும் ஆடிப்பெருக்கு வாழ்த்துக்கள்! வாழ்க வளமுடன்

வாழ்க வையகம்! வாழ்க வையகம்! வாழ்க வளமுடன்.

---------------------------------------------------------------------------------------------------