நாலுபக்கம் மலைகள் நடுவில் ஏரி

அமெரிக்காவின் அரிசோனா மாநிலத்தில் அமைந்துள்ள "வில்லியம்ஸ் " நகரில் சுதந்திர தின விழா பார்க்க போகும் போது  போகும் வழியில் அழகிய ஏரியை பார்த்தோம்.  அதன் பேர்  Watson Lake 

  மக்கள் அந்த ஏரியில் படகு சவாரி செய்து மகிழ்ந்தார்கள்.  மலைகளில் ஏறினார்கள், மீன் பிடித்தார்கள் நல்ல பொழுது போக்கும் இடம்.

இந்த முறை வெயிலின் தாக்கம் அதிகம் என்பதால் விடுமுறை நாளில்  நீர்நிலைகள் இருக்கும் இடம் தேடி வருகிறார்கள். 

இதற்கு முன் போட்ட

அமெரிக்காவின் சுதந்திர தின கொண்டாட்டம்

  பதிவுக்கு முன் வந்து இருக்கவேண்டிய பதிவு இது.

மலைகளுக்கு நடுவே ஏரி

"நீலநிறம் வானுக்கும் கடலுக்கும் நீல நிறம்" என்ற பாடல் நினைவுக்கு  வருகிறது வானம்நீல நிறம் ஏரி நீரின் நிறமும் நீலம்.

ஏரியில் அவ்வளவு நீர் இல்லை என்றாலும் மக்கள் அதில் படகு சவாரி  செய்கிறார்கள். காரில்  அவர்களின் சொந்த படகை கொண்டு வருகிறார்கள். அங்கும் வாடகைக்கு  படகு கிடைக்கும்.

மலையும் ஏரியும்  சேர்ந்து இருப்பதால் இயற்கை அழகை அள்ளி தருகிறது

மலைகளின் வழியே வரும் மழை நீர் நன்னீர் என்பார்கள்.

சுற்றுலாவிற்கு ஏற்ற இடம். ஏரிசில இடங்கள் ஆழமாகவும் சில இடங்களில் நீர் ஓடை போலும்  காட்சி அளிக்கிறது

மூன்று  வாத்துக்களும் எல்லா படகு பின்னாலும் நீந்தி போய் கொண்டே இருந்தது.

  

பெரிய மலை மேலே தனி கல்  மேலே போய் உருட்டி விளையாட ஆசை  வரும் 

பெரிய உடம்பு, சிறிய தலை உள்ள  பூதம்  அமர்ந்து இருப்பது போல இருக்கிறது

மலைகளில் சிறு சிறு மஞ்சள் பூக்கள் பூத்து பார்க்க அழகாய் இருந்தது. 

 

கோடை காலம் என்பதால் நீர் வரத்து குறைவாக இருக்கிறது

ஒரு பாறைமேல் அமர்ந்து போஸ் கொடுத்தான் பேரன், என்னையும்  வந்து அமர சொன்னான்

நான் நிற்கும் இடம் எல்லாம் நீர் இருந்து  இருக்கும் முன்பு என்று நினைக்கிறேன்.

நான் சின்ன பாறையில் அமர்ந்தேன்

நீர் காற்றில்  அலை அலையாக   சென்றது பார்க்க அழகு, மீன் பார்த்தேன் என்றான் , நான் பார்க்கவில்லை.

எதிர் பக்க பாறையிலிருந்து மகன்  எடுத்தபடம்

தூரத்தில் ஒருவர் மீன் பிடிக்கிறார் தெரிகிறதா?

இந்த பறவைகள் படகு துறையில் இருக்கும் என்று விளம்பர பலகை வைத்து இருந்தார்கள் அவை இருக்கிறது.

முக்குளிப்பான் ஒன்றே ஒன்று இருந்தது. எதிர் பக்கம் இருந்து  பறந்து வந்து  மூழ்கி மூழ்கி மீனை தேடியது

அழகான வாத்துக்கள்

நீரின் நிறங்கள் , பச்சை, நீலம், என்று வித விதமாய் தோற்றம் அளித்தது



பலரும் தங்கள் வளர்ப்பு செல்லங்களுடன் படகில் சென்றார்கள், அவைகளை ஏரியில்  நீந்தி விளையாட விட்டு அதன் மகிழ்ச்சியை கண்டு மகிழ்ந்தார்கள். 

ஏரியில் குளிக்க  உற்சாகத் துள்ளலுடன் ஓடும் செல்லங்கள்

குட்டி நாய் அழகாய் நீரில் நீந்துகிறது

லைப் ஜாக்கெட் நாய்க்கு போட்டு இருக்கிறார்.

இவர்களும் சின்ன நாய்குட்டியை  முன்னல் வைத்து கொண்டு போகிறார்

படகை தொடர்ந்தும் அருகிலும் நீந்தி சென்றன இந்த மூன்று வாத்துக்களும்.

காவலர் பெரிய இரண்டு நாய்களுடன் கண்காணிப்பு செய்தார்

நானும் , மருமகளின் அம்மாவும் அமர்ந்து இருந்த பெஞ்ச்

பிரியமானவர்களின்  நினைவாக பெஞ்ச்  போட்டு இருந்தார்கள். ஏரிக்கரையில்.

வயதான பெண்மணி படகைதூக்கி கொண்டு வருகிறார்கள்.

காரிலிருந்து யார் உதவியும் இல்லாமல் அவர்களே தூக்கி வந்து படகு சவாரி செய்கிறார்கள்.

மலை அணில்

சுதந்திர தின விழாவுக்கு கொடிவண்ணத்தில் ஆகாயவிமானம்

மதிய உணவு , மற்றும் அமர நாற்காலியை எடுத்து வரும் பேரன்

நிழல் தரும் பைன் மரம்   அடியில்  அமர்ந்தோம், 

காலை வீட்டிலிருந்து மருமகள் செய்து வந்த பிரியாணி, தயிர் பச்சடி

மகனும், பேரனும்  தொப்பியை மரத்தில் தொங்க விட்டு இருக்கிறார்கள்.

பைன் மரக் காய்

ஒரு குட்டி பறவை பைன் மரத்து காய்களை பச்சை காயை கொத்தி கொத்தி போட்டது அதில் நீர் இருக்கும் போல ! வெயிலுக்கு நன்றாக இருக்கும் போலஅந்த பறவைக்கு. பறவை கண்ணுக்கு தட்டுபட மாட்டேன் என்றது (ஓங்கி வளர்ந்த பெரிய பைன் மரம்)காயை மட்டும் கடித்து நம் மேல் போட்டுக் கொண்டே இருந்தது.

இருந்த இடத்திலிருந்தே குழந்தைகள் தூரத்தில் விளையாடியதை எடுத்தேன்.

குழந்தைகள் விளையாட  இடம் இருக்கிறது

இரண்டு குழந்தைகள் பட்டம் விட்டார்கள்

தெரிகிறதா? வெள்ளை கலர் பட்டம் வால் சிவப்பு

மலை மேல் ஏறி விளையாடினார்கள்.

மலைமேல் சிலுவை குறி வைத்து இருக்கிறார்கள்.

மலையேற்றம் செய்ய அருமையான இடம்.

குடும்பத்தோடு விடுமுறை நாட்களில் சென்று வர அருமையான இடம்.

https://www.youtube.com/watch?v=UL7xemJZad4

பறவை பார்வையில் ஏரியின் அழகை காட்டும் காணொளி

நாங்கள் போன போது  இதில் உள்ளது போல நீர் நிறைந்து இல்லை. கொஞ்சம் குறைவு.

மகன் எடுத்த வீடியோவும் வர மாட்டேன் என்கிறது என்று இணையத்தில் தேடி போட்டேன்,  சிறிய காணொளி தான் பாருங்கள், சிலருக்கு வரவில்லை என்றால் சுட்டி கொடுத்து இருக்கிறேன் அது மூலம் பார்க்கலாம். நன்றாக இருக்கிறது.

மீண்டும் அடுத்த பதிவில் சந்திப்போம் . அனைவருக்கும் நன்றி.

வாழ்க  வையகம்! வாழ்க வையகம்! வாழ்க வளமுடன்