சென்னி ஆண்டவர் கோயில்

ஜூலை எட்டாம் தேதி கோவை போய் இருந்தோம், நானும் மகனும். அப்போது  கணவரின் தம்பி குடும்பத்தினருடன் இந்த முருகன் கோயில் போய் வந்தோம்.

விராலிக்காடு , கருமத்தம்பட்டி  எனும் இடத்தில் உள்ளது இந்த சென்னி ஆண்டவர் கோயில். சூலூர் வட்டம்,  கோவை மாவட்டத்தில் உள்ளது. அங்கு எடுத்த படங்கள் இந்த  பதிவில் இடம் பெறுகிறது.

கோயில் வாசலில் இந்த  அறிவுப்பு பலகை இருந்தது.   ஆடி மாதம் புகழ்பெற்ற அம்மன் கோயில்களுக்கு  1000 மூத்த குடிமக்களை அழைத்து செல்வதாக சொல்கிறது. கட்டணம் இல்லா ஆன்மீக பயணம் அழைத்து செல்கிறார்கள்.

 60 வயது முதல் 70 வயதுக்கு உட்பட்டவராக இருக்க வேண்டுமாம். 11 நிபந்தனைகள் இருக்கிறது. நிபந்தனைகளை படித்து பாருங்களேன். இதர விவரங்கள் கோயில் அலுவலகத்தில் நேரில் தெரிந்து கொள்ள வேண்டுமாம். 

1000 பேர்களும்  தரிசனம் செய்து வந்து இருப்பார்கள் இறை அருளால்.

திருப்பணி நடக்கிறது.

யாகசாலை

கோயில் மிக சுத்தமாக சாணி பெளடர் போட்டு மெழுகி இருக்கிறது.

மூலவர் முன் இருக்கும் கொடிமரம்

மூலவர் முருகன் இருக்கும்  கருவரை விமானத்தில் அழகான சிற்பங்கள், தென்னைமர பின்னணியில் பார்க்க அழகு

மாணிக்க வாசகர், நடராஜர், சிவகாமி

வெளி பிராகரத்தில் விநாயகர் மற்றும் நிறைய சுவாமி சன்னதிகள் இருக்கிறது

நடக்கும் போது வெப்பம்  தெரியாமல் இருக்க தரையில் வெள்ளை பெயிண்ட் அடிக்கப்பட்டு இருக்கிறது 

அப்பனுக்கு பாடம் சொல்லும் சுப்பையா

நரசிம்மர்

காற்றில் ஆடும் தென்னைமரங்கள் அழகு

நிறைய தூண்களுடன்  பார்க்க அழகாய் இருக்கிறது

இரண்டு படங்களும் ஒரே மாதிரி என்றாலும் சில வித்தியாசங்கள் கண்டு பிடிக்கலாம். நான் எடுத்ததும், மகன் எடுத்த படங்களும் இந்த பதிவில் இடம் பெற்று இருக்கிறது.

இந்த முறை கையில் ஊன்று கோலுடன் நடந்து சென்றதால்  நிறைய நடந்து படங்கள் எடுக்க முடியவில்லை.

மகனுடன் கங்கா மருத்துவமனை சென்று கால்வலிக்கு  மருந்துகள் வாங்கி வந்தேன். மகன் முன்பே பதிவு செய்து விட்டதால் எளிதாக இருந்தது, அவ்வளவு கூட்டம் மருத்துவமனையில்.

இரண்டு டாக்டர்கள் பார்த்தார்கள், இடுப்பு, மூட்டு சம்பந்த பட்ட  மருத்துவர்கள்.  மூன்று மாதம் மாத்திரைகள், வலிக்கு தடவி கொள்ள மருந்து, மற்றும் பிசியோதெரபியில் உடற்பயிற்சிகள் கற்றுக் கொடுக்கப்பட்டது. வலியை குறைத்து நம் இயக்கத்தை சீர் செய்யும் பயிற்சிகள் .

நடக்க வைத்து பார்த்தார்கள் இடுப்பிலா?  முட்டியிலா ? என்று

எனக்கு எம்,ஆர் ஐ ஸ்கேன்,  எக்ஸ்ரே எடுக்கப்பட்டது.

இடுப்பில் தான் பிரச்சனை  அது காலை பாதிக்கிறது என்றார்கள். முட்டியிலும் தேய்மானம் தெரிகிறது என்றார்கள்.

நடை கொஞ்சம் சாய்ந்து விட்டது, சாய்ந்து நடக்கும் முன்னரே மருத்துவரை பார்த்து இருக்க வேன்டும் என்றார்கள். அவர்களிடம் சொல்ல முடியுமா எத்தனை மருத்தவர்கள், எத்தனை எகஸ்ரேக்கள்   எத்த்னை பிசியோ தெரபிகள் என்று.

நான் ஏற்கனவே செய்து கொண்டு இருக்கும் 5 பயிற்சிகளை  அவர்களும் கற்று தந்தார்கள், நான் அறிவாளி படத்தில்  முத்துலெட்சுமி சொல்வது போல "அதுதான் எனக்கு தெரியுமே" என்றேன், எங்கே அடுத்த பயிற்சியை செய்யுங்கள் என்றார்கள் முத்துலெட்சுமி போல அதானே தெரியவில்லை என்று சொல்லாமல் அடுத்த அடுத்த பயிற்சிகளை செய்து காட்டியதும் மகிழ்ந்து தட்டி கொடுத்தார், தொடர்ந்து செய்யுங்கள் சரியாகி விடும் இல்லையென்றால் அறுவை சிகிட்சைதான் நிவாரணம் என்றார். இறையருளால் சரியாகிவிட வேண்டும்.  

அங்கு போன பின் தெரிந்து கொண்டது என்னை விட துன்பபடுபவர்கள் சிறியவர்கள் முதல் பெரியவர்கள் வரை     நிறைய  பேர் இருந்தார்கள். 

கங்கா மருத்துவமனையில் உள் நுழைந்தவுடன் வழிபட்டு செல்ல  பிள்ளையார், அம்மன், முருகன். தன்வந்திரியும் இருந்தார் அவரை எடுக்க மறந்து விட்டது.  எனக்காவும், வந்து இருப்போர் அனைவர் உடல் நலத்துக்கும்  வேண்டி வந்தேன்.

சென்னி ஆண்டவரிடமும்  வலியிலிருந்து  மீண்டு வர   வேண்டி வந்தேன்.

அன்னதான கூடம், சிறிய விழாக்கள் நடத்தலாம்.   திரைக்கு பின்னால் உடை மாற்ற இடம் எல்லாம் இருக்கிறது.

 

எல்லா வழிபாடுகளும் சிறப்பாக நடைபெறுமாம், ஓர்படி சொன்னார்

 துரத்திலிருந்து எடுத்த படம்  குருக்கள் உள்ளே இருந்தார்கள்.  அதனால் அவசரமாக ஒரு படம்., பார்த்து கொண்டே இருக்கலாம் அத்தனை அழகு முருகன். 

எத்தனையோ நாட்கள் ஆனது இந்த   பதிவு எழுதி வைத்து  கார்த்திகையும் சஷ்டி விரதமும் உள்ள நாளில் முருகன் பதிவு இடம்பெற்று இருக்கிறது இதுவும் அவன் விருப்பமே!

\

 https://www.facebook.com/senniandavarkovil/ 

முகநூல் அன்பர் ஒருவர் போட்டு இருந்த பதிவிலிருந்து எடுத்த படம் அவருக்கு நன்றி.

இந்த முருகனை தரிசனம் செய்து விட்டு ,

அருகில் இருக்கும்  சோழீஸ்வரம் சிவன் கோயிலையும் பார்த்து வந்தோம், அந்த கோயில் அடுத்த  பதிவில் .

வாழ்க வையகம் ! வாழ்க வையகம்! வாழ்க வளமுடன்!

---------------------------------------------------------------------------------------------------