பறவைகள் பார்த்தல் , காகங்களின் பறத்தலும் இருத்தலும் விளையாட்டு

போன மாதம் நான்கு தினங்கள் மொட்டைமாடியில் நடைபயிற்சி செய்த போது பறவைகளை படம் எடுத்தேன்.  பறவைகள்பார்த்தல் என்ற போன பதிவின் நிறைவு பகுதியில்  நிறைய காகங்கள் இருப்பதும் பறப்பதுமாய் இருந்தது , அதை  இன்னொரு பதிவில்  பார்ப்போம், சொல்லி இருந்தேன்.  அன்று பார்த்த காகங்கள் படங்கள் இந்த பதிவில் இடம்பெறுகிறது.

மாலை நேரம் இந்த மரத்தில் அமரும் , அப்புறம் பறந்து வந்து எங்கள் வளாகத்தில் உள்ள மேல் நிலை தொட்டியில் அமரும்.

மரத்தில்  காகங்கள் எல்லாம் ஒன்றாக அமரும், ஒன்றாக பறக்கும்.

இந்த மரம் எங்கள் வளாகத்திற்கு வெளியே இருக்கிறது, மொட்டை மாடியிலிருந்து பார்த்து எடுத்த படம்

அங்கும் இங்கும் கூச்சலிட்டுக் கொண்டு பறப்பதும் அமர்வதுமாக நீண்ட நேரம் பொழுது சாயும் வரை விளையாடும்.

கூட்டுக்கு போகும் முன் ஒரு குளியல் போட்டு விட்டுதான் போகுமாம்.

 மாலை நேரம் தினம் நடக்கும்  காக்கங்களின் இந்த பறத்தலும் , இருத்தலும் விளையாட்டு.  எதிர் பக்க நீர் நிலை தொட்டி மேலும் அதற்கு எதிர் திசையில் இருக்கும் மரத்திலும் அமர்வதும், பறப்பதுமாக விளையாடும். 

  ஒரு கால் உள்ள காகம் நிற்பது   காணொளியில் தெரியும் பாருங்கள். அந்த காகமும் தன் குறையை பொருட்படுத்தாமல் உற்சாகமாய் பறக்கும் அமரும்.

எங்கள் பக்கத்து  தண்ணீர் தொட்டியிலிருந்து  தண்ணீர் விழும் சத்தமும் கேட்கும் காணொளியில்.

 கால் ஒடிந்த   காகம் . இந்த காகத்தைப்பார்க்கும் போது எல்லாம் எப்படி கால் ஒடிந்தது? பிறவியிலேயே இப்படியா என்று எண்ணம் மனதில் ஓடும்.

மேல் நிலை தொட்டியில் இருந்து வழியும் நீரை பருகும் காகம்

ஒரு அண்டம் காக்கை தனக்கு கிடைத்த ஒரு பண்டத்தை கொத்தி தின்கிறது, இன்னொரு அண்டம் காக்கை அதை பார்த்து கொண்டு தன் அலகை சுவற்றில்  தேய்த்து கூர்மை படுத்தி விட்டு பாவமாய் உணவு பண்டத்தை தின்னும் காகத்தைப்பார்க்கிறது. காற்றின் ஒலியும் பறவையின் இறகுகள் காற்றில் பறப்பதும் பார்க்க அழகாய் இருக்கும் பார்த்து விட்டு சொல்லுங்கள், சிறிய காணொளிதான்.

கருப்பு நிற நாரைகள் இந்த வகை நாரைகள் அழிந்து வருவதாக சொல்கிறார்கள்  எங்கள் வீட்டுப்பக்கம் காலை 7 மணிக்கு பறந்து வரும், மாலை 4.30க்கு  இருப்பிடத்திற்கு திரும்பும் இது நாள் தோறும் காலம் தவறாமல் நடைபெறுகிறது.

வெகு தூரத்தில் பறந்து போகும் போதுதான் பார்த்தேன். 

கருப்பு நாரைகள்

பட உதவி தினமலர் பத்திரிக்கை நன்றி.

பறவைகள் பார்த்தீர்களா? எப்படி இருக்கிறது சொல்லுங்கள். 

வாழ்க வையகம்! வாழ்க வையகம்! வாழ்க வளமுடன்!

---------------------------------------------------------------------------------------------------