கந்த வேள் முருகனுக்கு அரோகரா ! வெற்றிவேல் முருகனுக்கு அரோகரா !

முருகன் அருளால்  கந்தசஷ்டிக்கு ஆறு நாட்களும் பதிவு போட்டு விட்டேன். ஆறு நாட்களும் தொடர்ந்து வந்து படித்து கருத்து சொன்ன அனைவருக்கும் நன்றி.

இந்த பதிவில் ஜோதி தொலைக்காட்சியில் நேரலையாக பார்த்த    திருச்செந்தூர் சூரசம்ஹாரம், மற்றும்  எஸ் . எஸ் காலனி பிள்ளையார்  கோவிலில் உள்ள முருகனை வணங்கி வந்த  படங்கள்  இடம்பெறுகிறது.

அபிஷேகம் நடந்த போது

மூலவருக்கு முன் இரண்டு மயில்கள், நந்தி . ஒரு மயில் இந்திரன் சிறிது காலம் முருகன் வாகனமாக இருந்த மயில்   மற்றொன்று சூரபதுமன் மயிலாக மாறியது

கருவறையின் பின்புறம் உள்ள முருகன்  தாமரை மலர்களால் பூஜித்த ஐந்து லிங்கங்கள் கருவறைக்குள் மூன்று லிங்கங்கள் உண்டு. ஐந்து லிங்கங்களை காட்டினார்கள். இப்போது இந்த லிங்கங்களை பார்க்க முடிவதே இல்லை கூட்டம் என்கிறவர்கள்  தொலைக் காட்சியில் நன்கு தரிசனம் செய்து இருப்பார்கள். நானும்   தரிசனம் செய்து மகிழ்ந்தேன்.

சேவலும் மயிலும் போற்றி திருக்கை வேல் போற்றி!

வேலுண்டு வினையில்லை

கந்தன் உண்டு கவலை இல்லை

பொன்னழகு மின்னி வரும் வண்ணமயில் கந்தா
கண்மலரில் தன்னருளைக் காட்டிவரும் கந்தா

பச்சை பட்டு சுற்றிய சக்தி வேல்

வேல் கொண்டு சூரனை அழிக்க  விரதம் இருந்து வேலுடன் வரும் குருக்கள்

கூடிய கூட்டங்கள் கடலா தலை அலையா?

துள்ளி வருகுது வேல்

தாரகாசுரன் 

தாரகாசுர சம்ஹாரம்

சிங்கமுகன் சம்ஹாரம்

சூரபத்மன்

சூரசம்ஹாரம்

சேவலும் மயிலுமாகிய சூரன் 

சேவலும் மயிலுமாக மாறிய பின்னும் முருகபெருமானை எதிர்த்து போராட துணிந்தபோது முருகன் தன் அருள்பார்வையால்  அவைகளை நோக்கியதும் சேவலும் மயிலும் சினம் தணிந்து முருகபெருமானின் திருபாதத்தை தஞ்சம் அடைந்தது. 

சேவலைத் தேரில் கொடியாக அமர்ந்து கூவுமாறும் மயிலை வாகனமாக இருக்குமாறும் செய்தார்.

நேரலையாக எல்லோரும் திருச்செந்தூர் சூரசம்ஹாரம் பார்த்து இருப்பீர்கள். நான் தொலைகாட்சியில் பார்த்து விட்டு 

பக்கத்தில் இருக்கும் முருகன் கோவில் போய் வந்தேன். ஆறு நாளில் ஒரு நாளாவது போய் வர வேண்டும் என்று நினைத்து இருந்தேன்.  இன்று மகளுக்கு பிறந்த நாள் நட்சத்திரபடி. (19 ம் தேதி) நாளை தேதிபடி.  அதனால் போய் அர்ச்சனை செய்து வணங்கி வந்து விட்டேன் முருகனை. அப்போது தான் பூஜை முடிந்து பிரசாதம் கொடுத்து கொண்டு இருந்தார்கள்.

வெள்ளி கவசம் அணிந்து முருகன் காட்சி தருகிறார் 

சின்ன உற்சவர் ஆறுமுகர் அழகாய் இருந்தார்

நோய் நொடிகள் தீர்த்து வைக்கும் வண்ண முகம் ஒன்று
நூறு முகம் காட்டுதம்மா ஆறுமுகம் இன்று ஆறுமுகம் இன்று

சீனிவாச பெருமாள், தாயார்

அனுமன் சனிக்கிழமை என்பதால் வெற்றிலை மாலை நிறைய அணிந்து இருந்தார்

துர்க்கை

சாய்பாபா

மீனாட்சி , சொக்கநாதர் தலையில் உத்திராட்ச கீரிடம் அணிந்து இருக்கிறார்

சர்க்கரை பொங்கல், வெண்பொங்கல், பானகம் எல்லாம் கொடுத்தார்கள்.

கந்தன் காலடியை வணங்கினால் பாடல்

https://www.youtube.com/watch?v=UiCVuEdP8M0

ஆறிரு தடந்தோள் வாழ்க அறுமுகம் வாழ்கவெற்பைக்

கூறுசெய் தனிவேல்  வாழ்ககுக்குடம் வாழ்க செவ்வேள்

ஏறியமஞ்ஞை வாழ்கயானைதன்னணங்கு வாழ்க

மாறிலா வள்ளி வாழ்க வாழ்க சீரடியாரெல்லாம்.

வாழ்க வையகம்! வாழ்க வையகம்! வாழ்க வளமுடன்

__________________________________________________________________