கார்னிவல் ரேடியன்ஸ் குரூஸ் (CARNIVAL RADIANCE CRUISE ) பொழுது போக்கு நிகழ்ச்சிகள்

மே மாதம் 31ம் தேதி வெள்ளிக்கிழமை லாஸ் ஏஞ்சல்ஸ்  வந்து கப்பலில் மெக்ஸிகோ வரை   பயணம் செய்தோம் . அது இங்கு தொடர் பதிவாக இடம்பெறுகிறது.

  முதல் பகுதி  படிக்கவில்லை என்றால் படிக்கலாம்.

இந்த பதிவில் கப்பலில் நடந்த பொழுது போக்கு நிகழ்ச்சிகள் இடம்பெறுகிறது. நீங்கள் எல்லோரும் தொடர்ந்து வந்து படிப்பது மகிழ்ச்சி அளிக்கிறது. நன்றி அனைவருக்கும்.

கதை சொல்லும் முன் கார்ட்டூன் கதாபாத்திரங்கள் வந்து குழந்தைகளை உற்சாகப் படுத்தினார்கள்.

சிறிது நேரம் விளையாட்டாக பேசி பின்  கதை சொல்லுதல் ஆரம்பித்தார்கள்.

"ஹார்டன் ஹியர்ஸ் எ ஹூ"  டாக்டர் சியூஸ் தியோடர் சியூஸ் கீசல்  என்ற  புனைப்பெயரில்  எழுதிய   குழந்தைகள் புத்தகமாகும். 

சிறிய  நுண் உயிரை பாதுகாக்க போராடும் யானையின் கதை.

ஹார்டன் ஹியர்ஸ் எ ஹூ!  இந்த குழந்தைகள் கதை விக்கிபீடியாவில் இருக்கிறது. படித்து பாருங்கள்.

கதையை அருமையாக சொல்கிறார் ஒருவர்.  யானை, கங்காரு, குரங்குகள் இரண்டு, கழுகு இவை கதை பாத்திரங்கள்.  அழகாய் நடித்தார்கள்.  இடை இடையே கதாபாத்திரகள் சத்தம் கொடுக்க சொன்னால் கதை கேட்கும் குழந்தைகள் அழகாய் சத்தம் கொடுத்தார்கள்.

யானை எப்படி நுண் உயிரை காப்பாற்றியது அவர் பேச்சை கேட்டு எல்லா விலங்குகளும் ஒத்து கொண்டது என்று பாருங்கள்.

கதையை வாசித்து விட்டு இந்த படங்களை பார்த்தால் நன்றாக இருக்கும்.

https://www.youtube.com/watch?v=s7s16ZyZRD4

ஜனவரி 2018ம் வருடம் கப்பலில்  போட்ட நாடகம். கதை படிக்க நேரம் இல்லையென்றால் காணொளி கதை சொல்கிறது பார்க்கலாம்.

இது நான் எடுத்த  காணொளி

நானும் சின்ன  காணொளி எடுத்தேன் கேட்டுபாருங்கள்.

கழுகாய் நடித்தவர் ஓடும் போது குழந்தைகள் ஆரவாரம் செய்தார்கள்  குழந்தைகள் இருக்கை வரை ஓடி வந்தார்.

 புத்தகத்தின் முக்கிய கருப்பொருள், "ஒரு நபர் எவ்வளவு சிறியவராக இருந்தாலும் ஒரு நபர்" என்பது, தனிநபரின் முக்கியத்துவம் ஒரு அற்புதமாக கூறப்படுகிறது. கதையில் பல இடங்களில் இதையே கூறுகிறார்.

படங்கள் எடுக்க வேண்டும் கீழே இருந்தால் நிற்க முடியாது என்று மேலே இருந்து நாடகத்தைப்பார்த்து எடுத்தேன்

ரசித்துப்பார்க்கும் மகன் , மருமகள், பேரன். பேரன் பின்னால் மகிழ்ச்சி ஆரவாரத்தோடு குரல் கொடுத்தாள் ஒரு  சிறு பெண்.

மேலே இருந்து தூர பார்வையாக 

ஒரு அம்மா விளையாட்டில் ஜெயித்து கையை உயர்த்தி மகிழ்ச்சி அடைகிறார். உள்ளே போகாமல் வெளியிலிருந்து எடுத்த படம்.

மகிழ்ச்சியாக எல்லோரும் அட்டைகளில் குறித்து கொண்டு விளையாட்டில் கலந்து கொண்டார்கள்.  டீலா, நோ டீலா விளையாடுகிறார்கள்.

பிறந்த நாள் விழா  மேல் மாடியிலிருந்து கீழே எடுத்தேன்.

முதல் நாள் கேட்ட பாடல்  அனைவரும் ஆடினார்கள். '"நீங்களுமா என்று கேட்காதீர்கள்" நான் அமர்ந்து கைகளால் தாளம் போட்டேன்.

அடுத்த நாள் கேட்ட பாடல் ரசிக்கும் படியான இசை பாடி ஆடியவர் எல்லோரையும் ஆட சொன்னார், பக்கத்தில் யார் இருந்தாலும் தோளில் கை போட்டு ஆடுங்கள் என்றார்.

நாடகம் பார்த்து, இசை, கேட்டு மகிழ்ச்சியாக இருந்தனர், இப்படி மது அருந்தியும் மகிழ்ச்சி சில பேருக்கு

பீட்ஸா சாப்பிட்டுக் கொண்டே ஆடலை ரசிக்கும் குழந்தை

மாலை நேரம் மேல் தளத்தில் ஆட்டம் , சிறந்த ஆட்டத்திற்கு பரிசு உண்டு.

கடைசி நாள் உணவகத்தில் சமையல் செய்பவர்கள் பரிமாறும் பெண்கள், ஆண்கள் எல்லோரும் ஆடினார்கள்.

கேக்கிலிருந்து நெருப்பு வருவது போல எடுத்து போனார்கள்

 

கைபேசி  வெளிச்சத்தை காட்டி எல்லோரையும் ஆட வைத்தார்கள்.

https://www.youtube.com/watch?v=YcMsWGQvtCg

மிகவும் திறமையானவர்களாக  இருக்கிறார்கள். சின்ன வட்ட மேஜையில் மிக அழகாய் ஆடினார்கள்.

நான் எடுத்த காணொளி சிறிய காணொளி அதில் மகன் காணொளி எடுப்பது தெரியும்

மகன் எடுத்தது ஆரம்பம் முதல் நிறைவு வரை  காணொளி  முழுவதும் எடுத்தார்.

இந்த காணொளியில் நான் காணொளி எடுப்பது தெரியும்.https://www.youtube.com/watch?v=jnPI9cV6YP4

எல்லோரும் கைதட்டி ஆராவரம்  செய்து ரசித்தனர்.

இரவு உணவு சாப்பிட்டு முடித்தவுடன் இந்த நிகழ்ச்சி நடந்தது. ஞாயிறு இரவு. திங்கள் காலை  உணவுடன்  நாம் அங்கிருந்து கிளம்பி விடுவோம். கப்பலும் விரைவாக லாஸ் ஏஞ்சலை நோக்கி பயணம் செய்தது, அதனால் அனைவரும் ஆடும் போது கப்பல் ஆடியதை உணர முடிந்தது. அதற்கும் மகிழ்ச்சி போல ஆடுகிறது என்றேன் பேரனிடம்.

 

கடைசி நாளில் கப்பலிருந்து விடைபெற்று  வெளியே வரும் போது ஒரு காப்டன் இனிமையாக  பியோனோ இசைத்து கொண்டு இருந்தார்.

கப்பலில் நடந்த கேளிக்கைகள் நிறைவு பெற்றது . உங்களுக்கு பிடித்து இருக்கும் என்று நினைக்கிறேன்.

 இன்னும் வரும் கப்பல் பயணம் தொடர்

வாழ்க வையகம்! வாழ்க வையகம்! வாழ்க வளமுடன்!

----------------------------------------------------------------------------------------------------