ஆலப்புழா படகு வீடு பயணம் - பகுதி 4 (நிறைவு பகுதி )

ஆலப்புழா படகு வீட்டில் மகன் குடும்பத்துடன் ஜூன் மாதம் பயணம் செய்தோம். அங்கு பார்த்த இடங்களும் , படகு பயணத்தில் பார்த்த காட்சிகளும் பதிவில் இடம்பெற்று வருகிறது. இந்த பதிவு நிறைவு பகுதி.

படகின் உள்ளே இருந்து படகுகளை கண்ணாடி ஜன்னல் வழியே பார்த்தோம்.

படகின் உள்புறம்

ஏரியின் நீர்  அலைகளுடன் அழகு, வீடுகள் எல்லாம்  பசுமையான  செடி, கொடி மரங்களுடன் கண்களுக்கு குளுமையாக

படகு பயணத்தில் கைவினைப்பொருட்கள் விற்கும் கடைபக்கம் நிறுத்தினார்கள்

பேரன் படகு வீடு வாங்கினான் கொலுவில் வைக்க 

ஐயப்பன் கோவில்

படகு வீடு

அழகு மயில்கள்

அலைமகள் சிறிய கடைதான் சுற்றிப்பார்த்து விட்டு மீண்டும் படகில் ஏறி  வலம் வந்தோம்.

ஆயுர்வேத  அழகு நிலையம் இருந்தது அங்கு போய்

ஆயுர்வேத ஃபேசியல், மற்றும் ஆயிர்வேத  மசாஜ் செய்து கொள்ளலாம் என்று ஒரு இடத்தில் நிறுத்தினார் படகை 

மகனும், மருமகளும் போய் பார்த்து வந்தார்கள் உள்ளே போய். நாங்கள் போகவில்லை . படகில் இருந்தோம். 

அங்கு இளநீர் கடையும் இருந்தது, இளநீர் வாங்கி பருகினோம். 

பயணத்தில்  பார்த்த "ஏசு அழைக்கிறார்" சிறிய தேவாலயம்

பாலமும், படகில் பயணம் செய்ய காத்து இருக்கும் இடமும்(படகு நிறுத்தம்)

மக்கள் இது போன்ற விசை படகிலும் பயணம் செய்து ஏரியை சுற்றி வருகிறார்கள்.

படகு பின் புறம்  தென்னைமரங்கள் பார்க்க அழகு

ஆகாயத்தாமரைகள் நகர்ந்து செல்கிறது

நாம் படகில் பயணம் செய்வது போல பறவைகள் வெங்காயத்தாமரை, அல்லது ஆகாயத்தாமரை என்று அழைக்கப்படும் தாவரத்தில் பயணம் செய்கிறது. தினம் பறவைகளை பார்ப்பது மகிழ்ச்சியாக இருந்தது.

நாரைகள்

முக்குளிப்பான் பறவை

அன்ன பறவை போல வெள்ளை வாத்து   நீந்தி போவது பார்க்க அழகு அதுவும்  வாத்துகள், அதன் குஞ்சுகள்(குஞ்சுகள் என்றுதான் நினைக்கிறேன், படகு வேகமாய் போனதால் சரியாக தெரியவில்லை)   ஆகாயதாமரையுடன் ஜம் என்று பயணம் செய்கிறது.https://www.facebook.com/100002082731829/videos/pcb.6504852832927410/6255115064583549

முகநூலில் இருக்கிறது நேரம் இருந்தால் பாருங்கள். நான் என் சேமிப்பில் தேடினேன் ,  அது டெலிட் ஆகி விட்டது போல.

தாவரங்கள் மிதந்து போவது பார்க்க அழகு. மக்கள் தூக்கி போட்ட காலி பாட்டில்களும் தாவரத்தின் மீது பயணம் செய்கிறது. மக்கள் நீர் நிலையில் தூக்கி போடுவதை பார்க்க வேதனைதான். இதுவும் மிதந்து போவதை காணொளி எடுத்து இருந்தேன், டெலிட் ஆகி விட்டது. நிறைய படங்கள் காணவில்லை.

மழை த்துளி

மழை பெய்த போது மழைத்துளி சூரிய ஒளியில் வெள்ளியாக மின்னியது.

ஏரியில் ஆகாயத்தாமரை நகர்ந்து போவதை பார்ப்பதும் அழகு சிறிய காணொளிதான் பார்த்து விட்டு எப்படி இருக்கிறது என்று சொல்லுங்கள்.

எங்கள் படகில் உணவு பொருள் தேவைபட்டபோது இன்னொரு படகு வீட்டில் வந்து கொடுத்தார்கள், அதை படம் எடுத்து வைத்து இருந்தேன் அதையும் காணவில்லை.

தட்டானும் எங்களுடன் பயணம் செய்தது

பேரன் ஆசைபட்டு வாங்கிய காத்தாடியை படகில் கட்டி விட்டான் படகு போகும் போது அது அழகாய் காற்றில் சுற்றியது பார்க்க அழகாய் இருந்தது.  வரும் போது அது படகில் இருக்கட்டும் என்று  சொல்லி விட்டான்.

படகு துறையை விட்டு வெளியே வரும் வழியில் பார்த்த பறவைகள்.

மூன்று நாட்கள் படகு வீட்டில்  பயணம் மிக நன்றாக இருந்தது. இயற்கையை ரசித்தோம்,  பறவைகளை கண்டு மகிழ்ந்தோம்.

தொடர் பதிவில் தொடர்ந்து வந்து   கருத்துக்கள் வழங்கிய அனைவருக்கும் நன்றிகள்.

படகு வீடு பயணத்தொடர் நிறைவு பெற்றது, அடுத்து போன இடம்  வைக்கம் கோயில்  அது அடுத்த பதிவில்.

வாழ்க வையகம்! வாழ்க வையகம்! வாழ்க வளமுடன்!

-------------------------------------------------------------------------------------------