திருக்கேதாரத் தலப்பயணம். பகுதி-4

                 

                             உத்தரகாசி
                            (UTTARKASHI)

உத்தரகாசி நகரம்

இவ்வூர் பாகீரதி ஆற்றின் கரையில் அமைந்துள்ளது
இங்கு உத்தரகாசி விஸ்வநாதர் திருக்கோயில் அமைந்துள்ளது.

காசி விஸ்வநாதர் கோயில்

அழகான கோயில். 

தான்தோன்றி  நந்தி

சிவன் சந்நிதி அருகில் சுயம்பு நந்தி தேவர் உருவம் உள்ளது.
மூலஸ்தானத்தில் சிவலிங்கம் சற்று சாய்ந்தாற் போல் உள்ளது. 
சிவலிங்கமும் சுயம்பு .

அருள்மிகு விஸ்வநாதர்

போட்டோ எடுப்பதற்கு அனுமதி உண்டு போலும். எல்லோரும் எடுததுக கொண்டிருந்தார்கள் . நாங்களும் போட்டோ எடுத்தோம். 

இங்கு சிவலிங்கத்துக்கு ஊமத்தம்பூவை வைத்து வழிபடுகிறார்கள். ஊமத்தம்பூவை ப்ரசாதத் தட்டில் வைத்து கடைகளில் விற்கிறார்கள்
சிவலிங்கத்தருகே பார்வதிக்கு திருவுருவச்சிலை உள்ளது. ஆனால் இங்குள்ள பார்வதியை விசாலாட்சி என்று கூறுவதில்லை. பார்வதி என்றே கூறுகிறார்கள்.

அருள்மிகு பார்வதிதேவி

 நுழைவாயிலில் படிக்கட்டுக்கள் உள்ளன. மேலே மணிகள் கட்டப்பட்டுள்ளன. பார்வதி தேவிக்கு பக்கத்தில் உள்ள நுழைவாயில் வழியாக இறங்கினால் இங்குள்ள அரசமரத்தில் நூல் சுற்றப்பட்டுள்ளது. 2 வாழை மரங்கள் பக்தர்கள் சுற்றிவரும்படியாக இருந்தது அதிலும் சிவப்பு கயிறுகள் சுத்தி இருந்தார்கள். 

நூல் சுற்றப் பட்ட இரண்டு வாழை மரம்

கருவறையும் விமானமும்

சக்தி கோயில்

இச்சந்நிதிக்கு எதிரே சக்தி கோயில் உள்ளது. இக் கோயிலில் 8 மீட்டர் உயரமுள்ள பித்தளையினாலாகிய ஒரு பெரிய சூலாயுதம் உள்ளது. இது சக்தி ஸ்தம்பம் எனப்படுகிறது. அதன் அருகில் கிழே ஒரு அம்மன், மயிலுடன் கூடிய முருகன், காளி உருவச்சிலைகள் உள்ளன.

மழு

திரிசூலம்

 இவை பற்றி அங்குள்ள பூசாரி இந்தி மொழியில் கூறினார். எங்களுக்கு அது புரியவில்லை. அவர் ஆரத்தி காட்டும்போது பக்தியோடு பக்தர்கள் தொட்டுப் பார்த்து வணங்கினார்கள்.  இதில் கை வைக்கும்போது அதிர்வுகளை உணரலாம் என்றனர். 

. நாங்கள் கோயிலின் வடக்கு வாயில் வழியாக உள்ளே நுழைந்தோம். கிழக்கு வாயில் அருகில் பிள்ளையார் சந்நிதிகள் இரண்டு உள்ளன. அதிலும் சிவப்பு நூல் சுத்தி இருக்கிறது. அருகில் மார்க்கண்டேயருக்கு ஒரு சந்நிதி உள்ளது. கோயிலின் பாதைகளில் சாதுக்கள் பலர் பிச்சை பெற்ற வண்ணம் இருந்தனர்.

அனுமன் கோயில்

அனுமன் கோயில்

கோயிலின் தென்புறத்தில் ஒரு அனுமன் கோயில் உள்ளது. அங்கு ஒரு உயரமான ஒரு கொடிக்கம்பம் போன்ற கம்பம் உள்ளது. அதில் கீழேயிருந்து மேலே வரை சிவப்புத் துணிகளில் வைத்துக் கட்டப்பட்ட தேங்காய்கள் காணப்படுகின்றன. பக்தர்கள் வேண்டுதலுக்காக அவற்றைக் கட்டியிருக்கிறார்களாம்.. 

தேங்காய் முடிச்சுகள்

இங்கு இராமன் ,லக்ஷ்மணன், சீதை உருவச்சிலைகள் உள்ளன.

ஒரு சிவன் கோயில்

இக்கோயிலுக்கு அருகில் இன்னொரு சிவன் கோயில் இருந்தது. அங்கும் சென்று வழிபட்டோம். 

புராதன பரசுராமர் கோயில்

பரசுராமர் கோயில் ஒன்றும் இங்கு தனியாக உள்ளது. இது மிகவும் புராதனமானது என்றும் பரசுராமருக்கு உலகிலேயே இரண்டு கோயில்கள் உண்டு ,அவற்றில் இது ஒன்று என்றும் கூறினார்கள். பஞ்சபாண்டவருக்கு சந்நிதிகள் உள்ளன.

பின்னர் விடுதிக்குத் திரும்பினோம்.
மறுநாள் கங்கோத்ரி சென்றோம்.அது பற்றி அடுத்த பதிவில்.

(தொடரும்)